رد: حادث تصادم إلنترا مع مرسيدس و توك توك .. !!
 

السلام عليكم جميعا وكل عام وانتم بخير / اولا حمد اللة على السلامة وثانيا دى تجربتى الشخصية عندما اشتريت عربيتى سألت المهندس الموجود بالتوكيل عن شركة تأمين شغلها معاهم كويس ومش بيتأخرو فى صرف التعويض فقالى على شركة فذهبت ليهم وعملت الوثيقة لمصلحة التوكيل يعنى انا ماليش دخل بصرف التعويض خالص كل اللى بعملة لما يحصل حادث لاقدر اللة انى بعد ما يخلص شغلفى العربية ادفع من ثمن الفاتورة ال 10% الاهلاكات فقط بعد مااشوف الشغل اللى اتعمل فى العربية واكون راضى عنة بنسبة 100%كويس .ثانيا التوكيل لة شغل التلات ورقات برضة بعنى هيقولك هنغير الاكصدام الامامى والرفرف الشمال والمرايا الشمال فيقوم بتصليح الرفرف والاكصدام مدام مش مكسور جامد ويقوم برشهم ببوية بلون العربية بالظبط المهم انك هتلاقى كل شئ تمام والمرايا الشمال ممكن يجيبها زيرو فلو قالك انى غيرت الاكصدام قولة ورينى الاكصدام القديم ولو تعرف تأخد الاكصدام خدة والرفرف لو غيرة فخد القديم لانة فعلا ممكن يتصلح ويركب تانى ونسيت اولا تعمل محضر بأن العربية اتخبطت ولوعارف بيانات عن صاحب التوكتوك اكتبها فى المحضر ولو مش عرف اعمل محضر وهمى انك كنت راكن العربية وصحيت الصبح لقيتها مخبوطة ومش عارف مين اللى عمل كدة وابقى ادى اللى بيعمل المحضر 20/30 جنية ويكتب فى المحضر يوجد اثار فرملة بجوار العربية وكسر زجاج وكدة
ولو هتصلح برة التوكيل حاول تكون فاتورتك كاملة ومختومة ومن مركز محترم علشان ماترجعش لهم تانى بسبب الفاتورة لان فى شركات تأمين بتعقد الامور وانت خليك فى السليم دة تقريبا كل اللى فاكرة
كل عام وانتم جميعا بخير ,

رد: حادث تصادم إلنترا مع مرسيدس و توك توك .. !!
 

شغل التلات ورقات ده مخوفنى أروح التوكيل ...

يعنى واضح من الصور .. إن الرفرف و الإكصدام .. والخدوش الموجودة فى الأبواب .. لا يستدعى تركيب رفرف / إكصدام / باب جديد .. !! .. فأنا خايف أروح التوكيل يروح عامل اللى بتقول عليه أو حتى يركب جديد .. و يعمل لى فاتورة بكام ألف جنيه على شوية الحاجات اللى فى العربية دى ..

وكمان فى ناس بتنصحنى أسيب العربية لحالها .. العربية معرضة لحادث فى أى وقت لا قدر الله ..
و كتر المرواح ع التامين بيزود قسط التأمين فى حالة التجديد ..

وناس تانية تقوللى ..أجّل الإصلاحات لغاية الأيام الأخيرة من فترة التأمين (يعنى قبل إنتهاء السنة بكام أسبوع مثلاُ) ..

الواحد محتار يعمل إيه ..
عشان كده عملت الموضوع ده عشان أشوف تجارب ممن تعرضوا لمثل هذه المواقف أو من لديهم خبرات فى هذا الإطــــار ..

رد: حادث تصادم إلنترا مع مرسيدس و توك توك .. !!
 

أولاً : حمد الله على سلامتك وسلامة من معك والحمد الله إنها جت فى الحديد.
ثانياً : ده دايماً بيحصل للعربيات الجديدة "لازم تاخد عين".
ثالثاً : التوكيل أفضل وأضمن 100 مرة للسيارات الجديدة حتى ولو كانت الأسعار مبالغ فيها.

رد: حادث تصادم إلنترا مع مرسيدس و توك توك .. !!
 

لا طبعا اعمل الحاجات امال حضرتك عامل تامين شامل ليه لازم تستفيد من التامين في اصلاح الحاجات ديه وبعد متظبط العربيه وان شاء الله ترجع زي الاول ابقي اول لبتاع البويه يلزق لزقه كبيره في اول العربيه ويحط عليها معجون عشان العين مع اني شايف ان احسن حاجه تكفيك شر العين هي القراءن والادعيه واعقلها وتوكل والله الموفق

رد: حادث تصادم إلنترا مع مرسيدس و توك توك .. !!
 

الواحد لو مأمن على العربية لازم يروح التوكيل لانك مش هتدفع حاجة غير ال 10% ومصروفات صغيرة وفية شركات تأمين من غير نسبة تحمل على العميل خالص أما لو مش مأمن فلو عارف حد برة التوكيل فيكون افضل بس يكون معرفة وتظبط الصنيعية وتقف على ايديهم وتخلى التوكيل للحاجات التقيلة مثلا صيانة 20000 او40000 لانهم تقريبا بيغيرو حاجات مهمة للعربية فأحسن انك تغيرها فى التوكيل علشان الضمان وخدو بالكو ان التوكيل مش مهم عندة العميل لا احنا بنروح لة وهو بقى يشتغلنا علشان ندفع ولو واحد فاهم فى العربيات كويس اوى يقف لهم على الصغيرة والكبيرة دة بيخنقهم اوى اوى وبيحاولو يتخلصو من العميل الرخم دة بسرعة علشان يشوفو غيرة حصل دة مع ابن اختى عندة خبرة كويسة وهو اصلا تنك اوى وعربيتة هوندا سفيك وشغال فى وزارة البترول وكل يوم رايح اسكندرية مرسى مطروح السويس طاحن العربية فالدركسيون من ماسكة ايدية اتغير اللون من اسود فحم اوى الى اسود فاتح وهو مأمن شامل مع الفطيم راح على الفطيم وطلع عنيهم وعذبهم لانهم مش عاوزين يغيروالدركسيون وعمل ايميل للشركة الام وعملهم فضيحة وبعد فترة مش كتير غيرولة الدركسيون بغيرة جديد وجابوة من اليابان لان كان مش موجود منة فى مصر خلاصة الكلام لازم تعرف حقك اية وتعرف تجيبة ازاى وماتسكتش ولا تتنازل عنة ابدا تحياتى