|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
26-05-2009, 10:40 PM
|
||||
|
||||
مناقشة الفرق بين الهواه و المحترفين
فكرت اعمل موضوع اتناقش مع أعضاء المنتدى فى إنت بتصلح عربيتك فينأ؟ مهتم بالصيانة ولا بتعتبرها فلوس ع الفاضى؟
من غير كلام للدعاية و الزيطة و الزمبليطة الصيانه مهمة جدا جدا لعربيتك و أسأل مجرب ولا تسأل طبيب و فى الموضوع هنا أى موقف ليه علاقة بالموضوع هحكيه عشان تستفيدوا من أخطاء غيركوا كل يوم بتجيلى عربية ( معكوكة ) فى ورشة برة و العميل لما غلب و تعب ولف على رجليه الكرة الأرضية أخيرا فكر يروح التوكيل و هنا الكارثة لما بيكتشف إن فى ممشكلة مكلفة جدا جدا فى العربية كان فى غنى عنها لو إلتزم بالصيانة الدورية و حل المشكلة من بدايتها فى مركز الخدمة المعتمد او التوكيل النهاردة عربية جاية على ونش مش دايرة سألت العميل إية اللى حصل قالى المفتاح وقع منى إتكسر و العربية مش بتدور و فعلا ألاقى ال ترانسبوندر اللى فى المفتاح مش موجود طلبت اعمل مفتاح للعميل وافق لكنى سألته حرتك حاولت تعمل فيها حاجة أو وديتها عند حد قالى لأ أول لما المفتاح وقع جيبتها علطول و اكتر كلمة بتخنقنى أول لما المشكلة حصلت جيبتها علطول المهم جيبت المفتاح و عملت عملية التكويد و دارت العربية بس المفاجئة غن العربية دايرة 2 سلندر فقط و بالكشف تبين إن العربية محتاجة كنترول محرك ( كمبيوتر) و فى أثر لعب فى الضفيرة و ده اللى طير الكنترول جيبت العميل و شرحتله الموقف و فاجانى إن كهربائى بص عليها و قالى دور و العميل مصمم غن الكهربائى معملش حاجة الراجل كدة هيحتاج كنترول و إمبولايزر و كمان مفتاح جديد و كل ده عشان عك بره و راح لناس مش فاهمة و واحد تانى عايز يكشف على إضاءة لمبة الABS ركبت العربية عشان أدخلها الورشة و دوست فرامل و دورت و جيبت ال D و الأقى تزنيدة ماشوفتش زيها فى حياتى كلها قلت اخد لفة بالعربية و أحس إنى راكب كركة و بردو العداد صغير مش كبير تقريبا كان 40 ألف كم و قبل ما أدخل الورشة فتحت الكبود و كان شىء متوقع العربية عاملة حادثة و عايزة صدر و قواعد و أكيد بلى و صرر و غيره و غيره المشكلة غن العميل بيقول إن العربية مش عاملة حادثة ولا حاجة و طبعا رفضت دخول العربية بالمنظر ده عشان كان عامل شغل عك و كمان مش عايز يسهل علينا الأمور و بيقول إنه معملش حادثة عارف إنه رغى و كلام ممكن مايستهويش ناس كتير بس النقاش فى قصص العملاء و التوكيل مفيد للعملاء و كمان للتوكيل مستنى مشاركتكم و كمان مستنى مواقفكم فى مراكز الخدمة و التوكيلات شكرا على سعة صدركم
__________________
شارك دافع عن أفكارك
|
|
#2
27-05-2009, 02:19 AM
|
||||
|
||||
|
رد: مناقشة الفرق بين الهواه و المحترفين
اخى نيسان انا نتفق معك فى الراى لان السيارات الحديثة بما تحتوى من تكنولوجيا عالية جدا مش اى احد يفتى فيها واحسن طبعا توكيلها لانة معتمد من الشركة المنتجة للسيارة ويوجد به مهندسين اكفاء وذو خبرة بالسيارة
والمثل بيقول ادى العيش لخبازة ولو اكل نصفة
__________________
|
|
#3
27-05-2009, 04:10 AM
|
||||
|
||||
|
رد: مناقشة الفرق بين الهواه و المحترفين
انا مش بعتمد علي التوكيل في كل حاجه
يعني لو العربيه خدت خبطه في الباب او في اي مكان مش حروح توكيل او لو بغير تيل فرامل او ما الي ذلك بصراحه مش مستاهله توكيل انا بتكلم عن الياريس اللي معايا علشان ما فيهاش تكنولوجيا عاليه اوي يعني يدوب انجكشن و خلاص لا abs ولا اي حاجه من الحاجات الجديده و بروح التوكيل بس علشان الضمان فقط ليس الا غير كده انا عندي الصنايعيه بتوعي اللي بيعملوا شغل و بيكشفوا بالكمبيوتر و زي التوكيل و احسن كمان
__________________
حـازم خـضـر
|
|
#4
27-05-2009, 05:05 AM
|
||||
|
||||
|
رد: مناقشة الفرق بين الهواه و المحترفين
و الله الموضوع ده شائك ،، و لسه كان بنتكلم فيه النهارده في المقابلة الطارئة اللي هتعرفوا تفاصيلها قريب ،، بص يا أ /نيسان ،، وجهة نظري الشخصية الفكرة مش في الصيانة الدورية اطلاقا دي ابسط حاجة في الدنيا ،، الفكرة انا شخصيا نفسي في حد يعملي متابعه بمعني اخر كاوتشة بعشرين جنية تنقذلي عفشة ، تسريب زيت بسيط ينقذلي موتور ، التأكد من شحن موتور ينقذلي بطارية ، سلك متاكله تنقذلي وحدة تحكم هل فيه توكيل في مصر بيعمل كده ؟؟ اني لما بروح التوكيل حصل تشييك علمي و شامل علي العربية يطولي في عمرها الافتراضي و يريح بالي ؟؟ من تجاربي في عدة توكيلات مفيش ،، هوا الصيانة الدورية علي الجدول و خلاص ،، بمعني اخر قصدي الوقاية خير من العلاج هوا ده معني الصيانة الدورية المحترفة في وجهة نظري مش تغيير سيور و فلاتر و زيوت وسوائل و ده اللي مبحصلشي في مصر ،، بتخرج من التوكيل بعد يومين يظهر مشكلة أنا عايزك تكتشفلي المشكلة قبل ظهورها و الشق التاني العيوب ،، كتير اوي مبيعرفوش عيوب في عربياتهم اللي شغالين فيها 24 ساعة بس طبعا هما اكيد اسرع في اكتشاف العيوب من الورش بحكم التخصص و الخبره نيجي بقه للشق الاقتصادي ،، واحد صديق عنده اكسنت موديل 2000 حتي الآن مبيحطش فيها مفك بره التوكيل ،، طب هل ده كلام منطقي ؟ عربية جبتها زيرو ب 40 الف جنية ،، و لما تبيعها هتجيب في الرينج ده ،، تقعد تسع سنين صيانة في التوكيل صرفت عليها اكيد مبلغ خرافي خلالهم للامانة العربية عروسة فعلا ،، بس هل هيا تستحق ؟ مش اوفرله ياخد منها وش القفص اول مائة الف كم ،، و يشتري عربية زيرو يستمتع بعربية جديدة و اوفرله كمان من انه يصاين عربيته القديمة اللي مالهاش قيمة تستحق صيانة التوكيل ؟
__________________
|
|
#5
27-05-2009, 08:28 AM
|
||||
|
||||
|
رد: مناقشة الفرق بين الهواه و المحترفين
هو الموضوع فعلاً كبييييييييييير جداً والمناقشة فيه هتطول بس ممكن اقول باختصار ايه اللى بعمله انا فى عربياتنا
بالنسبة لعربيه الحاجة (برايد برضو) ببص عليها بنفسى بشكل دورى ولو فيه حاجة بعملها عند الميكانيكى بتاعنا وهو كان شغال فى التوكيل زمان ومتخصص وحافظ العربية كويس والعربية سهلة ومفيهاش لا كمبيوتر ولا ساعة حتى  بالنسبة لعربيتى علشان الانجكشن وعلشان بصراحة كنت خايف من الايرانى الاول عملت صيانة ال 1000 وبعدين ال 10 الاف ولما ملقيتش حاجة تستدعى التوكيل مروحتش تانى من ساعتها وعلى فكره صيانة ال 10 الاف عملتها تانى بمعرفتى (ميكانيكا - كهرباء - عفشة - زوايا ) كل ده بصيت عليه بنفسى مع الصنايعية واليومين دول هعمل صيانة ال 40 الف برضو مع نفسى التوكيل كان بيعمل حاجة وينسى عشره (توكيل الامل بتاع الادا وال BYD) وعمره ما اكتشف عيب قبل ما يحصل ولا عمره عمل حاجة بره اللى مكتوب فى جوب الاصلاح وياريت بيعمل كل اللى فى الجوب اصلاً اكيد مش كل التوكيلات كده ومش كل العربيات سهل صيانتها بره التوكيل بس انا شخصياً مش بحب اعتمد على التوكيل خالص وبحب اعمل صياناتى بنفسى وكل عملية عند المتخصص بتاعها (صيانة الريداتير عند بتاع ريداتير الكهرباء كهربائى العفشة عفشجى وهكذا) ده مع المتابعة الشخصية منى وانا بغسل العربية شهرياً
|
|
|
|
