|
#1
13-04-2011, 12:33 AM
|
|||
|
|||
المارش
السلام عليكم
انا عربيتى 131 وانا بحب اصلح الحاجات وبعض المشاكل بنفسى منذ 10 ايام لما اجى اشغل العربيه اسمع صوت المرش يشتغل على الفاضى افصل وارجع اشغله 3 -6 مرات لما يلقط والعيب ده فى ترس البندكس (نفس فكره عمل سستيم بتاع المتوسكل والعجله المتصل مع الجنزير يسمح باللف فى اتجاه واحد) وهو الترس الى بيعشق مع ترس الفلام المهم فكيت المارش واختبرته لقيته شغال وبيلف فى اتجاه واحد وركبته والاقيه نفس العيب يفوت ومش بيلقط الا بعد 3 مره . فى خلال 10 ايام الماضيه فكيت المرش 4 مرات وركبته ونفس النتيجه انا متاكد انه عيب ترس البندكس بس لما افكه بلاقيه سليم, اول امبارح فكيته حته حته وخرجت الترس ونظفته بالبنزين وشحمته وبعدين جمعت المارش وقلت اجربه شغت اشتغل ميه ميه من اول مره فضلت اشغل واقفل كتير والحمد لله النتيجه مرضيه المهم حسيت انى انتصرت بعد الثوره الى انا قمت بها  بس يا فرحه ماتمتكان غطاء الزيت بيسرب زيت بسيط ركبت له جوان وقلت اغسل الماتور ركبت كيس بلاستك حول الاسبراتير وبعدين غسلت الماتور بالبنزين الى غسلت بيه الترس(ارجو الحرص بالنسبه لغسيل الماتور بالبنزين ) واستنيت نصف ساعه لحد البنزين مايطير وغسلت الماتور بالميه بصراحه افتريت بالميه ولما خلصت جيت اشغل العربيه مادرتش فبدات المعاناه فكيت الاسبراتير والابلاتي ونظفتهم والعربيه مش عاوزه تدور واعدت ادور فى المارش اكثر من 15 دقيقه الى انا لسه مصلحه لحد ما الترس فوت  المهم زاتها مدرتش انا كنت شغال فيها من الساعه 1 لحد الساعه 6 فزهقت وحسيت بالاحباط  وقفلتها وطلعت البيت وشربت شاى ونزلت بعد ساعه المهم قلت ابص على البوجيهات وده اخر امل بعد ماتممت على كل حاجه من دوره البنزين ودوره الكهرباء فلاقيت البوجيهات عليها كربون يبقى دخل للكربراتير ميه سنفرت البوجيهات وركبتها وزقتها اشتغلت كانت الساعه 9 مساء طبع الترس باظ خالص فرحت اخير الى كهربائى وقلتله شفلى المارش طبعا اى صنايعى يتدايق لو حس انك فاهم فانا من طبعتى بعمل فيه عبيط ومش فاهم واراقبه من بعيد المهم قلى الترس بايظ المهم غيره 60 جنيه (45 سعر الترس و15 مصنعيه) المهم انا كنت بستمتع وانا بفك المارش بس هو نصيب ورزق الصنايعى كان ممكن اغيره انا بس انا كنت زهقت. اعطال المرش كثيره جلب شربوت اتوماتك ترسس كتاوت المرش الخارجيه ابعد الله عنكم اعطال المرشات وغيرها 
|
|
#2
16-04-2011, 02:07 AM
|
|||
|
|||
|
رد: المارش
طيب يا ترى بعد ما الراجل صلحلك المارش اشتغل كويل وبقى يدور من اول لفه وشوف كده لو عملها تانى يبقى الموضوع مش فى المارش يبقى تتاكد من الحله بتاعه الموتور لو مشروخه ولا حاجه ودى تعرفها لما حد يدوسلك على الدبرياج هتلاقى جنب المارش كده الحله دى بتطلع لقدام حاجه بسيطه لان دى بتخلى المارش يبعد عن ترس الفرام وان شاء الله ما تكونش كده
|
 |
|
|
