استطلاع : مطلوب تسليم السلطه لواحد من الاربعه دول

[تامر ديزل]

بصراحه كده المجلس العسكري احسن له ولنا وللكل انه يسلم السلطه النهارده قبل بكره ويرجع لوضعه الطبيعي لان دي مش شغلانته اساسا ادارة شئون البلاد ..... ووجوده غلط وفعلا هما اساءوا ادارة المرحلة الانتقالية تماما وكمان وجودهم مخلي ده يتكلم وده يتهجم واللي يعتصم واللي بيصرخ واللي بيزعق وكمان اللي بيهدد ......... يبقى مفروض يسلم السلطه للمدنيين في اقرب وقت
من متابعتي على الفيس قدرت اجمع اربع وجهات نظر مختلفه عن موضوع تعجيل تسليم السلطه
فيه راي بيقول السلطه تتسلم لرئيس مجلس الشعب واللي يسلمها بدوره للرئيس المنتخب
رأي تاني بيقول يتعمل مجلس رئاسي مدني وتتنقل له السلطه
رأي تالت نستنى لحد ماتتعمل الانتخابات الرئاسيه وتتسلم السلطه للرئيس المنتخب
رأي رابع بيقول لاكده ولا كده .....ثورة لاسقاط النظام وتسليم السلطه للثوار لانهم هما اللي عملواالثورة يبقى هما اللي يستلموا البلد
ايه رايك ؟ يعني انت ميال لأي رأي من الاربعه ؟ وعلى فكره كلها اراء ليها وزنها وممكن تبقى مقبوله من البعض ومرفوضه من البعض .... انما المرفوض تماما ان حد يدخل الموضوع ده علشان يقلبه خناقه ... او يهين رأي واحد تاني ... هوا احنا لا سمح الله هيجرالنا حاجه لو قولنا رأينا من سكات ؟ من غير غلط ؟

[lost2008]

وفيه راى خامس " رئيس المحكمة الدستورية العليا"

[azzat 55]

أشكرك يا ا/تامر على طرح الموضوع بعقلانية ومن رأى المتواضع أن تسلم السلطة لرئيس مجلس الشعب بعد اكتمال الأنتخابات ان شاء الله وبعد ذلك يقوم بدوره لتسليمها لرئيس منتخب فى موعد اقصاه شهر يونيه القادم . ولك جزيل الشكر

[M.TONSY]

احنا المفروض نمشى على الاستفتاء وبلاش كل واحد مش عاجبه حاجة هنمشى وراه لان كدة فوضى وعدم احترام لارادة الشعب فالمفروض اتخاذ اى قرار على هذه الشاكلة يكون نابع من ارادة الجماهير جميعا عن طريق استفتاء عام من الشعب او نوابه القادمين ان شاء الله وليس من وحى التظاهرات او الاعتصمات لاننا دولة مؤسسات ولسنا قبائل بربرية فيجب احترام الارادة الشعبية فى صورة شرعية متمثلة فى البرلمان او الاستفتاء
فانا ارى الان ان من يحاولون افساد هذه المرحلة الهامة التاريخية للانتخابات بهذه الافعال الغير مسئولة انما يريدون ان نعيش فى عدم استقرار دائم وفوضة مزمنة لنيل مكاسب شخصية على حساب شعبنا الغلبان
فما الداعى لهذا التشتت فلننتظر ان تمر الانتخابات بسلام ويكون هناك ممثلين شرعيين للشعب بدلا من المعتصمين والمظاهرات فلندع المظاهرات تتم فى مكانه الشرعى تحت قبة البرلمان الذى يريد حرقه الخونة اعداء الوطن

[ابوجهاد]

المشاركة الأصلية كتبت بواسطة تامر ديزل بصراحه كده المجلس العسكري احسن له ولنا وللكل انه يسلم السلطه النهارده قبل بكره ويرجع لوضعه الطبيعي لان دي مش شغلانته اساسا ادارة شئون البلاد ..... ووجوده غلط وفعلا هما اساءوا ادارة المرحلة الانتقالية تماما وكمان وجودهم مخلي ده يتكلم وده يتهجم واللي يعتصم واللي بيصرخ واللي بيزعق وكمان اللي بيهدد ......... يبقى مفروض يسلم السلطه للمدنيين في اقرب وقت من متابعتي على الفيس قدرت اجمع اربع وجهات نظر مختلفه عن موضوع تعجيل تسليم السلطه فيه راي بيقول السلطه تتسلم لرئيس مجلس الشعب واللي يسلمها بدوره للرئيس المنتخب رأي تاني بيقول يتعمل مجلس رئاسي مدني وتتنقل له السلطه رأي تالت نستنى لحد ماتتعمل الانتخابات الرئاسيه وتتسلم السلطه للرئيس المنتخب رأي رابع بيقول لاكده ولا كده .....ثورة لاسقاط النظام وتسليم السلطه للثوار لانهم هما اللي عملواالثورة يبقى هما اللي يستلموا البلد ايه رايك ؟ يعني انت ميال لأي رأي من الاربعه ؟ وعلى فكره كلها اراء ليها وزنها وممكن تبقى مقبوله من البعض ومرفوضه من البعض .... انما المرفوض تماما ان حد يدخل الموضوع ده علشان يقلبه خناقه ... او يهين رأي واحد تاني ... هوا احنا لا سمح الله هيجرالنا حاجه لو قولنا رأينا من سكات ؟ من غير غلط ؟

الاخ الكريم تامر بعد التحيه
راي الشخصي هو الراي الاول ننتظر انتهاء الانتخابات وتكوين مجلس الشعب واختيار رئيسه وتسليمه السلطه لحين انتخاب رئيس الجمهوريه