مصر موتورز مجتمع السيارات - يارجالة, جبتلكوا صور لولا, عربيتى.

مصر موتورز مجتمع السيارات (https://www.masrmotors.com/vb/index.php)

- صور وفيديو الأعضاء (https://www.masrmotors.com/vb/forumdisplay.php?f=57)

- - يارجالة, جبتلكوا صور لولا, عربيتى. (https://www.masrmotors.com/vb/showthread.php?t=32087)

رد: يارجالة, جبتلكوا صور لولا, عربيتى.

اقتباس:

المشاركة الأصلية كتبت بواسطة sad-bird (المشاركة 256491)

والسنتين التانيين سايبها تخزي العين بمواسير الصرف الصحي

اقتباس:

المشاركة الأصلية كتبت بواسطة sad-bird (المشاركة 256491)

هههههههههه

وكمان الحاج مقرط الحنفية عليه فمش عاوز يصرف في حاجة غير الماتور وقاعد يستني التجديد بفااااااااااااااارغ الصبر علشان يشدها شده تماام
بس برضة مش هيدهنها غير بعلب سبراي من ام 7 ونص
هههههههههههههههههههههه

يا راجل ده انت مش هاين عليك تعمل شوية رابسو وتغسل الفرش بيه من البقع الي عليه
حرام عليك ابقى خلي درش يغسلهالك حتى

كده, ماشى ياباشا, أنت لو تعرف بس, ده الجديد:-

1- فيه مسمار فى العجلة الشمال اللى قدام مفوت, والمفروض انى أجيب واحد جديد, بس ماشى بيها كده رزالة.

2 - العربية محتاجة ظبط زوايا وترصيص, أنا سايبها علشان مكسل أروح أعملها وعلشان مفيش مراكز صيانة أعرفها بتفتح الساعة 5 الفجر.

3 - عايز كيلو زيت, بس ده هاجيبه يالنهارده يابكرة.

4 - فرامل اليد الواير مقطوع.

5 - فيه أصوات غريبة بتنذر يا أما بقرب أنفجار العربية أوبأن فيه حاجة مش متثبتة كويس (متهيألى غطاء فرن الشكمان)

6 - العفشة تقريبا محتاجة يتكشف عليها.

7 - "درش" تقريبا الصمغ اللى على وشه ساح من الشمس والحجاب بتاعه أبتدى يقع:(, فأولويتى أجيب واحد جديد.

ومعععععععععع ذلك مازالت تسير بكل نشاط, وشغل المجانين فى الشارع شغال على ودنه, وبتجيب 120 بكل بساطة وبتكمل ومبتتقلبش.

وعلى فكرة بقى, السنتين محصلش فيهم ولا حادثة كبيرة بسببى, رغم المشى المجنون بتاعى, وأقرب حادثة كانت فى رمضان واقف فى الأشارة ولا على بالى, وخلى بالك من واقف دى, والاقى عربية لزقت فيا من ورا, محصلش حاجة بس بعد ماكنت ماشى عمال أتفرج على الفيلة البمبى اللى طايرة فى السما, بقيت حاسس انى هفرقع من الغيظ, خصوصا أن الراجل كل اللى عمله أنه شاورلى بأيده "من جوه العربية" وخلاص, ده أنا واحد قبل كده خبط المراية وهو ماشى بمازدا 3 جديدة, ووقف ولسه هينزل, شاورتله عادى مفرقتش ولا يهمك وهو شاورلى شكرا ومشى, ياااااااااااه, أيام.

والعربية والله لو عايز أعملها هاعملها, أنما مفيش حاجة بكرهها أكثر من الزحمة والقعدة عند الدكتور الجراح المهندس الميكانيكى, محدش يعرف ميكانيكى بيفتح الفجر؟

رد: يارجالة, جبتلكوا صور لولا, عربيتى.

ربنا يملاهالك بركة و يكفيك شرها , بس يا حبيب قلبى انت العربية عندك حتى مينفعش معاها bimb my ride دى عايزة ترجع المصنع ده لو قبلوا ياخدوها .

رد: يارجالة, جبتلكوا صور لولا, عربيتى.

اقتباس:

المشاركة الأصلية كتبت بواسطة rooming (المشاركة 257450)

بيتهيألك ياعم أحمد ( مش أحمد برضة ان لم تخني الذاكره )

العربية زي الفل اساسيات وعفشة وماتور
لكن هيا متبهدله فرش وتابلوه وصاج

هو بس يشخشخ جيبه شوية وننزل نجيب كرسيين طيارة ونشد الفرش شده جلد لونين تمام والصاج اغلبه سليم الحمد لله مفيش شغل فيه كتير والفوانيس هتتتغير وتيجي ابيض وعدة الصوت هنجيب طقم بيونير او كينوود بالبازوكا بتاعته ونسقط العفشة ونجيب جنوط 14 وكاوتش سبور لزوم الجري والغرز

يعني حسبة مش كتير
4000 كاوتش وجنوط
3000 عدة صوت
2500 دهان وصاج على حسب الحوادث بتاعتك
1000 كهرباء ورفايع
800 كرسيين طيارة
500 فرش

قول 12000 بس ايه رأيك مش كتير لعب عيال بالنسبالك ياعمور
ههههههههههههههههههههههههه ههه
فلوس كتيرفلوس كتيرفلوس كتيرفلوس كتير

عملتلك العربية وانا قاعد ياعم عمرو ولا حوجة تروح لميكانيكي ولا سمكري
ههههههههههههه

يا مفتري منك لله مستخسر تهز طولك وتروح تجيب زيت تحطه في الماتور يا كسووووووووووووووووووووووو ووووووول
والله افضحك لو منزلتش تظبط العربية

رد: يارجالة, جبتلكوا صور لولا, عربيتى.

نسيت اقولك
هنجيب درش تاني بدل درش القديم لحسن الغراء بتاعه بدأ يفك
بالذمة دي مش تبقى مصيبة هنجيب كراسي طيارة ونحط عليها درش

ههههههههههههههههههههه

رد: يارجالة, جبتلكوا صور لولا, عربيتى.

لآ انت الذاكرة تمام يا برنس .أحمد صح