رينو داتشيا موديل 98

[bassel]

السلام عليكم لأحلى اعضاءانا كنت عايز اسأل على العربيه رينو داتشيا موديل 98ايه امكانيات العربيه دى و يا ريت كمان ابرز عيوبها و مشاكلها و ايه متوسط سعرها دلوقتىو ايه رأيكم فى العربيه عامه بجدرأيكم يهمنى و فى انتظاركم --

لقد تم قطع باقى الموضوع لمشاهدة بقيه الموضوع اضغط للتسجيل

إضغط هُنا للتسّجيل

[sam ram]

اهلا بيك يا استاذ باسل ...
كان نفسي افيدك لكن اللي اعرفه ان الداتشيا هي رينو متصنعه في رومانيا
بدل ما افتي .. عليك و على بوب الجامد ... استاذ و رئيس قسم الرينو بالمنتدى ....
انا بس قلت ارحب بيك لحد ما البوب يظهر ptmnlo123per1127

[POP EL GAMED]

المشاركة الأصلية كتبت بواسطة bassel

السلام عليكم لأحلى اعضاءانا كنت عايز اسأل على العربيه رينو داتشيا موديل 98ايه امكانيات العربيه دى و يا ريت كمان ابرز عيوبها و مشاكلها و ايه متوسط سعرها دلوقتىو ايه رأيكم فى العربيه عامه بجدرأيكم يهمنى و فى انتظاركم

باشا مفيش حاجه اسمها رينو داتشيا
هى يأما داتشيا يأما رينو(فى الموديل اللى انت بتتكلم عنه وغالبا هيكون داتشيا الموديل المقابل للرينو 12)
بالنسبه للعربيه دى هى كويسه جدا وبتستحمل جامد
وقطع غيارها موجوده ومتوفره ورخيصه
عيبها الوحيد انها يمكن شكلها قديم
ومفتكرش انها ليها عيوب معينه مشهوره بيها(على حد علمى وخبرتى القليله)
متوسط اسعارها ده بيتحدد على اساس حاجات كتير (فابريكه ولا راشه-عامله كام كم-فيها اوبشن ولا فاضيه)حاجات كتير بتحدد متوسط سعرها انما اللى حالتها تعبانه وموديل 95 كانت عامله 17
ودى واحده كانت معروضه للبيع قدامى بس لكن انا مش عارف احددلك سعر لانها طبعا متغيره وحسب حاله السوق والحاجات اللى قلتلك عليها
وارجو انى اكون قدرت افيدك فى اى حاجه ولو فيه اى استفسارات محدده انا موجود بأذن الله
اخوك بوب الجامد

[bassel]

الف الف شكر لكل الاعضاء اللى ردوا و بجد الواحد بيطمن طول مهو موجود فى منتدى جميل زى ده
الف شكرررررررررررررررررررررررررررررررررررررررررررررررر ررررررررررررر

[hazem_khidr]

انا من رأيي انها عربيه روماني و مالهاش سوق
حتشتريها مش حتعرف تبيعها بسهوله .
هات عربيه ليك و للسوق ما تجيبش عربيه غريبه
تدوخ علي قطع غيارها و تتبهدل معاها

[POP EL GAMED]

لا يا حازم العربيه دى هى هى الرينو ال12
اكتر عربيه شغاله تاكسى وبشوف منها كتير
وبتديك اوبشن انك تجيب قطع غيار فرنساوى او رومانى او تركى
يعنى لو احتجت فيها العفريت هتلاقيه وانا بصراحه مش معاك فى رأيك العربيه دى متدوخش لا فى قطع غيارها ولا فى صيانتها انما هى عربيه بتستحمل وبتشيل وموديل يعتبر حديث وميزتها السعر سعرها هتلاقيه قليل

[esam_comm]

ياجماعه افيدوني ايه رايكم في جولف 1992 وايه هي متوسط اسعارها اليومين دول علشان ان شاء الله ناوي اشتريها واظبطها ولو حد عنده تفاصيل عنها ياريت مايبخلش عليا .وشكرا للجميعptmnlo123per1127

[POP EL GAMED]

مع الاسف يا باشا انا ماليش فى الفولكس يا ريت تنتظر حد من متخصصين الفولكس
وربنا يقدم اللى فيه الخير ان شاء الله

[hazem_khidr]

لا يا حازم العربيه دى هى هى الرينو ال12
اكتر عربيه شغاله تاكسى وبشوف منها كتير
وبتديك اوبشن انك تجيب قطع غيار فرنساوى او رومانى او تركى
يعنى لو احتجت فيها العفريت هتلاقيه وانا بصراحه مش معاك فى رأيك العربيه دى متدوخش لا فى قطع غيارها ولا فى صيانتها انما هى عربيه بتستحمل وبتشيل وموديل يعتبر حديث وميزتها السعر سعرها هتلاقيه قليل

هو كان فيه موديلين داتشيا موديل اللي شبه الرينو 12 و دا مشهور جدا لكن شكله قديم و فعلا قطع غياره موجوده
و موديل تاني اصغر شويه و شكله انسيابي و دا اللي مش حتلاقي قطع غياره بسهوله.

[POP EL GAMED]

عارف الكلام ده يا حازم وانا قصدى على اللى شبه الرينو 12
والراجل مقالش انها مش الموديل ده يبقى احنا نتكلم على الموديل ده
ولا ايه رايك؟؟؟؟