نيو اكسنت 2006 فبريكة بالكامل و حالتها ما شاء الله حلوة بس للاسف

[ahmedhilmy]

السلام عليكم جميعا يا جماعة انا معروض علية نيو اكسنت 2006 فبريكة بالكامل و حالتها ما شاء الله حلوة بس للاسف فيها المشكلة بتاعة الباور اللي كلكم بتكلموا عليها و ده خلاني متردد جدا هو عايز فيها 55 الف افيدوني افادكم الله.

[elmo7areb]

انا معايا 2008 وبجد العربية فوق الممتازة وحقها مهضوم فى مصر
هي فبريكة بره ؟ لونها اية ؟ كاملة مانوال ولا اوتو ؟
انت نسيت ان فى مشكلة فى العربية وهي لمبه الحرارة تصور عربية بالجمال دة مفيش فيها عداد حرارة

ثانيا الموديل بتاع حضرتك فعلا الباور كهربا انا سمعت عن الموضوع دة كتير هو تقريبا موديل 2006 بس

انا جبت 2008 لانه نظام زيت
ومنتظر رد العمالقة على موضوع الباور الكهربائي وكمان عاوزين نشوف حل فى عداد الحرارة

[AbOnOrA]

ال 2006 كانت بتنزل 1400 مانيوال اغلبها وده سعرها حلو لو بالحالة اللى بتوصفها وهى فى العموم عربيه جميلة وناعمة واقتصادية فى البنزين بس هى فعلاً مظلومة وسيئه السمعة سواء لمشكلة الباور او لكون موتوها 1400 بس فاعادة البيع مش قوى زى الموديلات الاعلى

انا شايف انها لو عجباك اوى خدها اكشف عليها فى مركز خدمة معتمد واستخير وتوكل على الله
اما لو يهمك اعادة البيع اوى خليك فى الموديلات الاعلى ال 1600

[mido6995575]

المشاركة الأصلية كتبت بواسطة ahmedhilmy السلام عليكم جميعا يا جماعة انا معروض علية نيو اكسنت 2006 فبريكة بالكامل و حالتها ما شاء الله حلوة بس للاسف فيها المشكلة بتاعة الباور اللي كلكم بتكلموا عليها و ده خلاني متردد جدا هو عايز فيها 55 الف افيدوني افادكم الله.

السلام عليكم
انا معايا نيو اكسنت2006 وفيها عيب الباور بس يعني ماشي بيها ممكن تتغير لزيت ب4300 جنية شامله كل حاجة بس انا قلقان مش معايا المبلغ حاليا
لاكن شوفت تغيرها وماشية مع ناس تانية

[crime]

بص انت لو هاتجيبها علشان تركبها (مش هاتبيع يعنى ) يبقى خدها هى فعلا عربيه كويسه برغمكل ما يقال عنها

تقبل تحياتى