وحشتونى . انا جيييييييت !! اعتذار عن غيابى (AbOnOrA)

[AbOnOrA]

اخواتى واهلى وعشيرتى
انا عارف ان الفترة اللى فاتت كنت مقصر جامد وكنت شبه مش متواجد خالص واكيد فى ناس زعلانة منى لتقصيرى فى الرد على موضوعاتهم او رسائلهم او لتقصيرى عموماً فى حقكم وحق المنتدى علشان كده بعتذر ليكم بجد وبعترف بالتقصير اللى كان ليه اسباب فعلاً قهرية وبوعدكم بالتواجد الايام الجاية ان كان لنا عمر ان شاء الله ومحاولة الرد على كل ما فاتنى قدر الاستطاعة

وعلى فكرة انا مش راجع وايدى فاضية

مجهزلكم شوية حاجات يارب تعجبكم

اول حاجة تطوير جديد فى الموقع هتشوفه خلال ايام ان شاء الله والمفروض يفرق معانا كتير ويقدم خدمات جديدة ومفيدة ان شاء الله

وتانى حاجة مجهزلكم شوية مواضيع حلوة عن تجاربى فى الفترة اللى فاتت مع العربية وحوارات ان شاء الله تكون مفيدة خاصة لعشاق البى ام دابليو

ده غير موضوعاتى القديمة انا بعترف انى مقصر فيها برضو ان شاء الله اللى مكملش هكملة واللى اضاف عليه اسئلة هرد عليها والبركة فيكم اللى يلاقى حاجة او عايز يسال فى حاجة يبعتلى على الخاص وانا معاه ان شاء الله من دلوقتى

طبعاً مفيش ختام لجو وردة اللى انا عاملة ده غير اغنية وحشتونى

http://www.youtube.com/watch?v=BagKbLC9nxk

واقعدو بالعافيه

[sherifabden]

حمد لله على السلامة ياباشا
المهم دلوقتي تلحق تعمل التطويرات دي قبل المدارس علشان انا كمان مش هبقي موجود في المنتدى خالص ايام المدارس

[نبيل عبدالرحمن]

حمد لله على السلامه يابو نورا ، المنتدى كنت تحس عامل زى المركب اللى مخطافها إتقطع والموج عمال يوديها يمين وشمال ، دلوقت الحمد لله قبطانها وصل وهايظبط المسائل ، نورت بيتك ومطرحك

[noura_taman]

حمد على السلامة خد راحتك على الأخر المنتدى زي منتداك برضه كل حاجة هاترجع مكانها ي الاول واحسن ربنا يقويك ويحققلك كل اللي بتتمناه يا كايدهم

[shooter22522]

حمد لله على السلامه يا ابو نورا