يا خبراء المنتدى افيدوني في امر ريو 2001

[drasd]

السلام عليكم
انا قدامي عربية ريو 2001 عدادها متصفر من حوالي ست شهور ومش عارف ليه تقريبا يمكن كان عامل عمرة
العربية مش عاملة حادثة ولا حاجة هي رشة برة لكن من جوة فبريكة حالتها جيدة جدا
المهم سواء العربية دي اوغيرها مش هي دي المشكلة دلوقتي

انا بافكر جديا في الريو 2001 لانها مناسبة من حيث السعر والفخامة بس اكتر حاجة مخوفاني وهي دي اللي بسأل فيها ومهتم بيها هي قطع الغيار واسعارها والصيانة للعربية لان بصراحة العربية انتشارها قليل وكمان سعر اعادة البيع فيها مش حلو قوي
المهم عايز حد يفدني
ويقولي رايه بصراحة في الريو 2001 من الاخر في كل حاجة هل هي سيارة تستاهل الشراء ولا لاء؟؟

[drasd]

14 واحد قراء الموضوع ولا واحد رد
متهيألي العربية مش منتشرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

[hossamhussein0]

فعلا عربية مش منتشرة ،، مش عارف ليه

بالرغم من أنها شيك و سعرها مناسب و كمان شركة كيا كانت عاملة سمعة في السوق حلوة من ايام البرايد و حتي السيفيا

عموما انتظر شويه ربنا يسهل و يفتيك فيها احد خبراء الكيا

[drasd]

المشاركة الأصلية كتبت بواسطة hossamhussein0 فعلا عربية مش منتشرة ،، مش عارف ليه بالرغم من أنها شيك و سعرها مناسب و كمان شركة كيا كانت عاملة سمعة في السوق حلوة من ايام البرايد و حتي السيفيا عموما انتظر شويه ربنا يسهل و يفتيك فيها احد خبراء الكيا

السلام عليكم
اشكرك لسرعة الرد وفي انتظار بقية الاعضاء

[engmrz]

السلام عليكم :
بص يا باشا انا كان معايا ريو 2002 وقعدت معايا سنه ونص مشيت بيها 80 الف كيلو العربيه حلوه ومحترمه وقطع غيارها اغلي شويه من الانوس بس مش مرعبه كويسه يعني بس نادره شويه عموما موجوده عند الجندي في شارع دمشق او في جسر السويس وفيه واحد في الحرفين نسيت اسمه قطع الغيار معمره موتورها رائع انا جبت بيها 190 في طريق شرم الشيخ وثباتها كويس وموفره في البنزين بس فيها عيب العفشه بتاعتها مش محتاجه رزع عايز محافظه شويه وكمان رمان البلي اللي قادم بيبوظ علطول ده عيب فيها بس مش غالي اوي يعني تقريبا العجله بتعمل 90 جنيه بس انا كان عندي مشكله فيها في الاول رحت التوكيل وعملي تعديل عليها كلفني 1600 ومغيرتهوش بعديها لمده سنه تقريبا ولحد ما بعتها نصيحه العربيه حلوه وكويسه بس خليك في الرايج لانوس او فيرنا عشان ما تتعذبش في قطع الغيار والبيع بعد كده وربنا يوفقك للي فيه الخير