نظفت الرشاشات عند مدحت المعادى

[Emgrand]

بدايه انا تعمدت ذكر صاحب الورشه المهندس مدحت فى عنوان الموضوع لانه راجل محترم ويستاهل كل خير وله اكتر من موضوع هنا وفى كذا منتدى بيتكلموا عنه وعن جهاز الالترا سونيك اللى بينظف الرشاشات

نخش فى الموضوع

انا قريت موضوع هنا فى نفس القسم ده عن تنظيف الرشاشات ويمكن ملوش علاقه بالقسم عشان كده انا عملت موضوعى فى نفس المكان

كان كاتب فيه كده بالضبط تنظف الرشاشات لو:-

1- تاخير دوارة السيارة على البارد او السخن
2- ضعف اداء المحرك
3- زيادة معدل استهلاك الوقود
4- عدم احتراق الوقود كليا
5- ضعف الاستجابة لدواسة البنزين عند الضعط عليها
6- رجرجة السيارة عند الدوارة او عند الطلوع من السكون

الحمد لله مكنش عندى غير بند 3 بس بجنون شويه ويمكن بند 6 على استحياء

بند 3 الخاص باستهلاك البنزين

العربيه 1500 موديل 99 بتعمل 14 لتر فى الـ 100 كيلو جوه البلد طبعا خراب بيوت.

والالعن انها عملت 20 لتر (صفيحه) فى 350 كيلو فى سكه سفر مفتووووووحه سرعه 90 طبعا استهلاك رائع بل مدهش.

والعربيه بتسحب ومش مخنوقه وده اللى شككنا قبل تنظيف الرشاشات

المهم انا اخدت المغامره واتكلت على الله

الرشاشات كانت خارجه طينه واتكشف عليها الاول كانت سليمه

ولم يتبقى الا التنظيف بالالترا سونيك وتم الحمد لله وطلعوا فابريكه بيلمعوا.

1. لاحظت تحسن السحب بمقدار بسيط جدا ( يمكن عشان كان عندى السحب كويس من الاول الحمد لله) يعنى مش فارقه معايه
2. ودلوقتى انا بلاحظ استهلاك البنزين وربنا يسهل حتى لو بقت تعمل 10 لتر فى ال 100 كيلو وده هدفى من المشوار كله البنزيييييييييييين
   

عنوان مدحت

مدخل المعادى 2 هتخش تلاقى كوبرى فى وشك تطلع وتنزل تدخل تانى دخله شمال بعد الكوبرى ,هتلاقى مكتب صحه المعادى فى وشك وهو فى الشارع اللى جنب الصحه

تليفون مدحت 01009712688
تليفون محمد شريكه 01006612162

مواعيد العمل من الساعه 12.5 ظهرا
وكان قالى قبل كده انه بيقفل جمعه بس انا مش متأكد

الراجل يعرف مواقع العربيات وعارف ان فى عضو كان عامله موضوع قبل كده وقبل اما كمل انا عرفته منين هو اللى قالى

[boshah]

بيتكلف كام تنظيف الرشاشات

[Emgrand]

المشاركة الأصلية كتبت بواسطة boshah بيتكلف كام تنظيف الرشاشات

100 جنيه ............

[احمد على 1999]

شكرا على نقل التجربة
بس منتظرين نتيجة تحسن الاستهلاك جوه البلد

[Emgrand]

انا عملت حاجه حاسس انها غلط بس من قرفى من كتر الشوارع المكسره وعين القط
غيرت هواء الكاوتش بنيتروجين وضبطه على 27 فى نفس يوم تنظيف الرشاشات
ممكن واحد مجرب يقولى كده استهلاك البنزين هيعلى فى حاله ان الكاوتش على 27 نيتروجين ولا عادى