اضحك مع المصريين: الأفلام بعد الإخوان: المرشد عمر حرب.. وحسن وربنا يهدي مرقص

[الدملاوي]

نقلاً عن موقع الدستور الأصلي


ملحوظة هامة :- هذا الموضوع ليس للسخرية من الأخوان أو أي فصيل أخر فقط هو طرح جديد أردت نقله لنلاحظ جميعاً مدى رعب الليبرالين والعلمانيين من وصول الأخوان للحكم




"مصر بتتغير".. هذا مما لا شك فيه، فكل الشواهد تؤكد أننا مقبلون على أحداث مختلفة لم نشعها من قبل، وكثيرون يستعدون للتغير لاستقبال البرلمان المقبل، الذي سيحمل الكثير من المفاجآت والمواقف، بعد تمكن "الإخوان والسلفيون" من الحصول على الأغلبية، ولكن، من المؤكد، أن الشعب المصري سيظل محتفظا بأهم صفاته، وهي خفة الدم والقلش.
ففور ظهور بوادر نتائج المرحلة الأولى لانتخابات مجلس الشعب، انطلقت عشرات النكات الساخرة التي تتخيل مصر تحت حكم الإخوان والسلفيين، وإن حمل بعضها جزءا كبيرا من التشاؤم، إلا أنها تعبر عن واقع ملموس بدأت بوادره في الظهور، وأبسط مثال على ذلك، هي التعليقات "اللطيفة" التي سترد على هذا الموضوع، فالمتتبع لها، سيكتشف بكل سهولة أن مصر، فعلا بتتغير، وهذه هي مجموعة بسيطة من قلش المصريين على شكل البرلمان الجديد:


* الأرقام بالانجليزي هاتتغير بعد وصول الإخوان وتبقى: وان، تو، ثري، فور، فيف، استغفر الله العظيم، سيفن...
* بيقولك مرة شعب طلب حرية.. لبس حرية وعدالة.
* بصتله وهي عينيها بتدمع وقالتله: خلينا إخوان أحسن.
* في السنة اللي فيلم شارع الهرم حقق أعلى إيراد يومي في تاريخ السينما المصرية اخترنا حزب ديني عشان يحكمنا، الشعب المصري أم الأجنبي.‎
* اللي باعك في الميدان .. بكره يبيعك جوه البرلمان.
* أراك لاحقاً يا شعب مصر العظيم، بعد 5 سنين نلتقي مرة أخرى، على تليفونات بقى.
* يعني إيه الحرية و العدالة؟ الحرية أن تختار حتاخد فين والعدالة إن كل الناس حتاخد.
* الإخواني الحق هو الذي يثور ليركب الميدان ثم يهدأ ليأخذ البرلمان.
* الجمعة الجاية جمعة يلا نلحق نسكر.
* هذا وقد انقسم الشعب المصري إلى جماعتين، جماعة “التكفير والهجرة” و”جماعة التفكير في الهجرة”.
* يعني إيه البرلمان المصري؟ يعني كله يعيش الوهم و الإخوان ياخدوا الدوري.
* الانتخابات النزيهة، كالراقصة الشريفة.
* مبروك على الإخوان البرلمان مبروك على الشهداء الجنة مبروك على الجيش الحكم مبروك على مبارك البراءة و مبروك على الشعب الخازوووووووووووق.

أفلام المرحلة القادمة:
* إخوان ولا بيزنس .
* إزاي تخلي الأخوات تحبك.
* الباحثات عن الحرية والعدالة.
* المرشد عمر حرب.
* حسن.. و ربنا يهدي مرقص.
* السبحة لا تزال في جيبي.

* الفنان طلعت زكريا يعتذر عن فيلم “طباخ الريس” و يبدأ في الاستعداد لفيلم “سواق المرشد”.
* اضطراب في الوسط الفني بعد تغيير أسماء أفلام كريم عبد العزيز إلى “الحاج أبو على” و “واحد من الإخوان”
* إيناس الدغيدى بعد ارتدائها النقاب تبدأ تصوير فيلم “مذكرات مؤمنة”.1

* عمرو دياب في حفلته القادمة: من كام سنة وأنا إخوان إخوان.. أنا أكتر واحد بيصلي.. كان عندك دقن.. والأخت عاملة إيه دلوقت؟.. يا ريت لبسك يزيد مترين عشان لبسك كدا قصير.. عايز تسيب دقنك كدة سيبها وتعالى على نفسك وحددها.
* فيروز تغير كلمات أغنية البنت الشلبية لتصبح البنت السلفية.

ماذا بعد فوز الإسلاميين بالبرلمان؟
* هيعملو روتانا إخوان .
* النشيد الوطني هيبقى ورد الرابطة.
* تامر حسنى هايبطل غنا لأن صوت المرأة عورة.
* كل ما تيجي تعمل فولو لواحدة هتطلعلك رسالة تقولك: أترضاه لأختك؟ .
* هيبقى التويتر رجالي فقط أو هيعملوا واحد رجالي وواحد حريمي و صورة الأفاتار الحريمي تبقي وردة.
* محدش هيشرب سجاير، كله هايدخن بخور.
* هيغطوا كل سلاك الكهربا العريانة.
* خالد يوسف هيتجلد 60 جلدة على كل فيلم عمله.
* هانبقى زي أمريكا بالظبط.. وهايبقى عندنا مجلس "شيوخ".
* أول جلسة في المجلس هتكون جلسة ذِكر.
* شباب 6 إبريل تغير اسمها إلى فتية السادس من ربيع الآخر.
‎‎* هيغيروا التفاحة اللي على آبل ويخلوها تمرة.
* بدل القطط والكلاب هنربى إبل.
* الشارع حارتين واحدة للسيدات وواحدة للرجالة.

الأخبار في المستقبل:

* افتتحت اليوم ثلاثة من زوجات السيد الرئيس حفظهن الله فعاليات مهرجان الإنشاد للجميع.
* انخفاض حاد في أسهم شركة جيليت بالبورصة المصرية وأنباء عن نية الشركة بسحب استثماراتها وماكينات حلاقتها في مصر.
* إقبال شديد من المواطنين في اليوم الثالث من الانتخابات على طوابير الهجرة أمام سفارة كندا.
* اتحاد الكرة يعلن أنه تخلى عن العقد مع أديداس وسيكون الراعي الرسمي محلات التوحيد والنور.

[samehlila]

بسم الله الرحمن الرحيم


جامده جدا الحاجات دي بس تفتكر ابل هتقبل بالتمرة بدل التفاحه و ياتري هيكون متاكل منها حتة بس و متهيأ لي الشرعي 3 تمرات يبقي مش ابل بقي هيه اللي هتحط ال 3 تمرات يبقي فيوسونيك هيه اللي هتغير ال3 عصافير بتوعها بالتمر
هههههه

[tamer.koko]

جامده جدااااااااااااااااااااااا اااااااا

[طارق عبد السلام]

* إيناس الدغيدى بعد ارتدائها النقاب تبدأ تصوير فيلم “مذكرات مؤمنة”.1

اهو ده اللى مش ممكن ابدا ابدا:w6w200504111343 5869

[ayman goda]

شكرا على الكوميديا الرائعه