شرم الشيخ

[emadwady]

بعد مساء الخير
أخوانى الاعزاء
عاوز اطلع شرم الشيخ فى شهر 7 بس بصراحة خايف من الطريق واللى بيجرى فية
ياريت حد يفيدنى عن الطريق ولو فية مشاكل لو كدا ما أطلعش احسن
انا رايح فندق اسمة فالكون هيلز فى الهضبة
برضوا ياريت لو حد يعرف حاجة عن الفندق دا بدل ما أدفع الحجز وأدبس
مع الشكر

[Hisham.Elgazzar]

المشاركة الأصلية كتبت بواسطة emadwady بعد مساء الخير أخوانى الاعزاء عاوز اطلع شرم الشيخ فى شهر 7 بس بصراحة خايف من الطريق واللى بيجرى فية ياريت حد يفيدنى عن الطريق ولو فية مشاكل لو كدا ما أطلعش احسن انا رايح فندق اسمة فالكون هيلز فى الهضبة برضوا ياريت لو حد يعرف حاجة عن الفندق دا بدل ما أدفع الحجز وأدبس مع الشكر

حضرتك عربيتك اه وحالتها اه ؟
وحالة الكاوتش
وآخر صيانة اتعملت امتى
وبتحب تسافر بالليل ولا الصبح
وحتسافر لوحدك ولا مع حد
انا كنت هناك فى شهر 12 اللى فات
وسافرت بالليل
لو عاوز معلومات بإذن الله هحاول أفيدك

[Hisham.Elgazzar]

وبعدين شرم فيها مستويات كتير وأسعار كتير

انت هتحجز كام نجمة وبكام فى اليوم
انا مش شايف أى تفاصيل معلش ؟

[ehab62]

حضرتك الطريق جيد ويفضل السفر فى الصباح عشان اول مره تمشى فيه لايوجد بالطريق اى مطبات او حفر غير المطبات الصناعى الموجوده عند الكمائن وتوجد به ملفات فى منطقه حمام فرعون ويفضل اول ما تشوف يفطه حمام فرعون تنزل بسرعتك لانه سوف يقابلك ملف على شكل حرف S وسوف تسير بوسط الجبال لمسافه 30 ك لكن ممكن توصل لسرعه 120 فى هذه المنطقه بس قبل الملف تقوم بالتهدئه واصعب ملفات هى اول ثلاث ملفات واخر ملف فى منطقه ال 30 ك وبعد كده الطريق مفتوح وقبل شرم الشيخ ب 15 ك هاتلاقى مجموعه ملفات ويفط تحذير كثيره طبعا احترمها وهدئ سرعه السياره طبعا الطريق بتاع شرم فرده واحده رايح جاى بس واسع وبتسير عليه بسرعات عاليه انصحك طبعا بمياه مثلجه وعصائر وبسكويت لان الكافتيريات غاليه شويه وانصحك ايضا ان تقف مره واحد رست بعد ملفات التى تلى حمام فرعون وعلى فكرة انت ممكن تدخل حمامات فرعون هاتلاقى مدق على يمين الطريق هاتدخل فيه وهاتلاقى معسكر جيش والعساكر هناك محترمين وهايدخلوك لغايه هناك (عبارة عن عيون مياه ساخنه جدااا تنبثق من بطن الارض بجوار البحر تماما ) بس ماتزعلش لو لم تلاقى اهتمام بها وقاذورات بجوار العيون للاسف وانت طبعا هاتنزل من العربيه وهاتتمشى لغايه ماتلاقى كهف فى الجبل على يسارك اماه مباشره ستجد العيون والمكان مؤمن جدااا فى حمايه الجيش وبالنسبه للفندق انصحك بفندق كونكورد السلام خلف المطار بجوار مباشره منطقه سوهو سكوير ارقى منطقه للتنزه بشرم الشيخ واسعاره رخيصه جدا بالنسبه للفنادق الاخرى 5 نجوم اتمنى الشرح التفصيلى يكون افادك

[Hisham.Elgazzar]

المشاركة الأصلية كتبت بواسطة ehab62 حضرتك الطريق جيد ويفضل السفر فى الصباح عشان اول مره تمشى فيه لايوجد بالطريق اى مطبات او حفر غير المطبات الصناعى الموجوده عند الكمائن وتوجد به ملفات فى منطقه حمام فرعون ويفضل اول ما تشوف يفطه حمام فرعون تنزل بسرعتك لانه سوف يقابلك ملف على شكل حرف S وسوف تسير بوسط الجبال لمسافه 30 ك لكن ممكن توصل لسرعه 120 فى هذه المنطقه بس قبل الملف تقوم بالتهدئه واصعب ملفات هى اول ثلاث ملفات واخر ملف فى منطقه ال 30 ك وبعد كده الطريق مفتوح وقبل شرم الشيخ ب 15 ك هاتلاقى مجموعه ملفات ويفط تحذير كثيره طبعا احترمها وهدئ سرعه السياره طبعا الطريق بتاع شرم فرده واحده رايح جاى بس واسع وبتسير عليه بسرعات عاليه انصحك طبعا بمياه مثلجه وعصائر وبسكويت لان الكافتيريات غاليه شويه وانصحك ايضا ان تقف مره واحد رست بعد ملفات التى تلى حمام فرعون وعلى فكرة انت ممكن تدخل حمامات فرعون هاتلاقى مدق على يمين الطريق هاتدخل فيه وهاتلاقى معسكر جيش والعساكر هناك محترمين وهايدخلوك لغايه هناك (عبارة عن عيون مياه ساخنه جدااا تنبثق من بطن الارض بجوار البحر تماما ) بس ماتزعلش لو لم تلاقى اهتمام بها وقاذورات بجوار العيون للاسف وانت طبعا هاتنزل من العربيه وهاتتمشى لغايه ماتلاقى كهف فى الجبل على يسارك اماه مباشره ستجد العيون والمكان مؤمن جدااا فى حمايه الجيش وبالنسبه للفندق انصحك بفندق كونكورد السلام خلف المطار بجوار مباشره منطقه سوهو سكوير ارقى منطقه للتنزه بشرم الشيخ واسعاره رخيصه جدا بالنسبه للفنادق الاخرى 5 نجوم اتمنى الشرح التفصيلى يكون افادك

شرح رائع بس اليوم بكام فى كونكورد دلوقتى ؟؟