رد: ارجو الدخول والمساعدة فى مؤشر rpm
 

طب يا جماعة محدش يعرف يعمل الايدل ليرن للفيرنا انا عمرى ماعملتة وكنت بفصل سالب البطارية فقط
وشكرا لاهتمامك استاذ احمد

رد: ارجو الدخول والمساعدة فى مؤشر rpm
 

و الله اللى بيعجبنى فيك يا استاذ محمد انك ما شاء الله مبتحبش تسيب هفوة
ححكيلك عن نفسى ............. مبقولكش طنش زييى
انا فى شهر 10 سنة 2011 جبت ال i 10 اتوماتيك لمراتى و كذا مرة الاحظ ان ال rpm يوطى جدا بالاخص لما اجى ادور و على طول انزل الازاز الكهربا ال 2 اللى قدام و مرة بطلت و انا مسافر و جيت هديت على مطب
و بالرغم من كل دا مطتش و مقولتلهومش فى التوكيل
لانى عارف انه من صمام الايدل و طالما نادرا لما بتحصل فبطنش و مبركزش اوى فى عداد ال rpm طالما الدركسيون مبيرعش
و فعلا الهيونداى غريبة لان اللانوس من ساعة ما جبتها فى 2002 لغاية يومنا هذا مفيش الكلام دا خالص
بس انا بطلت اروح توكيل غبور بالرغم انهم فعلا محترمين
بس اللعب الكتير بيبوظ السليم

طيب ايه اللى خلى حضرتك تقولى ان الفيرنا ليها ايدل ليرن ؟ لان وارد يكون ملهاش خاصة انها تكنولوجيا اعلى من اللانوس
لو فعلا متاكد ان ليها روح للمهندس صاحبك فى التوكيل و قوله بيتعمل ازاى متهياليش حيبخل عليك

رد: ارجو الدخول والمساعدة فى مؤشر rpm
 

الفيرنا ليس لها ايدل ليرن

رد: ارجو الدخول والمساعدة فى مؤشر rpm
 

سيدي الفاضل المشكلة بالترتيب كالاتي

1- المشكلة في الريجيولاتور بتاع الدينامو
2- وجود شورت في احد الاسلاك افحص الارضي جيدا وشيك علي التوصيلات
3- صمام الايدل وتقدر تتاكد بانك تفصل الفيشة والعربية دايرة ر بي ام يعلي ثم وصلة ينزل كده يبقي سليم

رد: ارجو الدخول والمساعدة فى مؤشر rpm
 

اشكرك جدا يا استاذ احمد وانا شاكك فعلا فى صمام الايدل من اخر مرة نظفتة هو كان خربان لدرجة انة كان بيوصل العداد ل 5000 لفة ويعلق ومهما عملت كان بيعلق برضة لحد ما افصل العربية وارجع اشغلها كذا مرة وسعات مكنش بيتعدل فقمت نظفتة ومن ساعتها مبيعلاش تانى ولكن بداء الحوارت بتاعت النور والتكييف تظهر

انا قررت اسيبة لحد ما يجيب اخرة وان شاء الله اغيرة بالاصلى بس انا قلت طالما مش عاملى مشكلة يبقى نسيبة شغال معانا والحمد لله
اشكرك حضرتك على رحب صدرك معايا وكل عام وحضرتك بخير