شعر مصرى قديم بس خلاص احنا الجديد

[محمود زيزوو]

النظام كان بيقول كدة زمان يا شعبي حبيبي يا روحي يا بيبي
يا حاطك في جيبي يا بن الحلال
يا شعبي يا شاطر يا جابر خواطر
يا ساكن مقابر وصابر وعال
يا واكل سمومك يا بايع هدومك
يا حامل همومك وشايل جبال
يا شعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش ودايخ
مدروخ وآخر انسطال
احبك مكبر دماغك مخدرممشي
امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار أو ريال
واحبك تطبل تهلل تهبل
عشان ماتش كوره وفيلم ومقال
واحبك تأيد تعضض تمجد توافق
تنافق وتلحس نعال
تحضر نشادر تجمع كوادر تلمع
تقمع تظبط مجال
لكن لو تفكر تخطط تقرر تشغلي
مخك وتفتح جدال
وتبدأ تشاكل وتعمل مشاكل وتنكش
مسائل وتسأل سؤال
وعايز تنور وعايز تطور
وتعمللي روحك مفرد رجال

ساعتها حجيبك لايمكن أسيبك
وراح تبقى عبره وتصبح مثال

حبهدل جنابك واذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه وباقي
حياتك تعيش في انعزال

حتقبل ححبك حترفض حلبك حتطلع
حتنزل حجيبلك ابنى جمال

بس خلاص راح فين جمال جمال راح لام العيال
صدقنى دى مش ثورة دول شوية شباب رجال واجدع من جمال وابو جمال
وعجبى دى مصر هتفضل فى قلبى وحبى ودمى بس خلاص معتش فى حاجة بقينا احنا رجال وهما عيال واخيرا الحمد للّة لان احنا كنا نايمين خالص واخيرا فوقنا والحمد للّة اهداء الى مصر موتورز المصرى وربنا يكرم مصر امين انا بصراحة شوفت الشعر دة قولت انقلة بس انا ضايف حاجات كتير من عندى لانة كان ناقص وكان صغير وانا سعيد انى عضو فى مصر موتورز جدا

[مهند النجار]

هنغيرك يا مصر
اشكرك علي
الكلام
جه وقت الفعل!