|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#1
|
|||
|
|||
تعرف على أنظمة ( ABS - CBC-ESP ) و طرق عملها
1- نظام [ ABS ] المانع لانزلاق المكابــح .
2- نظام [ CBC ] للتحكم بالفرامل عند المنعطفات . 3- نظام [ ESP PLUS ] للتحكم بالتماسك . 1- (Anti-lock Braking System ( ABS لو ضغطت بشده على الفرامل بتقف العجله تماما عن الحركه وده بيكون منافى لقوانين الفيزيائيه لحركه الاجسام فبيكون رد فعل العربيه ككل هو القصور الذاتى وانها تكمل فى نفس الاتجاه بنفس السرعه طالما لم تؤثر عليها قوه تانيه الفرامل المانعه للأنزلاق بتخلى الفرامل تمسك وتسيب العجله عده مرات فى الثانيه الواحده وبكده يكون فى احتكاك يبطء من سرعه العجله وفى نفس الوقت فى حريه لحركه العجله للأمام فتستجيب فى حاله تغيير اتجاهها بحيث ان فى حاله الفرامل الشديده تقدر توجه العربيه يمين وشمال وتفادى اى حاجه كذلك على الاسطح الزلقه هتوفر لك توجيه للعربيه افضل فى حالات الفرمله عموما عيوبها ان فى معظم الاحوال وكتير من الاسطح مسافه توقف العربيه اللى فيها abs اطول من العربيه اللى من غيرها ال abs تم تطوير اكتر من 5 اجيال منه حتى الان يزيد فى كل منهم بعض الوظائف اللى بتحسن من عمله أليه العمل ببساطه ecu ( جهاز تحكم الكترونى ) فى العربيه موصل ب 4 حساسات على العجلات بيتابع سرعه كل عجله ولو عجله فى حاله الفرمله سرعتها ابطء من باقى العجلات ده معناه انها وقفت من خلال مضخطين هيدروليك او واحده متوصله على دايره عمل الفرامل بيفتح النظام الفرامل ويقفلها عده مرات علشان كل سرعات العجل تتناسب وتستجيب العربيه للتوجيه 2- (Cornering Brake Control (CBC هو نظام مطور من bmw . وهو تعديل على نظام esp اللى كانت مرسيدس عاملاه بس الشركات الكبيره دى بتحب تتعايق . وهو نظام الكترونى لمتابعه سرعه العجلات اللى فى الداخل والخارج اثناء الانعطاف وحساب قوه الطرد المركزى على جسم العربيه حسب قوه الملف وسرعه العربيه واول ما يدوس السواق فرامل يبدء النظام بتوزيع قوه الفرامل على العجلات وكبح وتحرير كل منهم على حده لتوفير اكبر قدر من القوى ضد قوه الطرد المركزى فيقدر يوجه العربيه فى الملف بدون ما تنحرف اثناء الفرمله ويحصل المعروف ب ال oversteer اللى هو ان ظهر العربيه يتزحلق وهو نظام مكمل لل abs ويعمل مكملا له ويفرق عن نظام مرسيدس انه بيتدخل بس فى حاله الفرمله 3- ( Electronic stability program(ESP أو Electronic stability control نظام بيتابع حركه العجلات وجسم العربيه طول الوقت مثلا وانت بتفادى حد قصادك على سرعه عاليه ظهر العربيه اتزحلق منك حسابات فى جزء من الثانيه بتحصل لكل وضع العربيه وبعدين تلقائيا بدون تدخل منك العربيه بتقل من قوه المحرك بالقدر المطلوب وتبدء تفرمل العجلات اللى فقدت السيطره واحيانا فى انظمه ممكن تعشق نقله اقل علشان تعمل عزم على العجل وفى نفس الوقت العربيه بتحسب محتاجه قوه مضاده قد ايه لقوه انحراف العربيه وتبدء توفرهالك بفرمله العجلات المعاكسه بالقدر المطلوب لغايه ما العربيه تتعدل تانى وترجع تسيطر عليها وده بيكون فى قمه وضوحه على الجليد لان ساعتها اى تغيير فى المسار بيزحلق العربيه لكن مع النظام ده صعب انك تفقد السيطره لانه فعلا بيعدل وضع العجلات الكترونيا بين القوه والفرمله علشان العربيه ترجع لمسارها أليه عمل النظام من وحده تحكم متطوره جدا بعده حساسات على العجلات وفى جسم العربيه لقياس الضغط واتجاه السياره بيتم تحليل البيانات حوالى 25 مره فى الثانيه الواحده :whistle: عن اتجاه السياره واتجاه العجلات الاماميه والقوه الموجهه عليها وحاله الطريق زلق ولا جاف وحاجات كتير ممكن تفيد النظام من راى انه انجح نظام تحكم وامان اتعمل فى التاريخ . ( الجميل بقى إن الأنظمة دى متوفرة فى معظم موديلات كيا و اللى الموديلات اللى أعرف إن الأنظمة دى فيها ( كيا سيراتو 2011 ., و كيا سول 2010 و 2011 ) منتظر ردودكم |
#2
|
||||
|
||||
رد: تعرف على أنظمة ( ABS - CBC-ESP ) و طرق عملها
يارب تكون متوفره فى الكيا فعلا
شكرا جدا على الشرح |
#3
|
|||
|
|||
رد: تعرف على أنظمة ( ABS - CBC-ESP ) و طرق عملها
شكرا على التوضيح
__________________
اخوكم سعيد عطيه |
#4
|
||||
|
||||
رد: تعرف على أنظمة ( ABS - CBC-ESP ) و طرق عملها
أيه الكلاام الجميل والكبير ده
ياكبييييييييييييييييييييي ير شكرا ليك أستاذ محمود سامى |
#5
|
|||
|
|||
رد: تعرف على أنظمة ( ABS - CBC-ESP ) و طرق عملها
تسلم يا أستاذ سامى ... انتو اللى كبار و احنا بنتعلم منكو
|
|
|