|
رد: مقاسات كاوتش اكسنت RB
السلام عليكم معلش كده واحده واحده وفهما لي اللى اعرفه ان المقاس 175/70 بيكون العرض 175 ونسبة ارتفاع الكاوتش 0.7 من الكاوتش فبيكون الأرتفاع 175*0.7 =122.5 اما ال 185/70 فيكون العرض 185 والأرتفاع 0.7 من العرض اي الأرتفاع 185*0.7 = 129.5 اي ارتفاع الفرده اعلى من المقاس الأول لكن الفرق ده سيكون في القطر ولا في نصف القطر والله المستعان |
رد: مقاسات كاوتش اكسنت RB
السلام عليكم
نمسك الموضوع واحده واحده لازم قطر الجنط الأصلي بالكاوتش = قطر الجنط بالكاوتش (فيه سماح بسيط) علشان لفه العجله علي الأرض متخلفش السرعه مع عداد السرعه للعربيه يعنى لو الجنط الجديد بالكاوتش قطره أصغر من الفبريكه سرعه السياره هتكون اعلي من سرعه العداد امامك (العربيه سرعه 120 وأنت شايف ادامك علي العداد 105 مثلا) والعكس صحيح - يفضل تركب (رينجات) مع الجنوط السبورت وديه حلقه من ماده ما بين البلاستيك والكاوتشوك بتركب حولين الكوره ألي طالعه فى وسط الطنبور والجنط بيركب عليها الرينجات بتقلل احساسك بضرضره الطريق (أوعي تجيب الرينجات الحديد , ديه اشتغاله) نيجي لارقام الجديد ال R من 13 و 14 و 15 و 16 ده قطر الجنط (الحديد) ال 50 و 55, 60, 65,70, 75 ........ ده علو الكاوتش ال 165و 175, 185 , 195 , 205و 215 ده عرض الكاوتش نيجي للشراء لو هتكبر مقاس الجنط من 13 الي 15 يبقي تقلل علو الكاوتش علشان العداد + مساحه الكرتيره اللي الفرده بتتحرك فيها لو هتعرض الجنط وده ملهوش اي علاقه بمقاس الجنط ممكن تركب 215 علي 13 بس لازم تحسب المسافه من الطنبور الي الرفرف (علشان متحكش الكاوتش في الرفرف مع التقل او مطبات الهواء) بالنسبه للحسبه اللي انت حاسبها فوق (انا اسف) مينفعش نضرب العرض فى الأرتفاع الناتج ملهوش دعوه بارتفاع الجنط |
رد: مقاسات كاوتش اكسنت RB
اقتباس:
السلام عليكم كلام مظبوط ان شاء الله مقاس الجنط زي ما هو لكني اريد تزويد الأرتفاع قليلا في حدود 8 ميللي تقريبا في نصف القطر يعني تقريبا 1.6 سنتيمتر في القطر مش عارف هل دهخ سيجعل الفرده تحك لا اعتقد طيب ممكن اعرف النسبه المسموح بيها كام في المائه والله المستعان |
رد: مقاسات كاوتش اكسنت RB
لبسلام عليكم
بالتوفيق ان شاء الله اعتقد ان 1.6 عادي مفيش مشكله , بس لازم تسأل تاني لأان انا زي ما قلتلك معرفش النسبه بالظب كام , انا عندي بخدها بالخبره (بس النتيجه علي عربيتي ) لكن مقدرش ااكد في عربيتك |
رد: مقاسات كاوتش اكسنت RB
اقتباس:
السلام عليكم شكرا لردك واهتمامك ومنتظر باقي الأعضاء ممكن حد يكون مركبه او عنده معلومه او فكره فيفيدنا والله المستعان |
| الساعة الآن 08:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017