|
#1
11-10-2012, 03:04 PM
|
||||
|
||||
عايز تعرف ليه الطالب المصري بيكره المدرسة ؟؟؟
- جرب تقف في طابور المدرسة ساعه و تبدأ يومك "بالتمارين" اللي ملهاش علاقة "بالرياضة" ، مع أصوات مدرس الألعاب وهو بيقول (واحد إتنين تلاتة أربعة هوب إتنين تلاتة أربعه) طبعا مع تمارين السقفة (ضياع للوقت ) .
- جرب تسمع الإذاعة المدرسية اللي بنشكر فيها مدير المدرسة دايما "بس علي إيه" معرفش و طبعا لازم تسمع الجملة المشهورة "إذاعتنا علي الهوا بتقول صباح الخير .. دايما هنكون سوا نسبق جناح الطير" و طبعا أغاني و أخبار و معلومات من كتاب المدرسة اللي مبيتفتحش (بلاده) . جرب تدخل فصل تلاقي كل أربعة في نفس الكرسي و برضو المدرس يقول اللي قاعدين ورا خايبين (إحباط) . - جرب تستحمل المدرس وهو بيتفلسف عليك في حصة الدين و يعلمك إن "الإبتسامة صدقة" ولما تضحك في وشه يقولك : إنت أهبل (تناقض) . - جرب تنسي قلمك يتعوج عليك المدرس أوى و يقولك : ده القلم بنص جنيه لو مش معاك ممكن أسلفك و بعد شوية يسأل "حد معاه قلم أحمر أصحح بيه الواجب؟" (إحراج) - جرب تنزل "الفسحة " اللي مدتها 10 دقايق متبقاش عارف تعمل ايه في الوقت ده .. تاكل سندوتشاتك .. تشتري من المقصف اللي عليه هجوم .. ولا تدخل الحمام اللي دايما مش نضيف "اصل عمال النضافة مش بيجوا علشان ينضفوا" ولا تشرب من الحنفيات اللي تصميمها نفس تصميم حنفيات البهايم "حفظكم الله" إن وجدت (إهمال) . - جرب ترجع من الفسحة علي فصلك و تلاقي المدرس عاملك إمتحان مفاجئ مش علشان إختبار قدراتك لا .. هو بس "مكسل يشرح" (مماطلة) . - جرب تسمع كلمة "يوم الأحد" إمتحان و تقول للمدرس إن يوم الأحد عندك إمتحانين .. يرد يقولك "عندكم جمعه وسبت ذاكروا فيهم" أصل المذاكرة "عقوبه" مينفعش ترتاح منها حتى يوم أجازتك (ضغط) . جرب فرحتك بحصة الألعاب ولا الموسيقي وتلاقي المدرس بيقولك "إنزل لم الزبالة من الحوش" (صدمة) - جرب يبقي عندك أعمال سنه و غصب عنك تستحمل "عدم إحترام المدرس ليك" ولو خرجت عن شعورك و إشتكيت بتاخد "صفر" كبير فيها .. و المدرس يقول أنا عمري ما شفته ولو إنت إعترضت يقولوا لك : يعني المدرس هيكذب ؟ (إفتراء) . جرب تروح بيتك الساعه 3 و أحيانا 4 و مطلوب منك تتغدى و تكتب واجب لأكتر من 5 مواد و كمان تذاكر اللي أخدته في المدرسة و تروح الدرس "الخاص" و أهلك يقولولك لازم تنام بدري .. هل يعقل إن إنسان يصحي الساعه 6 صباحا و يعمل كل ده بتركيز بدون اي راحة .. (تشتيت ) . جرب تخلص مدرسة و تدخل كلية و تتخرج و متلاقيش شغل . عارف بعد كل الأساليب الغير أدمية دى هيقولوا عليك ( فاشل ) .
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn 
|
|
#2
11-10-2012, 03:28 PM
|
||||
|
||||
رد: عايز تعرف ليه الطالب المصري بيكره المدرسة ؟؟؟
التعليم لازم يبقى ليه وقفه من الحكومه الجديده والمفروض المناهج العقيمه دى تتغير ويجى بدالها مناهج تناسب عقلية الطلاب.
__________________
اشهد ان لا اله الا الله واشهد ان سيدنا محمد رسول الله  إتحاد الأطباء العرب بخمسة جنيه انقذ اخوتنا السوريين بالتبرع برسالة فاضية على رقم 9596 انشرها تؤجر
|
|
#4
30-10-2012, 07:06 PM
|
||||
|
||||
رد: عايز تعرف ليه الطالب المصري بيكره المدرسة ؟؟؟
 :w6w2 00504112220146b:w6w200504 112220146b
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
 |
|
|
