سؤال بخصوص لحام الشاسيه

[احمد شكري]

اخواني الاعزاء سلام الله عليكم ورحمته وبركاته
امامي سيارة هوندا سيفيك موديل 81 بحالة عامة ممتازة ولكن بها لحام شاسيه
فحزرني منها الكثيرون بحجة ان لحام الشاسيه قد يفصل في اي وقت

فكيف اتأكد عند شراء السيارة ان الشاسيه ليس به عيوب لحام

سؤالي الاخر : هل يمكن معالجة الشاسيه بشكل نهائي بمعني بعض الناس اخبروني عن طرق للحام الشاسيه مثل صب الشاسيه خرسانة

فما هي انواع هذه الطرق واسعارها وهل تعطي نتيجة فعالة اي تقضي علي مشاكل الشايه ام لا

[Nissan]

اهلا بيك معانا فى مصر موتورز
و منور يا أ/أحمد
الشاسيه مناهم أجزاء السيارة لأنه اللى شايل كل الاحمال بمعنى إنه شايل الموتور و الفتيس و الركاب و البودى وغيره و غيره
و عشان يكون فى لحام فى الشاسية طبعا حاجة مقلقة جدا
بس العربية موديل 81 و وارد جدا يكون فيها حاجة زى كدة
من وجهة نظرى إنك تجرب العربية كويس لماسفة طويلة و تشوف زواياها مظبوطة ولالأ و تعمل ضبط زوايا و تشوف زواياها فى الرينج range ولا لأ لن الزوايا بتبين حالة الشاسيه

انا عارف إن الكلام ده مش اللى حضرتك عايزه بس انا شايفه مهم عشان كدة قلته


بالنسبة لخوفك من غن اللحام يفك ولا لأ
طبعا أى لحام فى الشاسية بيكون ضعيف عن الأصل لأن أقوى لحام لا تتعدى قوتة 70 % من قوة الترابط بين الجسم و هوا صحيح بدون لحام بس ممكن مكان اللحام يكون فى حتة مش عليها احمال كبيرة فممكن يكون مفيش مشكلة
و نصيحة خدها عند سمكرى كويس تثق فيه و يقلك رأيه عشان هوا اللى هيشوف
و اللى يسمع غير اللى يشوف

[thesniperman]

انا بصراحه بعد كلام المهندس نيسان مقدرش اقول حاجه بس من راي ان انتا لو معاك عيله و مش لوحدك او لو بتسافر كتير يبقي ماتخاطرش و تجيب عربيه فيها لحام في الشاسيه
2- العربيه هتبئي ممتازه منين اذا كان فيها لحام في الشاسيه و زي ما قال نيسان انه شايل كل حاجه

[هيمو]

خدها لسمكري او مركز صيانه وهما وشوف رأيهم ايه

[fantamora]

السلام عليكم
طيب الخبطه ال من اسفل السيارة فى الدواسات وعمود الشاصيه متنى جامد دة مهم يتعمل ولا ايه؟