رد: السرعه و التسارع انا وصلت لاختراع مذهل
 

thx for ur efforts , i would like to try this invention !!!!!

رد: السرعه و التسارع انا وصلت لاختراع مذهل
 

استاذ شريف متهمكش بالنصب يا استاذ مدحت و انا اللي اكدت علي كلامه مش بتهمك بالنصب برضه ولا اي حد اتهمك بالنصب لكن حط نفسك مكان الناس !! اجي انا و انت زي ما بتقول جت معاك كده يعني انت مش راجل محترف ميكانيكا و تعديل و استاذ شريف اللي كان بيكلمك راجل يعد من الناس التقال في موضوعات التعديل و بطريقة عمليه مش نظري و بس ! عشان كده صعب جدا انك تقنع واحد زيو او زيي فاهمين ميكانيكا بالكلام ده ! انا شفت بروجتكات لعربيات تعبانه و مواتير عاديه طلعت قدرة حصانية و عزم جبار مكنتش تتخيل انه يطلع منها لكن مش لوحدها كده بدون اي نوع من انواع الاضافات الخاصة برفع قدرة المحرك ! حضرتك جي في منتدي عربيات اغلب القائمين عليه و اغلب اعضاؤه ناس فاهمه ميكانيكا و تعديل و بعضهم بيشتغل في عربيته بأيده و جي بتقولنا انا رفعت قدرة العربية و خلتها جباره بدون و بدون و بدون و بسعر 1750 جنيه !! حط نفسك مكان اي حد فينا لو حد جه قالك كده بدون ما يديك ولا حتي note عن الموضوع تفتكر حد هيصدق !! فكر في الموضوع شوية و هتلاقي ان صعب الواحد يصدق كلامك مش مستحيل لكن اشبه بالمستحيل ! و ده مش اتهام بالنصب لكن ده عدم اقتناع فقط ليس الا !

رد: السرعه و التسارع انا وصلت لاختراع مذهل
 

شكرا د0بولبوان على تفكيرك لى للفيلم
شكرا ابو نورا اعزرونى انا فعلا مش عارف اعمل ايه بس هو ده اللى حصل معايا بالفعل
ما انا لو بكدب 10 مارس مش بعيد الايام بتجرى هوا
بس زاى متقولو القطه فى البدايه بتبقى خايفه على عيلها من ان حد يشفهم مش يلمسهم انا حاليا فى حيره جامده بجد فى كذا حاجه فى دماغى عايز اعملها انا حاسس بكعبله كل اللى طلبو منكم انتظرو ميعاد التجربه و تكونو معى انا حنشر الميعاد امام الكل
لكن بالنسبه لكلام ابو نورا ان حد ياخد الموتور و يروح يفسساسه اى يفكو حتت و يشوف انا عملت ايه طبعا انا مش حربط حد جانبى يجرى ورا كل موتور لكن كل موتور له امكانيات و له نسب اى شىء بدون علم فيه ممكن تفرتكه و ده انا مطمئن ان اللى حيفك الموتور مش حيعرف يعمل كده فى موتور مشابه على الاقل
لعدم توافر الماده الخام فى البلد و كيفيه و ضع النسب المطلوبه و طريقه وضعها و مكان وضعها لانك بمجرد ماتفك المكان اتغير و اذا تم وضعها بصوره عشوئيه فى الحاله دى تصبح خطر و كمان لاتعمل الماده دى بتعيش لغايه 200000 كيلو متر و بعد ذالك تجدد مره اخرى
فى نقطه كمان عند فك الموتور مطلوب حرص شديد شديد
اما بالنسبه الى الفكره فهى بسيطه جدا ولكن معقده للغايه و هى الهوا الموجود فى الدنيا مكون من نيتروجين78%و اكسجين 21% و غازات اخرى كثير الفكره هى كيف تستخلص النيتروجين من الجو فى صوره كانه معباء فى انابيب و تجعله يعمل على الحرق السريع بالداخل و يلغى قصه الفقرعه اللى بتحصل داخل الموتور
فبالطريقه دى يصبح صوت الموتور ناعم جدا و هادى
تانى شىء و هو الاهم فى الموضوع
النيتروجين الموجود بيعمل على حرق البنزين بالكامل و ده اللى بخليك مش محتاج انك تضغط على البنزين بنفس الصوره السابقه و حرقه باكامل هى دى السبب فى توفير 40%من استهلاك البنزين
انا مش حتكلم و اقول اكتر من كده معلش سامحونى و انا فى انتظار ابو نورا علشان يقولى كيفيه تحقيق الانتشار ممكن بالطريقه دى يبقى معى فى اداره المشروع و الكل يستفيد من الناحيه الماديه و المعنويه من حيث الشهره
انا فى انتظار مكلمتك لى يا ابو نورا

رد: السرعه و التسارع انا وصلت لاختراع مذهل
 

محمد ايبيزا كل اللى يقول انه مش مصدق المفروض اقوله الموضوع ماشى ازاى علشان يقتنع دى مش مشكلتى يا محمد اللى عايز يجيى و يشوف بنفسه و هو اساسا مش مقتنع ممكن اوى يقول ساعتها ده عاملها جلا جلا و مأرى عليها و ممكن يقول ان جواها عفريت كل اللى حواليا و مكانوش مصدقين قالو كده و اكتر و فى ناس قالو الف مبروك صوابعك مش زاى بعضها
عارف فى واحد صديق لى قالى كلمه
انا بصرف على عربيتى كتير و قليل و بفكها كل شهر بنفسى و اعملها صيانه بنفسى و على فكر هو اسمه محمد حسن عبد الله مهندس و خريج ميكانيكا سنه 2007 ممكن اى مهندس يعرفه او يقدر يوصله الراجل ده خسرنى لانه قالى انا اولى الناس بان افاجىء المجتمع بمشروع مش انت فصدقنى انا زاى ملاقيت ناس بتشجعنى
و مبسوطه بللى شافوه زاى ملاقيت ناس برده يحولو يكسرو و يخوفو الناس من الشروع ده عموما ربنا يجازى كل واحد على حسب نفسيته
الى رايدله ربنا النجاح محدش يقدر يقف فى طريقه
و للعلم بانى كشفت اليوم على الفولكس و اجلت النقل لغد
بان الاتى الكرنك ليس به اى شروخ
السبايك سليمه
الجيربوكس كل تروسه سليمه و الحمد لله وربنا
سهل حنحاول انشر القيديو بتاع عربيتى و التسارع بتعها و بردو حتلاقى فى ناس حيقولو ده مستحيل و بردو حتلاقى ناس مؤيده و مشجعه اما بالنسبه الى مش مصدقين ساعتها حتلاقى كل واحد طلع بكلمه رغم انهم شايفين بعنيهم
وبكرر تانى الى عايز يجى سواء كان مشجع او مهدم ينورنى و اثناء التجارب كله حيبان و المياه تكدب الغطاس و بردو حتلاقى ساعتها اللى يقول انه مركب فيها عفريت
موعدنا ان شاء الله حكتبه قبلها باسبوع و حيكون يوم جمعه علشان الاجازات و يكون متاح للجميع انه يجى و لو فى اقتراح تانى اتفضلو قولولى
و انا تحت امركم و فى
نقطه احب اقولها الى الخبراء فى الميكانيكا
انتم خبراء محاولتوش تخترعو حاجه ليه بدل متقعدو تقولو ده مستحيل و ده ممكن انتم نقاد و لا مهندسين
اللى بيشغل مخه بيوصل و اللى قاعد على الساقطه و اللقته فيفضل زاى ماهو فى مكانه بل بيتراجع
الى كل خبراء الميكانيكا اللى بيقولو ازاى
من حوالى عشرين سنه كان ممكن حد يتصور ان يكون فى تليفون محمول رغم وجود التليفون العادى و الاسلكى و بردو كان خبراء التصال ساعتها و لو واحد مصرى هو الى عامله كانو قالو ازاى ده مستحيل و يترى فكرته ايه هو ده طبعنا
فى ناس بتحب الخير لبعضها و فى ناس بتحاول تكسر و تهدم و بطريقه اخرى يعرف الفكره

رد: السرعه و التسارع انا وصلت لاختراع مذهل
 

اى حد موتور عربيته حيبقى امامه بعد العمل فيه و الى عايز يفكه بعدها هو حر يفكه زاى ماهو عايز انا مش حنعين له حارس
بس انا بقولها على الملاء انا غير مسئول عن الفك و الاضرار الى حتحصل للانسان الى بيفكوه و اللى حاواليه و على العربيه نفسها
انا مش بخوف كل واحد يعمل اللى هو عايزه
بس غاز النيتروجين مما معروف عنه فى شده انفجاره و اثاره التدميريه
زايها زاى انبوبه البوتجاز اتصرفت فيها بحرص من اجل تسويه الاكل حتفضل فى امان و لكن من يحاول العبث فيها بتنفجر فيه
وبكرر الى عايز يفك يفك انا مش بخوف حد بس امام الله و الناس انا مش مسئؤل عن اللى حيحصل

العربيه الفولكس و النقل الدبابه بسم الله ما شاء الله عليهم زاى الفل و مع رغم كده انا مستانى ان الفولكس تقطع 15000كيلو متر و بعد ذاللك عنعملها على العربيه بتاعتىو من ثم الى اى شخص اخر