مشكلة فى عفشة الياريس

[Mohamed5]

السلام عليكم ورحمة الله

عندى مشكلة وحيرة كبيرة أتعشم أن تساعدونى فى اتخاذ قرار صح فيها

من أسبوع كنت باظبط زوايا واربط عفشة فى وطنية سيتى ستارز والصنايعى اللى هناك قاللى العجلة اليمين

قدام قافلة لجوه شوية ومحتاجة زرجينة..أنا طبعا نفضت له وقلت له اظبط على كده عشان مستعجل وابقى أجلك

مرة تانية....وبعدين ربط العفشة وقاللى كانت سايبة شوية (وفعلا أنا كنت حاسس بكده) ربطها وبقت أحسن

شوية....وبالصدفة امبارح وأنا فى السابع عند بتاع الدوكو لقيت جنبه عفشجى شكر لى فيه قوى..قلت له بص

لى ع العفشة لقيته نام تحت العجلة الشمال قدام وقعد يمسك المقصات وغيره وكذلك العجلة التانية وبعدن

لقيت بيقول لى العفشة متربطة ممكن أحرق لك عليها بس من غير لزمة لكن انت عندك البارات فيها بوش

ومحتاجة اما تغيرها أو نكبس لك البيض وتمشى معاك سنتين كمان ونصحنى بالكبس وعدم تغيير البارات

الفابريكة وقاللى لو سبتها علبة الدركسيون حاتبوظ والكاوتش حايتاكل عالى وواطى..الخ

أنا بصراحة خايف ألعب فى العفشة وخايف يفكها ويعمل مشكلة فى تركيبها ومش عارف كلامه صح ولا

بيشتغلنى..وهل كلامه مرتبط بكلام بتاع الزوايا؟

العربية ياريس 2008 أتوماتيك كاملة

أرجوكم فيدونى برأيكم جزاكم الله خيرا

[tareksakr]

حضرتك تروح لعفشجي تالت يكون نضيف من محيط اصدقائك او معرفك يكون حد اتعامل معاه كويس وتروحله وتشوف رأيه ايه وانا شايف ان الموضوع بسيط لو علي بارات الطرف بس الفكرة ان عفشة التويوتا كويسة جدا انا عندي واحد صاحبي معاه كورولا 2004 العفشة فضلت شغالة بكفاءة الي 180000 كم فاعتقد ان حضرتك تروح لحد تاني افضل