البنزين والتقطيع

[queen]

ازيكو يا جماعه
تفتكروا لو البنزين مغشوش او فيه شوائب يخلى العربيه تقطع؟؟؟؟؟
اصلى متعوده امون من بنزينه واحدخ نضيفه ومره اضطريت اروح بنزينه تانيه والحقيقه شكلهم كده مريحنيش ولا معاملتهم
ومن بعدها لاحظت وانا ماشيه فجأه وانا دايسه بنزين العربيه بتقطع مش عارفه ممكن البنزين يكون السبب عليه ميه مثلا ولا استهبلوا وحطولى 90 بدل 92 ولا التقطيع ده سببه حاجه تانيه؟؟؟؟؟؟؟؟؟

[emadwady]

المشاركة الأصلية كتبت بواسطة queen ازيكو يا جماعه تفتكروا لو البنزين مغشوش او فيه شوائب يخلى العربيه تقطع؟؟؟؟؟ اصلى متعوده امون من بنزينه واحدخ نضيفه ومره اضطريت اروح بنزينه تانيه والحقيقه شكلهم كده مريحنيش ولا معاملتهم ومن بعدها لاحظت وانا ماشيه فجأه وانا دايسه بنزين العربيه بتقطع مش عارفه ممكن البنزين يكون السبب عليه ميه مثلا ولا استهبلوا وحطولى 90 بدل 92 ولا التقطيع ده سببه حاجه تانيه؟؟؟؟؟؟؟؟؟

اكيد لو البنزين مغشوش او مضاف الية مياة هيخلى العربية تقطع وهتتعبك اوى
انا حصلت معايا كذا مرة ايام الازمة من 3 شهور مونت من الناس بتوع الجراكن واتبهدلت اوى اضطريت افك الكربراتير انظفة واغير فلتر البنزين

[خالد الجوكر]

اكيد اه لو البنزين ف حاجه بيخلى العربيه تقطع
انا بردو ايام ما كنت بمون من الجراكن كنت بتعب اوى وايه
احط بالصفيحه او اتنين ومبعملش بيهم اى حااااااااجه
بحس انهم حطولى هوا مش بنزين

[diaahsn]

دة بيخلى العربية تبطل كمان كل شوية

[shoshovet]

طول ما في ازمة ضمير توقعي اي شئ
انا متعود امون 92 من بنزيمة حاسس انها نظيفة ومرة اضريت اني امون من واحده تانية برده 92 ويادوب بخرج من البنزيمة وان حاسس ان العربية مش بتمشي مكتومة خالص وكنت بالصدفة رايح اعمل صيانة في التوكيل (بالاسماعيلية) وقلت لهم ينظفوا فلتر البنزين واذا بالفني ينادي عليه وبيقولي حرام عليك انك تحط فيها 80 فقلتله لا ده 92 فوراني اللي نازل من الفلتر وطلع لونة احمر (80 طبعا) والغريب ان البنزيمة ديه مفيش عندها الا 90-92 بس
فربنا ينجينا من الغش والغشاشين
واهم حاجة ما تقلقيش وربنا يسترها ويطلع السبب بنزين بس .