مصر موتورز مجتمع السيارات - دفتر الحضور والانصراف

علي فكره انا قبل ما ربنا يكرمني بفتح الصيدليه .. اولا واخد تاجيل 3 سنين وخلصوا الحمدلله
فالتكليف بتاع الصيادله اصطادني خدمه سنه ( موظف) ويمكن من هنا جاتني الفكره بتاعه الموضوع .. كان مرتبي 150 ملحوس + 15 تنظيم اسره+ 20 حوافز كل 3 شهور
المهم كنت بصرف مواصلات قدهم مرتين فالوظيفه واقفه علي بخساره قلت مش رايح
كنت بروح يومين في الاسبوع وقاسم المرتب مع العامل اللي في الصيدليه عشان يمضيلي حضور
اضحكم.... المفروض كل شهر بروح الاداره المركزيه في المحافظه اصرف دواء الشهر .. تخيلوا عربيه الصحه عشان تطلع معايا .. المفروض ببلاش لان ديت شغلتهم ؟. كان بياخد 20 دخان + فطار + بنزين المشوار علي ولو بلطجت وقلت مش رايح الصيدليه بتفضي من الدواء والشكاوي تبدا ضدي من مدير المستشفي والدكاتره .... شفتم ظلم اكتر من كده .. كنت بصرف علي الوظيفه من عملي الخاص في صيدليه بعد الظهر .. مرت السنه وخلص التكليف
وجريت علي اسكندريه قعدت فيها وتحديدا في اسكندر ابراهيم علي البحر 3 سنين وبعد كده والدي رحمه الله عليه كان شافلي مكان اللي هو الصيدليه حاليا
اسف للاطاله بس حبيت اقلكم الفكره بتاعه الحضور والانصراف جاتني منين