مصر موتورز مجتمع السيارات - محتار يا جماعة بليز

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - محتار يا جماعة بليز - شيفرولية لانوس 2012 (https://www.masrmotors.com/vb/showthread.php?t=67538)

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة asom_6 (المشاركة 515212)

الحقيقة انا متعاملتش مع بنك سوسيته جنرال بس عموما نظام ضمان الوديعة مبيختلفش من بنك لبنك ولكن اللى بيختلف هو قيمة الفايدة السنوية (( اعتقد من 9 الى 10 % )) ده لو فايده ثابتة سنويا لكن بقى لو فايدة متناقصة وده اختراع بارد لبعض البنوك ويبدأ من 18% تقريبا ويقل على باقى السنوات وسبب هذا الاختراع هو ان العميل عندما يرغب فى دفع عدة سنوات كاش من تمن العربية لينتهى من موضوع الاقساط ((يكيش اخر سنة ولا اتنين مثلا)) البهوات يخصموا قيمة الفايدة على اخر كام سنة اللى هما اساسا اقل فايدة وبكدة يكونوا لهفوا اكبر قدر ممكن من العميل على اول اقساط ((برود متناهى الحقيقة ))

عموما العبرة بأنك تسأل عن كل التفاصيل فى البنك اللى ناوى تتعامل معاه الأول

جزاك الله كل خير ومتشكر جدا على اهتمامك والرد

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة blade2011 (المشاركة 514949)

استلم بليل ولا اخلينى الصبح وانتا عارف ان كل المعارض بتحط عربيتاها فى جراش وكدة فاعمل اية ولو فية مشكلة فى الاستلام اعمل اية ؟

أيه الأخبار معاك أستلمت ازاى وعملت أيه ؟؟؟ وايه اخبار اللانوس 2012 بالإضافات الجديدة ؟؟

الرد احنا منتظرينه طبعا لما ترجع للموقع بعد كام يوم تكون شبعت فيهم من العربية الجديدة ... دا اذا كنت يتروح البيت اساسا وتسيب العربية :ff5a34af6efef0e643e

عموما الف مبروك عليك وربنا يديك خيرها يارب ويكفيك شرها ROSE4U

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة asom_6 (المشاركة 516219)

الحمد لله استلمت الانوس امبارح بعد طول معاناة بعد لما جت الحمد لله المهم بقة نخش فى التفاصيل الفرق بينها وبين 2011 اول حاجة الازاز الفامية اللى ورا وفرش الابواب والكاسيت والكاسيت صوتة حلو الحمد لله لانى كنت قلقان اوى من دة من كاسيت وسماعات اللانوس المهم بقة سوقتها كمان لغاية البيت اما كتجربتى بقة بعد العشرة خمستاشر مرة سواقة فى حياتى :
1- الدبرياج عالى اوى مش عارف دة عيب ولا اية فى العربية حتى خليت سواق تاكسى يجربها ( سواق شاهين بالمناسبة ) قالى اة فعلا عالى ووطيتة شوية يعنى شوية صغيرين اوى
2- احساس اومليت اوى لما يكون معاك العربية ومش عارف تمشى بيها لانها لا مركبة نمر ولا حتى مرخصها
3-العربية ماشاء الله ( وادعولى ) زى الفل كسحب وبحس انها عاوزة تجرى اوى اوى اوى ( يمكن عشان هية جديدة )
4- اخر حاجتين عاوز اسال عليهم العربية شوية بتسخن من برة يعنى لما احط ايدى على الكبوت بس مش نار يعنى
5- انا حسيت ان فية زنة فى الدبرياج خفيفة كدة ( هل دة مثلا عيب فى سواقتى )
دى تجربتى المبداية واكيد هاقول تجربتى بشكل مفصل يعنى بس لما اخد عليها ان شاء الله وادعولى ان ربنا يباركلى فيها ومتشكر اوى بجد على مساعدتكم ليا فى اختيارى للانوس وانى ابقى لانوسى جديد معاكوا

رد: محتار يا جماعة بليز وارجو المساعدة

الف مبروك وربنا يديك خيرها ويكفيك شرها
بس خلى بالك ان اول الف كيلو بتكون العربية لسة بتلين
وخلى بالك ان اداء العربية هيتحسن كتير بعد ال 5000 كم

رد: محتار يا جماعة بليز وارجو المساعدة

الف مبروك وربنا يديلك خيرها ويكفيك شرها وشر الطريق
بس ياريت تفصيل ممل عن مزايا ال 2012 كلها وياسلام لو بالصور
وتقبل خالص تحياتى