|
رد: يوميات نوبيرتي ...
ربنا يرزقك بالاحسن منها يا بشمهندس استرا ,,, لسه كنت في مشوار انبارح و العربيه اتفصلتلي بمبلغ حلو ,,, من ساعتها الواحد قاعد يفكر و الشيطان شاطر , ياد ابيع و اجيب كريستاله او كرولا قديم و ممكن ازود شويتين ( 3 او 4 ) عشان اجيب حاجه نطيفه لاني عايز اركب يباني .!!!؟؟؟.
ارجع اهدي و ده الراي الغالب , العربيه مقعدتش معايا و معرفش اقضي يوم من غيرها مش عشاني بس و كمان مدارس و حضانه داخلين و لو قضيتها تكاتك هشحت .,,. و كمان لاني لسه شادد العربيه عفشه و ميكانيكا و بصراحه و مش عشان عربيتي العربيه كنت جايبها بايشه من بره بس دواخل فبريكه بس مهمله و صرفت كتير عشان اظبطها و لسه فاضلي شغل دلع و كماليات , بس الموتور زيرو و نطيف ربنا يحفظ لنا جميعا مواتير عربياتنا و عربياتنا كلها . |
رد: يوميات نوبيرتي ...
كنت في سفر النهاده فوق ال 200 ك رايح جاي و الحمد لله وصلت بالسلامه .
السفر قطعه من العذاب ,,, اما عن العذاب نفسه انك سايق مشوار بالطول ده و علي الطرق دي , بين كل مطب و مطب نقره او مطب هواء او اي حاجه تخليك تهدي , متلحقش تاخد ال 4 و تمشي عشان توصل و تلاقي مطب او وصلات في الطريق نفسه مكسر و علي قده ( باحب اخد المشوار ده خرامي بين المراكز و القري اقرب طريق ) المضحك في الامر و انا راجع في العوده و كانت في حدود ال 2 و نص ظهرا , و علي الكرسي اللي جنبي جايب بطن علبه مناديل كبيره اسحب منها و قزازه المياه اللي خلاص بردت و كانزيه خلاصانه و الدنيا متكعبله علي الاخر جوا العربيه عدا الكرسي بتاعي . كمين علي السريع و بيوقف .!؟؟!. اوبااااااا . انشحكت و رجعت ظهر الكرسي شويه كمان .!؟. و شديت صوره السيسي لاسفل اللي كنت الصبح عايز اشيلها خوفا من اني اصدف تجمهر للاخوان و قطع طرق و الهم ده . و كمان الحمد لله اخيرا هاستخدم رخصه السواقه اللي لسه مستلمها .,. جيت قصاد الظابط هو لمح بس الكعبله و المناديل و كميه العرق اللي علي وشي و رزم المناديل بجواري .!!!. عدي عدي بسرعه . الدروس المستفاده .؟. امشي مظبوط افضل شيء , رخصه العربيه و رخصه السواقه و البطاقه و تبقي مرتاح نفسيا . بالنسبالي و السفر في الحر .؟. التكيف صار شيء اساسي انه لازم يشتغل و اصلحه و اشحنه و الا ابقي اخد فوطه للعرق اللي بينزل علي العين و انا سايق بدل حوار كل شويه منديل . اخيرااا ,,, الحمد لله العربيه سافرت زي الفل مرتاحه و مؤشر السخونيه علي الطبيعي فوق اول شرطه بحاجه بسيطه و تحت شرطه النص بكتيرررر .,. و لما كنت افتح و امشي 4 بتنزل اكتر , لما رجعت و العربيه بردت بعد 4 ساعات فتحت القربه و الحمد لله الميه زي الفل و لا نقصت زي ما كنت متخوف . ملاحظه واحده بس .؟. الباور زي الفل و مستوي زيته تمام و الدركسيون ناعم و خفيف بس باحس بتزيقه فيه لما اكسر جامد و الف الدركسيون , ده عادي و لا فيه حاجه مثلا عايزه تتزيت , انا شايفها عادي و مش مركز معاها بس اهو نعرف برده الاصلح ... ااااااااااااسف للاطاله . |
رد: يوميات نوبيرتي ...
بارك الله سيارتك يا دكتور نوح
سيارتك الحمدلله طبيعية وليس بها اى عيب |
رد: يوميات نوبيرتي ...
اقتباس:
ممكن كمسكن تغسل البطاحة كويس جدا جدا ودى تعملها من كابوت العربية وبعدي رشتين WD40 على البطاحة برضة وتسيبها شوية وتديها نقطتين زيت بالمزيتة |
رد: يوميات نوبيرتي ...
تمام , جزاك الله خيرااا مستر استرا , تقصد اسقط خرطوم المياه من هنا .؟.
https://fbcdn-sphotos-e-a.akamaihd.n...85804c01218701 https://fbcdn-sphotos-c-a.akamaihd.n...95168249_n.jpg لاني للاسف معرفش شكل البطاحات دي عامله ازاي .؟؟. و بعد كدا ان شاء الله و للمعرفه بلي البطاحات ده سعره كام و البطاحه نفسا هل ممكن تتغير و بكام .؟. و متشكر جداااااااااااا لتعب معاليك معايا و منكم بنستفيد , ربنا يباركلك . |
| الساعة الآن 08:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017