استفسار بخصوص فيات برافا 2001 (أرجو الرد السريع)

[Eng.Amr Azab]

قدامي فيات برافا 2001 جميع الكماليات مانوال وبها فتحة سقف كهرباء وجنوط أسبور 1300 cc حالة العربية كويسة جدا وعجباني جدا بس ناس كتير خوفتني من قطع الغيار والصيانة فهل الكلام ده صحيح ؟ مع العلم انا من اسكندرية مش القاهرة وفيه حاجة لاقيتها في الموتور وهو علي السلنسيه بيعلي كده ويوطي تاني علطول فهل ده عيب ولا ايه والميكانيكي كده كده لسة حيبص عليها بس مبدئيا العربية حالتها كويس اوي فياريت حد يفيدني في موضوع قطع الغيار والصيانة وهل السعر مناسب ولا لآ ؟ واسف اني طولت عليكو

[طارق ابوذيد]

يا اخوك تاجر قطع غيار استيراد ومتخصص فيات وكورى وانصحك ان تبتعد عن هذه السياره لقله قطع الغيار وايضا عدم توافرها جديد وارتفاع الاسعار ولك حريه الاختيار فستخير الله ثم خذ قرارك وسوف يلهمك الله على الثواب ووفقك الله لما تحبه وترضاه

[Eng.Amr Azab]

أستاذ / طارق اشكر حضرتك جدا علي الرد والآهتمام
اما بالنسبة لموضوع قطع الغيار فأنا سألت عليه لقيت قطع غيارها متوفرة في القاهرة عند كذا واحد بس مش بالكامل وفي واحد اسمه الكيلاني ده عنده كل حاجتها بالكامل وبما أن انا في اسكندرية
فسألت عندنا في صلاح الدين فلاقيت ناس برده متوفرة عندها قطع الغيار بالفعل وعرفت أسعارها كمان وتعتبر معقولة جدا ومش غالية ( 2 مساعدين أمامي بالبطحات بالسوست 325 جنيه - الايدا بتاع الموتور 280 جنيه وموجود جديد ب900 جنيه - الياب بالكامل 200 جنيه في القاهرة و300 في اسكندرية )
علي العموم اشكر حضرتك جدا وانا اللي كان قالقني فعلا قطع الغيار بس والحمدلله لاقيتها

[snoop]

باشا يا ريت تقولى لو اشتريتها ايه اخبارها فى السحب وعزمها كويس ولا
وقطع الغيار برضوا اسعارها عليت ولا كويسة
لانها معروضة عليا موديل 2001
يا ريت رائيك للاهمية

[hosam2010]

المشاركة الأصلية كتبت بواسطة Eng.Amr Azab أستاذ / طارق اشكر حضرتك جدا علي الرد والآهتمام اما بالنسبة لموضوع قطع الغيار فأنا سألت عليه لقيت قطع غيارها متوفرة في القاهرة عند كذا واحد بس مش بالكامل وفي واحد اسمه الكيلاني ده عنده كل حاجتها بالكامل وبما أن انا في اسكندرية فسألت عندنا في صلاح الدين فلاقيت ناس برده متوفرة عندها قطع الغيار بالفعل وعرفت أسعارها كمان وتعتبر معقولة جدا ومش غالية ( 2 مساعدين أمامي بالبطحات بالسوست 325 جنيه - الايدا بتاع الموتور 280 جنيه وموجود جديد ب900 جنيه - الياب بالكامل 200 جنيه في القاهرة و300 في اسكندرية ) علي العموم اشكر حضرتك جدا وانا اللي كان قالقني فعلا قطع الغيار بس والحمدلله لاقيتها

انا معايا موديل 2001 وجيع قطع غيارها موجوده فى الحرفيين عند محلات الابيض وفيه معلومه جوان وش السلندر هو بتاع الاونو كبالن والبلى والعفشه تمبرا الدسك والاسطوانه سيينا فلتر الزيت هو بتاع الكيا الصغير مش الطويل وكل ده عن تجربه اما الماتور بيعلى وبيوطى دى عايزه ضبط كمبيوتر .