كيا ريو اوتوماتيك ولا جين تو 2011

[mohamed_ismail]

بسم الله الرحمن الرحيم


كيا ريو اوتوماتيك ولا جين تو 2011

انا اسف لو الموضوع مش فى مكانة بس مش عارف احطة فين بصراحة يا شباب

انا كنت بسال بس عن العربيتين دول وانا محتار اجيب اية لانى شايف
الريو : 87000
والجين تو : 90000

فرايكم انى افضل من ناحية الامكانيات والتوكيل بعد البيع
لان العربية مش شرى وبس وهل مانا سامع توكيل الجين تو متعب ومقرف ومزهق الناس وكيا توكليها محترم

وهل الكيا ريو تستحق هذا المبلغ

وسوال تالت معلش انا شوفت كيا سيراتو هاتش باك 2011
بس مش عارف دية بكام ولا اية
فياريت اعرف سعرها برضة

وشكرا ليكم مقدما

[hamyadafawz]

انا كنت محتار نفس حيرتك دي برضه وكنت بفكر زيك في الجين تو والريو والاكسنت والجين تو كان عاجبني شكلها اكتر وصوت نعره المتور اللي عامله زي العربيات السبورت
بس فيه ناس جايبين الجين تو قالو ان تقفليها مش كويس والوكيل فعلا مش مريح الناس وفيه مشاكل
علي عكس الكيا ريو العربيه بالكامل مستورده وتقفليها جيد والوكيل سمعته جيده وعجبني موضوع الفوجات اللي متضاف ليها قدام والمرايات الكهرباء وده اللي نزل في الموديل الجديد
وانا نويت وحجزت الريو الاتوماتيك والقرار ليك طبعا في الاخر وربنا يهديلك للي فيه راحتك باذن الله

[خالداعزالناس]

كيا ريو اتوماتيك ..... سياره ممتازه
بروتون جين 2 ...... سياره ممتازه .... ايضا
لك الخيار ..... على حسب الراحه
سيارات ممتازه وجيده .... واثبتت نفسها .....
بالرغم من انتشار جين 2 اكثر من ريو

[mohamed_ismail]

المشاركة الأصلية كتبت بواسطة hamyadafawz انا كنت محتار نفس حيرتك دي برضه وكنت بفكر زيك في الجين تو والريو والاكسنت والجين تو كان عاجبني شكلها اكتر وصوت نعره المتور اللي عامله زي العربيات السبورت بس فيه ناس جايبين الجين تو قالو ان تقفليها مش كويس والوكيل فعلا مش مريح الناس وفيه مشاكل علي عكس الكيا ريو العربيه بالكامل مستورده وتقفليها جيد والوكيل سمعته جيده وعجبني موضوع الفوجات اللي متضاف ليها قدام والمرايات الكهرباء وده اللي نزل في الموديل الجديد وانا نويت وحجزت الريو الاتوماتيك والقرار ليك طبعا في الاخر وربنا يهديلك للي فيه راحتك باذن الله

شكرا يا باشا على ردك
وفعلا الموضوع محير
والعربية توكيل مش شراء بس وعندك حق
وانا سمعت نفس الكلام بالنسبة لتوكيل الجين تو
وياريت تقولى انت حجزت الاوتوماتيك بكام و1400 ولا 1600
وهل جايبها قسط ولا لا
ومعلش لو جايبها قسط قولى افضل نظام تقسيط او بنك ولا المصرية للسيارات لانى ابيض بصراحة
وشكرا مرة تانية لردك

[mohamed_ismail]

المشاركة الأصلية كتبت بواسطة خالداعزالناس كيا ريو اتوماتيك ..... سياره ممتازه بروتون جين 2 ...... سياره ممتازه .... ايضا لك الخيار ..... على حسب الراحه سيارات ممتازه وجيده .... واثبتت نفسها ..... بالرغم من انتشار جين 2 اكثر من ريو

شكرا يا باشا لردك
وانا محتار جدا بصراحة
الفكرة ان التوكيل لو التعامل فية مريح بتفرق كتير انك تكون مطمئن ومستريح
لكن سمعة الجين تو فى التوكيل هى المشكلة بصراحة