سيراتو وتجربة جديدة -1- تفاصيل بالصور

[ahmed_su]

بسم الله الرحمن الرحيم

اصدقائى الاعزاء ...كل سنة وانتم طيبين ...وبعد ان اكلتم اللحمة وكله تمام مبروك رجوعكم الشغل وعقبال الاجازة اللى جاية ptmnlo123per158

يوم واقفة عرفات كنت صايم وقلت استثمر الوقت لحد ميعاد الافطار فى انى اعمل حاجة فى العربية ماكنتش لاقى وقت انى اعملها وكانت فرصة يوم الاجازة ptmnlo123per135

لو تفتكرو معايا فى موضوع تقيمى للسيراتو بعد 1000 كم هنا كنت قلتلكم ان الكلاكس صوته ضعيف ومش مناسب ابدا لحجم العربية .... وبم ان السواقة فى مصر بالكلاكس فالناس بتستهتر باكلاكس اللى صوته ضعيف وما بيعملش دوره المنوط بيه فى الشارع

والصوت الضعيف ده مرجعه ان العربية نزلة (بفردة كلاكس واحدة) وعليه قررت اضافة فردة كلاكس اخرى كى نسمع الصوت الطبيعى للكلاكس ونستطيع ان نخوض فى الشارع المصرى ptmnlo123per1116

وكانت رحلة بسيطة للبحث عن الكلاكس الملائم للسيارة لن اخوض فى تفاصيلها ...وسنكتفى بالنتائج وهى شرائى لكلاكس Denso Power Tone يابانى الصنع وهو طبقا لكلام البائع الذى يركب فى السيارة الكورولا بس العيب الوحيد انه لايمكنك شراء كلاكس واحد فقط انما زوج منهم ذو التردد العالى والمنخفض









وده شكل الكلاكس




جبت شنطة العدة واستعنا على الشقى بالله ptmnlo123per181



ومن الصورة احنا محتاجين:

قشارة سلك - زردية - كليبسات (او ترامل زى مابتتسمى فى المحلات) - كفر بلاستيك للترامل - سلك حوالى 60 سم - ماسورة لعزل السلك قطر ا سم - الكلاكس بالطبع.



نقوم بتركيب كفر الترامل فى طرفى السلك



نقوم بتقشير حوالى نصف سم من عزل السلك



تركيب الكليبسات (الترامل) فى طرفى السلك المكشوف بواسطة الزرادية ثم تغطيتهم بواسطة الكفر البلاستيك.



ثم وضع السلك فى ماسورة العزل (على فكرة هذه الماسورة مشقوقة بالطول مما يسهل ادخال السلك).



الشكل النهائى للسلك بعد وضعه فى الماسورة العازلة.


بالتجيهزات السابقة نبقى جاهزين اننا نروح للعربية .........

.....يالا معايا ptmnlo123per179




لما نفتح الكبوت هنلاقة فبرة رابطة ما بين صدر العربية والشبكة زى ماهو واضح فى الصورة ... هنلاقى 11 كليبس ربطين الفبرة دى فى مكانها ... فكهم سهل جدا



بواسطة مفك فليبس (صليبة) يتم فك جزء من طول مسمار الكليبس بحرص لانه بلاستيك ضعيف.



ثم يتم نزع باقى طول المسمار والكليبس بواسطة اليد.



بعد نزع الـ11 كليبس يتم نزع الفبرة بمنتهى السهولة ...... والصورة بتوضح الادوات اللى هنحتجها فى المرحلة اللى جاية وهى :

بيبة رقم 10 (ممكن مفتاح 10 بس الشغل بيه هيبقى صعب ) - مفك فليبس - كــتر



لما نفك الفبرة نقدر نشوف فردة الكلاكس الوحيدة اللى راكبة فى العربية والدائرة الحمراء بتبين مكان تركيب فردة الكلاكس الاخرى ... يعنى خلاص مكانو ركبوها وخلصنا ptmnlo123per111



قمت بتركيب الكلاكس الجديد بنفس مسمار ربط الكلاكس القديم (يعن الاتنين بمسمار واحد)لان مكان تركيب التانى من غير صامولة وكان مستحيل اعرف اركبها علشان سربنتينة التكيف

بالاضافة لمساحة العمل الضيقة لانى معرفتش افك الشبكة لانها ركبة بستة مسامير اتنين منهم علشان يتفكو لازم تفك الاكصدام (وده طبعا مش ممكن يحصل .... طظ فى 100 كلاكس).



بعد كده نفك السوكت من الكلاكس الاصلى.



ونقطع بواسطة الكتر جزء من الجراب العازل بحرص علشان ماتضرش الاسلاك.



نركب الترامل فى الكلاكس الجديد ونأخذ الطول المناسب من الاسلاك وجراب العزل ونقص الباقى - نقوم بتقشير جزء من العزل فى سلك الكلاكس الاصلى حوالى 4/1 سم (انا حاسس انى بقدم طبق اليوم ....هاهاهاهاها ptmnlo123per1102 ) ثم تجميعه مع طرفى سلك الكلاكس الجديد وعزله بشكرتون جيد الصنع - يابانى مثلا- .



الشكل النهائى بذمتكم يفرق حاجة عن الفبريقة . ptmnlo123per15

طبعا تخلل هذه العملية عدة تجرب لصوت الكلاكس مرة بالتردد العالى ومرة باتردد المنخفض الى ان استقرينا على فردة الكلاكس ذات التردد العالى لانها ذات صوت افضل .... طبعا هتسئلونى على كلمة استقرينا (انتم مين اللى استقريتم) طبعا انا هاجاوبكم انى استعنت بمهندس كلاكسات ...ايوه تخصصه الكلاكس الباشمهندس ميدو ptmnlo123per1130 (ابنى- غاوى ضرب الكلاكس وان اول ماقلتله جرب جابلى صداع انا والجيران ومش عاوز ينزل من على الدريكسيون )


طبعا بعد ان تأكد من جودة الصوت ومراجعة العمل مرة اخرى وان كله تمام ...نرجع كل حاجة لاصلاها



وضع الفبرة .





تركيب الكليبسات وربطها .




وده الكابتن ميدو بيعمل تشيك على شغل بابا وبيشوف ان كل حاجة تمام والحمد لله مطلعش اى ملحوظات .

اجمالا صوت الكلاكس بقى احسن كتير له الصدى المميز للكورولا وهو عالى مش بازعاج بس عالى ليؤدى الغرض منه فى الشارع المصرى - انا مش باستخدمه الا فى اضيق الحدود - الجماعة الكوريون ركبوا فردة كلاكس واحدة مش عارف للتوفير ولا لعدم حاجتهم للكلاكس ... مع انه كان راكب فى موديلات 2006 و2007

اسف للاطالة وجعت دمغكم علشان حاجة بسيطة ptmnlo123per197 بس كونا اجازة والواحد فاضى.

والى اللقاء فى تجربة جديدة. ptmnlo123per133

[islam_galal]

ربنا يكتر من أوقات فراغك يا أ/أحمدptmnlo123per122

[AbOnOrA]

اولا تسلم ايدك يا باشا على (الوصفة) قصدى الموضوع العبقرى ده ptmnlo123per112

وجه فى وقتة لانى لسه مبوظ الكلاكس رقم 2 فى عمر العربية الفبريكا كان صوتة وحش اوى وواطى وبعدين ضعف كمان (السماعة بتاعتة اتقطعت) وبعدين دورت ولقيت اكتر الحاجات النظيفة بوحدتين فعلا زى ما قولت بس بصراحة مفهمتش يتركبوا ازاى ولا مين اللى بيشتغل امتى (ولحد دلوقتى مش فاهم برضو)
فالمهم جبت واحد تركى قالولى عليه كويس ومكملش 5 اشهر وحالياً قطع النفس خالص وعايز اشترى واحد جديد

مع انى بدأت استمتع بعدم وجود كلاكس فى العربية صدقنى هدووووووووووووء وراحة اعصاب وميزتة الحقيقية انى ببقى عامل حساب غلطات الغير بشكل اكبر وانى مش هقدر انبة اللى قدامى بالكلاكس بعمل حسابة بشكل اكثر حرصاً

بس طبعا الكلاكس مهم جدا ولازم يتغير طبعا بس انت قولى الكلاكس العالى والواطى ده بيشتغل ازاى مع بعض ولا انت بتلغى واحد وتشتغل بواحد وياريت تقولنا سعره كام وجيبتوا منين ولو فيه انواع تانية شوفتها كويسة تقولنا

وتسلم ايدك مرة تانية وتحياتى للباشمهندس ميدو ptmnlo123per171

[ahmed_su]

المشاركة الأصلية كتبت بواسطة AboNoRa اولا تسلم ايدك يا باشا على (الوصفة) قصدى الموضوع العبقرى ده ptmnlo123per112 وجه فى وقتة لانى لسه مبوظ الكلاكس رقم 2 فى عمر العربية الفبريكا كان صوتة وحش اوى وواطى وبعدين ضعف كمان (السماعة بتاعتة اتقطعت) وبعدين دورت ولقيت اكتر الحاجات النظيفة بوحدتين فعلا زى ما قولت بس بصراحة مفهمتش يتركبوا ازاى ولا مين اللى بيشتغل امتى (ولحد دلوقتى مش فاهم برضو) فالمهم جبت واحد تركى قالولى عليه كويس ومكملش 5 اشهر وحالياً قطع النفس خالص وعايز اشترى واحد جديد مع انى بدأت استمتع بعدم وجود كلاكس فى العربية صدقنى هدووووووووووووء وراحة اعصاب وميزتة الحقيقية انى ببقى عامل حساب غلطات الغير بشكل اكبر وانى مش هقدر انبة اللى قدامى بالكلاكس بعمل حسابة بشكل اكثر حرصاً بس طبعا الكلاكس مهم جدا ولازم يتغير طبعا بس انت قولى الكلاكس العالى والواطى ده بيشتغل ازاى مع بعض ولا انت بتلغى واحد وتشتغل بواحد وياريت تقولنا سعره كام وجيبتوا منين ولو فيه انواع تانية شوفتها كويسة تقولنا وتسلم ايدك مرة تانية وتحياتى للباشمهندس ميدو ptmnlo123per171

ايه رايك باعرف اطبخ .... هاهاهاها قصدى اشتغل

الحقيقة الكلاكس مهم جدا فى العربية وخاصة فى مصر

الحقيقة كلاكسات الدنسو غالية جبت الاتنين ب 90 جنيه من واحد حرامى فى المنيل يمكن فى التوفقية ارخص ويوصلو الى 70 جنيه مثلا بس عزائى انى هاخد واحد وادى التانى لاخويا فيبقى قسمنا تمنه ptmnlo123per1127

انما انا كنت جايب فى عربيتى التمبر ا كلاكسين صينى عالى ومنخفض (بيانو ) ب22 جنيه وكانو زى الفل فضلو معيا 3 سنين لحد مابعت العربية وشغالين تمام .


وطريقة تركيبهم سهلة جدا الاتنين بيتوصلو على التوازى وتوصل السلكين الخارجين باسلاك الكلاكس اللى فى العربية

والصورة بتوضح الطريقة



اللون الاخضر هنا هو الاسلاك لو فيه حاجة مش واضحة قولى وانا تحت امرك

واى خدمة ياباشا

[ahmed_su]

المشاركة الأصلية كتبت بواسطة islam_galal ربنا يكتر من أوقات فراغك يا أ/أحمدptmnlo123per122

ربنا يكرمك يا باشا

كل سنة وانت طيب