مصر موتورز مجتمع السيارات - المواجهة ▲AbOnOrA☼ ◄VS► ▲Hazem Shahin☼

انا اسف يا جماعة اتأخرت عليكم

نظام إدارة النقاش

ان شاء الله الاسئلة هتكون على 3 مجموعات على مدى 3 ايام فى المتوسط وارد تزيد يوم او تقل يوم وان شاء الله كل اسبوع هيكون عندنا ضيف جديد بحيث يبقى فيه وقت للتحضير واستاذان الناس

المجموعة الاولى ... اسئله التعارف
وان شاء الله تكون اسئله عامة وخفيفه على قلب ضيفنا العزيزززز ونتعرف منها عليه عموماً سواء شخصياً او عن علاقتة بالسيارات والمنتديات

المجموعة الثانية ... اسئله حوارية
وديه هتكون ان شاء الله اسئلتكم وصلتنى ونبداء نحدد مواضيع للحوار نستطلع فيها اراء حازم فى اهم الموضوعات العامة والخاصة بالسيارات

المجموعة الثالثة ... حوار عام
وديه ان شاء الله تكون الدفعة الاخيرة من الاسئله ومشاركات الاعضاء وكلمات ختامية

نبداء بسم الله فى المجموعة الاولى (اسئلة التعارف)

السؤال الاول ...

الاسم الحقيقى: حازم شاهين وهو نفسه المعرف او النيك نيم بتاعك فى المنتدى
السؤال هو ليه ماخترتش اسم تانى Nikename وهل كان ليك اسم تانى فى منتديات تانية
ولو ممكن تختار اسم تانى ممكن يكون ايه ؟؟

محل الاقامة الحالى والمدينة المفضلة ليك ؟؟

ايه هى هواياتك غير السيارات؟؟

ايه هو تخصصك العملى وخبراتك فى مجال الشغل او الدراسة
وبتحب شغلك ولا لاء ولية ؟؟

هل ليك اصدقاء كتير وازاى بتختارهم وهل بتعتبر نفسك انسان اجتماعى ؟

السؤال الثانى اكمل ما بين النقط

حازم شاهين يتميز ب .......... ، ................ ، ..............

حازم شاهين يحلم ب ............... ، ............... ، ..............

اسوء عادات (او طباع ) حازم شاهين ............... ، .................. ، ............

السؤال التالت ... عن السيارات ...

علاقتك بالسيارات بدأت ازاى وليه اهتميت بيها ؟؟
ايه ماركات السيارات المفضلة ليك وايه اسبابك ؟؟
وايه ماركات السيارات المكروهه بالنسابلك وليه ؟؟
اول عربيه فى حياتك كانت ايه وايه اكتر عربيه ليك ذكريات معاها ؟؟
ايه العربية المثالية ليك دلوقتى (اختيار واقعى) وايه العربية (الحلم) بالنسبالك ؟؟
بتحب السرعة ولا لاء وايه اكتر سرعة مشيت عليها وايه اكتر سرعة مفضلة على السفر ؟؟
بتعتبر سواقتك عموماً كويسة ولا تديها كام من 10 ؟
بتمد ايدك فى العربيه وتحب تعمل صيانات بنفسك ولا مبتحبش ؟
وايه علاقتك مع الصنايعية ومراكز الخدمة ؟
عمرك اتنصب عليك فى عربيه او قطعة غيار ولو حصل علمت ايه ؟

السؤال الرابع ... عن المنتديات ومصر موتورز

علاقتك بالانترنت والمنتديات بدات ازاى وكذلك علاقتك بمصر موتورز
ايه اكتر الحاجات اللى تمنيتها وتخيلتها لمصر موتورز قبل اشتركك فيه بفعالية
وايه اكتر الحاجات اللى بتتمناها لمصر موتورز دلوقتى
ايه اعز مواضيع او مشاركات ليك فى المنتدى
مين اكتر الناس اللى بتحبهم او بتابعهم او مهتم بمشاركتهم فى المنتدى وليه

السؤال الخامس

اختر من بين الاقواس

افضل سيارات صينية فى وجه نظرى هى ( شيرى اسبيرانزا - برليانس - بى واى دى - جيلى )

تقييمى للصناعة الصينية ( فاشلة - ناجحة - مبشرة )

حالة المرور المصرى سببها فى المقام الاول ( الشرطة - المواطنين - الطرق )

اهم عامل فى اختيارك للسيارة ( الكماليات - الاداء - السعر )

دول بس تصبيرة لحد ما نجمع باقى الاسئله