|
|||||||
| تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
 |
|
|
أدوات الموضوع |
|
|||||||
| تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
|
|
|
أدوات الموضوع |
|
#1
20-02-2011, 03:20 PM
|
|||
|
|||
تجربتي مع التعديل
مساء الفل شباب مصر موتورز المحترمين والحلوين امبارح كنت علي موعد مع اول تجربه تعديل في عربيتي وحبيت اشاركم فيها التعديل مش تعديل شكلي او كبير انا مروش العربيه علي قدي كده من بره يا دوب حاجات بسيطه لاكن مميزه وحلوه بس التعديل اللي اقصده تعديل رفع الاداء انا كنت بعمل صيانه العشره ألاف كيلو غيرت زيت وفلتر بنزين وفلتر زيت وربطت علي العفشه وكله تمام وجيت عند تغيير البوجيهات وقلت لمهندس الصيانه عايز اركب سبليت فاير يعني طقم بوجيهات رياضيه جيبت البوجيهات ال3 شمعه بس المهندس حذرني قاللي لازم تجري كتير بالعربيه علشان متتكتمش وفعلا بعد تجربه العربيه حسيت بفرق كبير العربيه سلكت وبقي سحبها حلو المهم ركزوا معايا فاللي جاي سالت المهندس ممكن اركب فلتر رياضي قاللي عادي ممكن مالوش دعوه بالضمان ولا غيره عايز تركبه قولت لا هبقي اركبه انا تحت البيت وفعلا رجعت فرحان اني حركب فلتر رياضي ويبقي فعربيتي تعديل ملموس بجد وجبت الفلتر الامريكي اللي علي شكل مخروط ب 50 جنيه من واحد معرفه علي فكره بيتباع في عزبه سعد فالاسكندريه هو نفسه ب 80 جنيه وقولتله لو مركبش مرتاح حرجعه تاني قاللي ولا يهمك ركبت الفلتر وعاللي حصل ........
اولا السحب متغيرش كتير اما الصوت فكان عالي قوي ووحش اكنك خالع شكمان العربيه كله وصوت صفره غريب و فرقعه اكنك خالع الفرن بالشجره بالشكمان روحت خالعه ومرجعه علي طوووووووووول قاللي هو الغرض منه صوت اكتر من اداء واللي اكتشفته ان فلتر العربيه الاصلي احسن مليون مره وصوته رياضي اكتر من الفلتر الرياضي والمحصله النهائيه : البوجيهات متعدده الشمعات بتفرق كتير مع العربيه واستهلاك البنزين الفلتر الرياضي مالووووش لازمه خصوصا لو العربيه جديده واسف جدا علي الاطاله بس قولت يمكن تجرتي تبقي مفيده للبعض من حبايبي فمصر موتورز 
|
|
#2
20-02-2011, 03:26 PM
|
|||
|
|||
|
رد: تجربتي مع التعديل
مستني ردودكم يا رجاله
|
|
#3
20-02-2011, 03:36 PM
|
|||
|
|||
رد: تجربتي مع التعديل
|
|
#4
20-02-2011, 03:54 PM
|
||||
|
||||
|
رد: تجربتي مع التعديل
يعنى الفلاتر كلها صوت بس اصل انا كنت عايز اجيب واحد بس يكون بيفرق فى الاداء و صوته مش وحش معلش هتعبك يا باشا
__________________
three sentences 4 getting success 1- know more than other 2-work more than other 3-expect less than other 
|
|
#5
20-02-2011, 04:04 PM
|
|||
|
|||
|
رد: تجربتي مع التعديل
متتعبش نفسك الصوت مش حلو خالص والاداء لايختلف لو عايز صوت ركب ديفل شكمان وبالانسبه للاداء ممكن بوجيهات 3 او4 شمعه تفرق معاك شويه ولو معاك فلوس حلوه ممكن تركب تربو بس الفلتر فعلا مش عملي والف شكر علي المشاركه الحلوه
|
|
|
|
