استفسار بخصوص الفيرنا

[xman2008]

كنت بسأل بخصوص بطارية الفيرنا 2004 اتوماتيك بتكون كام امبير واه رأيكم فى افضل نوع وتقريبا سعرها بيكون كام ؟

[احمد سويلم]

حط النسر 70 امبير هتكون عامله فى حدود 300 جنيه
وشوف لو تعرف تبدل القديمه معاه هينزلك 50 جنيه
يعنى فىا لاخر هاتقف عليك بحوالى 250 جنيه فقط

[xman2008]

متشكر جدا يااستاذ احمد بس النسر دي مش جافه ومصر مش كده ومتشكر على اهتماك وفي انتظار ردك

[احمد سويلم]

بص يباش مهندس انا ليا وجهه نظر شوى فى موضوع الاختيارات مابين سايله وجافه

رأييى الشخصى اللى حضرتك طبعا مش مضطر أبدا تعمل بيه
هو ان فى درجات الحراره المرتفعه عندنا فى مصر حاليا اعتقد ان السايله هاتكون افضل
لانك بمنتهى السهوله هتزودها ميه مقطره الصبح لان خد بالك الميه مهما كان ، فهى بتتبخر مع درجات الحراره والكلام ده انا عرفته من كذا واحد بتاع بطاريات
انا عربيتى اجره وطبعا غاز وطول ما انا فى بنزينه الغاز بيكون العربيات الاجره كلها فاتحه الكابوت وعمرى ماشوفت عربيه اجره فيها جافه وده عشان السبب اللى انا ذكرتهولك ان السنه كلها دلوقتى أصبحـــت صيف
ومع حراره الماتور نتيجه استخدماه فترات طويله مع حراره الجو الشديده انا بعتقد ان الجافه هايكون عمرها اقصر من السايله
ده مجرد راييى الشخصى ومره تانيه اوضح لحضرتك انك مش مضطر تجيب السايله
وربنا يوفقك يافندم لما فيه الخيـــــــــــــــــــــ ـــــر

[haninatoon]

المشاركة الأصلية كتبت بواسطة احمد سويلم بص يباش مهندس انا ليا وجهه نظر شوى فى موضوع الاختيارات مابين سايله وجافه رأييى الشخصى اللى حضرتك طبعا مش مضطر أبدا تعمل بيه هو ان فى درجات الحراره المرتفعه عندنا فى مصر حاليا اعتقد ان السايله هاتكون افضل لانك بمنتهى السهوله هتزودها ميه مقطره الصبح لان خد بالك الميه مهما كان ، فهى بتتبخر مع درجات الحراره والكلام ده انا عرفته من كذا واحد بتاع بطاريات انا عربيتى اجره وطبعا غاز وطول ما انا فى بنزينه الغاز بيكون العربيات الاجره كلها فاتحه الكابوت وعمرى ماشوفت عربيه اجره فيها جافه وده عشان السبب اللى انا ذكرتهولك ان السنه كلها دلوقتى أصبحـــت صيف ومع حراره الماتور نتيجه استخدماه فترات طويله مع حراره الجو الشديده انا بعتقد ان الجافه هايكون عمرها اقصر من السايله ده مجرد راييى الشخصى ومره تانيه اوضح لحضرتك انك مش مضطر تجيب السايله وربنا يوفقك يافندم لما فيه الخيـــــــــــــــــــــ ـــــر

هى الصراحة وجهة نظر تحترم بس انا ليا اضافة صغيرة
وهى ان البطارية الجافة لو شرحتها حتلاقيها معزولة حرارى زى سخان الكهرباء بالظبط ومش باين غير الاقطاب بس
لان الصانع عارف ان انت مش حتفتحها خالص
لان مالهوش لازمة تفتحها

ومن هنا بقى انا معاك فى نقطة كفاءة البطارية واللتى بتعتمد على اشياء كثيرة ومنها عزل البطارية الحرارى نظرا لتاثير الحرارة على البطارية الجافة
على شان كدة بطارية جافة غالية احسن من بطارية جافة مش ماركة ورخيصة