مصر موتورز مجتمع السيارات - يوميات نوبيرتي ...

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - يوميات نوبيرتي ... (https://www.masrmotors.com/vb/showthread.php?t=124335)

رد: يوميات نوبيرتي ...

المنتدى كلة باركلك على الرخصة قبل منى
معلش اعزرنى كنت طول النهار برة

بالمناسبة بعت عربيتى الجالينا اللى لسة شاريها من شهرين النهردة
ادعيلى بقى ربنا يكرمنى بحاجة كويسة

رد: يوميات نوبيرتي ...

الله يباركلك , ليه بعت .!!!؟؟؟. ده انت شاريها قريب ,,, ربنا يرزقك بالاحسن منها .
تيجو .؟!. و لا مش هتجيب صيني .
بس حاول تشتري عالطول لان الفلوس من انواع الطيور .,. هههههههههههههههه .

رد: يوميات نوبيرتي ...

اقتباس:

المشاركة الأصلية كتبت بواسطة mr_astra (المشاركة 978313)

ربنا يوفقك فى حاجة احسن منها .... بس اسمحلى انا ليا نفس الاستفسار بتاع دكتور نوح ... حضرتك بعتها ليه ؟؟ فيه حاجة معجبتكش فى العربية ؟

رد: يوميات نوبيرتي ...

لا والله بالعكس
العربية دى تحفة لو فضلت اتكلم عليها هاقول فيها شعر للصبح
انت راكب عربية وماشى على اى سرعة منتش خايف - يقة فى العربية ملهاش حدود - شكل ورفاهية ومتانة زى الفل- لكن بصراحة جالى فيها مبلغ كويس

رد: يوميات نوبيرتي ...

اقتباس:

المشاركة الأصلية كتبت بواسطة mr_astra (المشاركة 978376)

ربنا يباركلك ... كدة وضحت الرؤيا :Bravo:

رد: يوميات نوبيرتي ...

ربنا يرزقك بالاحسن منها يا بشمهندس استرا ,,, لسه كنت في مشوار انبارح و العربيه اتفصلتلي بمبلغ حلو ,,, من ساعتها الواحد قاعد يفكر و الشيطان شاطر , ياد ابيع و اجيب كريستاله او كرولا قديم و ممكن ازود شويتين ( 3 او 4 ) عشان اجيب حاجه نطيفه لاني عايز اركب يباني .!!!؟؟؟.

ارجع اهدي و ده الراي الغالب , العربيه مقعدتش معايا و معرفش اقضي يوم من غيرها مش عشاني بس و كمان مدارس و حضانه داخلين و لو قضيتها تكاتك هشحت .,,. و كمان لاني لسه شادد العربيه عفشه و ميكانيكا و بصراحه و مش عشان عربيتي العربيه كنت جايبها بايشه من بره بس دواخل فبريكه بس مهمله و صرفت كتير عشان اظبطها و لسه فاضلي شغل دلع و كماليات , بس الموتور زيرو و نطيف ربنا يحفظ لنا جميعا مواتير عربياتنا و عربياتنا كلها .

رد: يوميات نوبيرتي ...

كنت في سفر النهاده فوق ال 200 ك رايح جاي و الحمد لله وصلت بالسلامه .
السفر قطعه من العذاب ,,, اما عن العذاب نفسه انك سايق مشوار بالطول ده و علي الطرق دي , بين كل مطب و مطب نقره او مطب هواء او اي حاجه تخليك تهدي , متلحقش تاخد ال 4 و تمشي عشان توصل و تلاقي مطب او وصلات في الطريق نفسه مكسر و علي قده ( باحب اخد المشوار ده خرامي بين المراكز و القري اقرب طريق )

المضحك في الامر و انا راجع في العوده و كانت في حدود ال 2 و نص ظهرا , و علي الكرسي اللي جنبي جايب بطن علبه مناديل كبيره اسحب منها و قزازه المياه اللي خلاص بردت و كانزيه خلاصانه و الدنيا متكعبله علي الاخر جوا العربيه عدا الكرسي بتاعي .
كمين علي السريع و بيوقف .!؟؟!. اوبااااااا .
انشحكت و رجعت ظهر الكرسي شويه كمان .!؟.
و شديت صوره السيسي لاسفل اللي كنت الصبح عايز اشيلها خوفا من اني اصدف تجمهر للاخوان و قطع طرق و الهم ده .
و كمان الحمد لله اخيرا هاستخدم رخصه السواقه اللي لسه مستلمها .,. جيت قصاد الظابط هو لمح بس الكعبله و المناديل و كميه العرق اللي علي وشي و رزم المناديل بجواري .!!!. عدي عدي بسرعه .

الدروس المستفاده .؟.
امشي مظبوط افضل شيء , رخصه العربيه و رخصه السواقه و البطاقه و تبقي مرتاح نفسيا .
بالنسبالي و السفر في الحر .؟.
التكيف صار شيء اساسي انه لازم يشتغل و اصلحه و اشحنه و الا ابقي اخد فوطه للعرق اللي بينزل علي العين و انا سايق بدل حوار كل شويه منديل .
اخيرااا ,,, الحمد لله العربيه سافرت زي الفل مرتاحه و مؤشر السخونيه علي الطبيعي فوق اول شرطه بحاجه بسيطه و تحت شرطه النص بكتيرررر .,. و لما كنت افتح و امشي 4 بتنزل اكتر , لما رجعت و العربيه بردت بعد 4 ساعات فتحت القربه و الحمد لله الميه زي الفل و لا نقصت زي ما كنت متخوف .

ملاحظه واحده بس .؟.
الباور زي الفل و مستوي زيته تمام و الدركسيون ناعم و خفيف بس باحس بتزيقه فيه لما اكسر جامد و الف الدركسيون , ده عادي و لا فيه حاجه مثلا عايزه تتزيت , انا شايفها عادي و مش مركز معاها بس اهو نعرف برده الاصلح ...

ااااااااااااسف للاطاله .