سوقت هوندا سيفيك 2010 أمبارح وكانت المفاجأة

[abdohtaby]

رمضان كريم وكل سنة وأنتم طيبين جميعاً ... ما أتعودتش أني أطلب أسوق عربية حد من صحابي علشان ميجيش يقولي طب هات أجرب أنا كمان بصراحة خوف على عربيتي [IMG]http://www.**********.net/Nile/images/smilies/11.gif[/IMG] المهم أتهورت وطلبت من واحد صاحبي معاه سيفيك 2010 وعلشان هو عارف أني سائق محترف [IMG]http://www.**********.net/Nile/images/smilies/tongue.gif[/IMG] قالي أتفضل جرب المهم :





- بفتح باب السيفيك اكتشفت أن فتحت باب الألنترا أفضل وأوسع مش كتير بس أفضل بكل تأكيد .

- ركبت السيفيك ولقيت كرسي السائق ضيق لأبعد حد لدرجة أني شكيت أن يكون الكرسي طالع لقدام ... سألت صاحبي أنت كدة مطلع الكرسي قالي أنا كدة مرجعه ورا طيب ينفع أرجعه للوراء شوية قالي سنة اللي فاضلة ومحدش هيعرف يركب الكرسي اللي وراك [IMG]http://www.**********.net/Nile/images/smilies/arab.gif[/IMG] .
- ظبطت الكرسي وعلشان أقعد كويس فعلاً نزلت أركب في الكرسي اللي خلف السائق معرفتش أدخل رجلي أصلاً مش أركب ودي كانت مفاجأة بالنسبة لي .

- تابلوة السيارة بارز للأمام بشكل غريب ومبالغ فيه وآكل حته كبيرة من المساحة .

- الخامات عادية مش حاجة فانسي زي ما كتير بيقولوا وفيها بلاستيك في التابلوة ولكنها أفضل بالتأكيد من بلاستيك الألنترا الأرخص .

- المرايات الكهرباء في السيفيك صوتها عالي أوي في الألنترا مفيش صوت أصلاً .

- عزل الألنترا أفضل من السيفيك .

- مكيف السيفيك أفضل من الألنترا خاصة في سرعة التبريد للكراسي الخلفية .

- الكنبة الخلفية ضيقة جداً في السيفيك ماتشيلش 3 أفراد .

- أستجابة دواسة البنزين في السيفيك أفضل من الألنترا .

- سحب وتسارع العربيتين حلو بصراحة .

- الشعور بالثقة أعلى أثناء المنحنيات في السيفيك عن الألنترا ومش فرق كبير أوي يمكن علشان ما أخدتش ملفات جامدة .

- زجاج أوتو داون للسائق فقط في العربيتين .

- أماكن التخزيين في الألنترا أكتر من السيفيك .

- الطارة في الألنترا أحلى وأفضل في الماسكة .

الخلاصة العربيتين دول محترمين بس الألنترا تكسب في الوسع ورا وقدام بفارق كبييييييييير بصراحة ودي صورة العربيتين بالموبايل الجالاكسي الكحيان اللي معايا [IMG]http://www.**********.net/Nile/images/smilies/fdsa.bmp[/IMG]

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

الموضوع منقوووووووووووووووول للافاده : Wkiss5:

[ahmed el gendy]

مش عارف حاسس ليه انك متحامل قوووي ع السيفيك ممكن عشان مش متعود عليها ناس كتير جدا لو راكب هاتشباك ويركب عربيه تانيه يقولك القعده عندي مريحه اكتر وكلام من ده وانا واحد من الناس دي ما استريحش خاالص غير وانا سايق عربيتي حتي لو ركبت غيرها بي ام شكلك انت كمان منهم بس طبعا فيه فرق كبير لصالح السيفيك انت بس اللي مش متعود عليها

[abdohtaby]

الموضوع منقول ياباشا:Wk iss5:

[Toyota Corolla]

الالنترا معروف انها عملية فى المساحة أكتر من السيفيك و السيفيك رياضيا أكثر ومع ذلك تبقى السيفيك هوندا وتبقى الالنترا هيونداى

[sherifabden]

تشكر على التجربة الرائعة والتي اثبتت تفوق الالنترا على السيفيك !