عربيتى احسن عربية

[mody112]

كل واحد مننا راكب عربية اكيد اكيد اكيد شايف ان عربيته احسن عربية موجودة ولما حد بييجى يقارن ما بينها وما بين اى عربية تانية تلاقيه يرشحها بقوة ويشكر فيها قوى قوى قوى حتى لو كانت العربية التانية افضل منها وده ممكن يكون بسلامة نية ليه لانه شايف ان عربيته مريحاه وكمان هو شايف فيها كل حاجة وكمان انه لم يجرب السيارة الاخرى وهذه اهم حاجة بل ممكن يكون انه لم يرى السيارة التانية من اساسه فعلشان كدة اللى عاوز يشترى عربية جديدة يسال عليها كويس ويدخل على المنتدى مصر موتورز وغيره ويشوف ايه الكلام عليها والناس اللى راكبه العربية بتقول ايه عليها ويروح المعرض يتفرج عليها ولو مقتنع بيها يبقى يتوكل على الله ويشتريها علشان لن تجد فى اى مكان ان الناس اجتمعت على شئ واحد ابدا ولذلك اسال على العربية كويس وكمان لو شفت حد راكبها ولو فى الشارع وقفه و اساله واطمن على الوكيل بتاعها وقطع غيارها وخدمات ما بعد البيع ولو كله تمام توكل على الله وياريت نسيبنا بقى من الصينى انه صينى ومش بيستحمل ومش عارف ايه والكلام ده وهرجع اقولها تانى كل واحد راكب عربية شايف انها احسن عربية.
وهذه وجهة نظر

[A7MED NASSER]

فعلا ً يا مودي و انا معاك فكده ممكن ما يكونش جرب العربيه اللي بيقانها بعربيته او جرب و لقاها احسن كتير و برضوا يقولك عربيتي احسن انا عن نفسي معايا السيراتو و لما جربت الالنترا استرحت فيها كتير و برغم اني ما قلتش و اعترفتش لصاحبي انها احسن كتير بس عملت تقرير عنها هنا و اعترفت هنا فالسايت ان بعد تجربة الالنترا لقيتها عربيه جميله جدا ً و التسارع اقوي و العفشه انعم بكتييييييير بس عيبها الوحيد الباور و ما يعتبرش عيب علشان هو تكنلوجيا جديده و احنا بس اللي مش واخدين عليها انما لو تأقلمنا عليها خلاص هتبقي العربيه ناجحه فعلا ً و شكرا ً لموضوعك

[aymangalal]

وعلى العكس برضه(يمكن فى العربيات القديمة اكثر) فى ناس عندهم عربيات تعباهم جدا وعن تجربتهم مابينصحوش حد بيها من كتر الاعطال ..... المهم بقى سبب الاعطال دى ايه....؟؟؟؟ جايز جدا (ويمكن ده الغالب) ان معظم الاعطال بتيجى نتيجة اهمال صاحب العربية لعربيتة ويطنش عن العطل البسيط لغاية ما يبقى جسيم وفى الاخر يقول عربية ماتتركبش
انا رأئيى الشخصى مافيش عربية وحشة ومافيش عربية بدون عطل او مشكله
لكن صاحب العربية هو اللى بيدير المشكله دى اما انه يحلها... وتبقى احسن عربية
او يهملها والمشكلة تبقى كارثة وتبقى اسوأ عربيه
تحياتى لكل المواتير والعجل

[روبرت مجدي]

لا طبعا..
عربيتى أنا احسن عربية و مفيش منازع
تحياتى كيا برايد 97

[mohamed selem]

معاك حق والله