مشكلة ومساعده في الفيات 132

[Speed Bird]

الاخوة الاعزاء ارجو ان تكونوا جميعا بخير و اخص بالذكر الاستاذ حازم خضر .الحمد لله انا جبت 132 2000 موديل 78 واللي باعهالي الله يسامحه واضح انه سكني في شوية حاجات منها ان العربية فيها بارومه كتير خاصه في منطقة الكارتيرة والعربية بتسخن ولازم اشغل المروحه اللي بذرارانا لقيت المروحه دي ورا الراديتير ومفيش مروحه قدامه غير كده الموتور يسخن جدا وكذلك موتور المساحات بتاعت الزجاج مش موجود وغير شغل الكهرباء اللي محتجاه العربية ومنها تغيير الدينامو ولما بشغل المروحه دي العربية بتبطل بعدها ولازم تدور زق انا وديتها للميكانيكي علشان موضوع المروحه ده وفاجئني بأ، العربية سيئة جدا واني جبتها غالية اوي انا اشتريتها ب 14000 والسمكري بيقولي حرام اشتغل فيها وانا بصراحه نفسي اتسدت اوي ومش عاوز اركبها معلش طولت عليكم بس يا ريت تقفوا جنبي انا اول مرة اركب عربية بس سواقتي كويسة وجزاكم الله كل خير

[Speed Bird]

انا محتار ابيعها ولا اظبطها وازاي وكتر خيركم

[mr_astra]

معلش
قلبى معاك
وراى انك تبعها وخسارة قريبة ولا مكسب بعيد
لانك وعلى حسب وصفك هاتعمل فيها كل حاجة وبرضة هى بـ 14000 يبقى الافضل تبعها وتجيب حاجة مسكة نفسها ومش هاتفرق كتير

[Speed Bird]

شكرا يا باشا علي الرد وانا فعلا عارضها للبيع دلوقتي مع ان فيه ناس بتقول اخبط بيها سنه ولا اتنين لحد ما يجلها بيعه واتمرن واتعلم فيها الصيانه وكده يعني و ناس بتقولي اصرف عليها 2000وهتبقي كويسة وامشي بيها شوية .. منتظر ردود اهل الخبرة

[hazem_khidr]

اهلا و سهلا بيك يا باشا في مصر موتورز
اولا قبل اي شئ حاول تصور العربيه و اماكن البارومه علشان نبدأ نتكلم
لكن عموما
حنمسك كل مشكله لوحدها


1.مشكله السخونيه
ال 132 فيها مروحه واحده بس امام الردياتير في غرفه المحرك
و دي بتشتغل اتوماتيك لما العربيه توصل لدرجه حراره معينه
و اللي بيتحكم في تشغل المروحه ساعه الحراره
فيه منها واطي بيشتغل عند 70 و فيه منها بيشتغل عند 90 درجه
طالما المروحه بتشتغل بالزرار الداخلي يبقي العيب في الساعه
لازم تغيرها و تجرب مع تسليك الردياتير و ان شاء الله مش حتسخن تاني
فيه حاجه لازم تاخد بالك منها و هي اتجاه تشغيل المروحه
الصح ان المروحه تلف عكس عقارب الساعه علشان تبرد الردياتير
لو بتلف مع عقارب الساعه يبقي كده غلط و بالتالي بتنقل سخونيه الموتور للردياتير
و تسخن الميه اللي جواه اكتر ماهي سخنه!!!!
فلازم تبص علي اتجاه سير المروحه لو عكس عقارب الساعه اوك
لو مع عقارب الساعه يبقي فيشه المروحه متركبه غلط و توصل للفيشه تفكها و تعكسها و تركبها
حتلاقي المروحه اشتغلت عكس عقارب الساعه و بالتالي التبريد حيبقي مضبوط.

2.زق العربيه و الدواره
تكشف علي الدينامو و تعمل له صيانه لو امكن ولو بايظ يبقي تاخدها من قاصرها و تجيب دينامو استيراد مش شرط بتاع ال 132
انا لسه مركب دينامو بوش الماني لعربيه 127 بتاع واحد صاحبي عند كهربائي في المحله
الراجل دا تخصص دينامو و مارش فقط و ركب لي الدينامو دا في عربيه كورسا و العربيه ال 127 و شغال زي الفل
اهم حاجه في الدينامو اللي تجيبه تكون قواعده متوافقه مع قواعد الدينامو بتاعك
و طبعا تقيس البطاريه و الميه وكتاوت الدينامو تكشف عليه و بعد كده انسي ان العربيه تدور زق تاني

3.الصاج و البارومه الخ
مش حعرف احكم عليها غير لما اشوف العربيه بس مافيش حاجه اسمها مش بتتصلح
لو البارومه كايه في داير العجله الخلفي دا اسهل ما يمكن
حتشتري الداير جديد من اي محل فيات و تقص الداير بنص الرفرف الخلف و تركب الداير الجديد
طبعا لازم السمكري يكون شغله نضيف علشان يركب الداير كويس ما يبقاش مايل لفوق ولا لتحت
و بعدين لو فيه بارومه في الفجاوي حيعمل البارومه كلها و دي سهله الا لو البارومه سارحه في ارضيه الشطه حتاخد مجهود كبير شويه بس حتتعمل برضه..
بعد ما يخلص السمكري حتروح لبوهيجي يدهن
و قبل ما يدهن لو عملت شغل بارومه في الفجاوي تقوله يدقها معجون و يديها بلاك علشان يمنع البارومه من المكان دا تاني

الشغل دا كله مش حيتكلف


بس اهم حاجه يكون اساس العربيه سليم (سدر وشنطه و قوايم و حوض)
لو كل دا سليم يبقي تعمل الشغل اللي قولتلك عليه و تركب العربيه
اما لو العربيه اساسياتها وحشه يبقي تبيعها و تريح دماغك
و للعلم هي تمنها كده مش غالي اوي ولا حاجه
ولو صرفت عليها زي و عملت الشغل اللي بقولك عليه حتلاقي العربيه اتغيرت و بقت حاجه تانيه

و اي استفسار انا تحت امرك