محاوله فى التعرف على الدبرياج عن قرب

[samirayad]

الدبرياج أو القابض أو ال clutch من أهم المكونات التى تتحكم فى آداء السياره وبالذات تجاه عملية نقل القدره من المكنه الى الفتيس ثم مجموعة محاور العجل .....
يركب الدبرياج بين المحرك والفتيس بهدف فصل ووصل قدرة المكنه أثناء السير بالسياره دون أبطال المحرك .......
أذا هو آداة ربط بين المكنه والفتيس .....ويجب أن يعمل بكفاءه عاليه .....لضمان الأستفاده من القدره المنقوله من المكنه الى الفتيس .......
مكوناته
يتكون الدبرياج من عدة أجزاء رئيسيه
وجه الحدافه (الفلام ) بالأضافه الى مجموعة قرص الضغط (الديسك ) وبطانة الأحتكاك ( الأسطوانه ) ومحمل الدفع الخارجى ( بلية الدبرياج ).........
1- وجه الفلام المقابل للأسطوانه عباره عن قرص معدنى كبير مثبت على عمود الكرنك ويعتبر جزء متمم لمنظومة الدبرياج ......ويكون هذا الوجه ذو سطح ناعم جدا .....
على هذا الوجه يتم تثبيت مجموعة الديسك بمجموعة مسامير ....وبالتالى يدور الديسك بصفه دوريه مع دوران المحرك .....سواء الدبرياج مفصول أو معشق ....
2- غطاء الدبرياج ومجموعة قرص الضغط ( أو كما نطلق عليه .....ديسك الدبرياج )...
يصنع الديسك من الحديد الزهر ويكون ذو سطح ناعم أيضا وذو سمك كافى ومتانه قويه لتحمل القوى الجانبيه ولمقاومة الأنحناء ......ويتمتع أيضا بالمقدره على التخلص من الحراره الشديده الناتجه من الأحتكاك عند التعشيق مع وجه الأسطوانه المقابل ......
الديسك كمجموعه من الداخل يتكون من الأجزاء التاليه ( غطاء الديسك -ياى رقى diaphram spring - قرص الضغط )...........كما بالشكل

3- بطانة الأحتكاك أو كما نطلق عليها الأسطوانه
تركب الأسطوانه بين الديسك والفلام .....حيث يقوم الديسك بضغط أو دفع الأسطوانه تجاه وجه الفلام .....وبالتالى يتم ربط المجموعه بقوة سوست الديسك (أى الياى الرقى diaphram spring ).....
نتيجة عملية التعشيق والربط بين الثلاث عناصر (وجه الفلام ووجه الديسك ووجهى الأسطوانه ) يتم نقل القدره من المكنه للفتيس .......وآداة الربط هى سوست الديسك .....حيث تضغط ضد أصابع معينه على قرص الضغط .......أو وجه الديسك
الأسطوانه نفسها يركب عليها مجموعه من النوابض (السوست ) أربعه مثلا بالقرب من مركز الأسطوانه ....فائدتها الحصول على نعومه دوران عمود القدره الخاص بالفتيس (عمود الدريك ) وكذلك لأمتصاص الصدمات الناتجه عن فصل ووصل الدبرياج .....كما بالشكل


يلاحظ أنه يركب على الأسطوانه ماده أحتكاكيه خشنه من الجانبين (بطانة الأسطوانه ) وتكون مبرشمه من الجانبين ......
تفيد هذه الماده الأحتكاكيه فى ضمان جودة التعشيق بين الأسطوانه وأوجه الديسك والفلام
4- بلية الدبرياج clutch release bearing
تصنع بلية الدبرياج من منظومه معينه .....وتتحرك على مراود (قميص) لعمود مجوف مثبت على مقدمة الفتيس ....
تصنع البليه بطريقة السباكه من الحديد الزهر .....وتكون ذات كريات (بلى ) عباره عن صف واحد من الكريات مرصوص على المحيط الكبير للبليه أعلى الظرف الداخلى لها .....كما بالشكل



تعمل بلية الدبرياج على أنشاء قوه مضاده لقوة التعشيق بسوست الديسك ....فيتم توليد قوه معاكسه للتعشيق .....وبالتالى يتم فصل مكونات الدبرياج
ومن أجل هذا نطلق عليها ......بلية تحرير الدبرياج
أتمنى أن يحوز الموضوع على أعجابكم .....وسأقوم بعمل تلخيص بسيط فيما بعد بنفس الموضوع

معلش بقه .....مش عارف الصور ....لماذا لم تظهر ....عموما
دى صورة الديسك بمكوناته



ودى صورة الأسطوانه بكوناتها



ودى صورة البليه بمكوناتها


http://i728.photobucket.com/albums/w...ntitled-39.jpg
<!-- / message --><!-- sig -->

[samirayad]

عوده مره أخرى الى الدبرياج ونظرا لأننى وعدت بعمل تلخيص عن الموضوع بصوره تانيه ......اليكم الآتى ...........
بنظره سريعه حنقسم الدبرياج الى الآتى
1- عناصر مسئوله عن ربط مكونات الدبرياج
وحنسميها عناصر قيادة الدبرياج ( وجه الفلام الناعم + وجه الديسك )
2- عنصر منقاد ....مسئول عن نقل قدرة المكنه الى الفتيس ( الأسطوانه )
3- عنصر ربط وتجميع للعناصر القائده والعنصر المنقاد ....وهو سوست الديسك diaphram spring
التلاته دول لما بيتربطوا ببعض بقوه تعشيق السوست بيبقى الدبرياج حته واحده
وكده أحنا باعدين القدم اليسرى عن الدواسه
عاوز الأول أبين أن الأسطوانه مسموح لها بالتحرك طوليا على نهاية مشرشر عمود الدريك بحوالى 0.5 بوصه ....أثناء فصل ووصل الدبرياج
طيب ...من اللى فات ده ....عاوزين بقه نفصص العناصر القائده (فلام وديسك ) ونخليهم يسيبوا الأسطوانه فى حالها هى وعمود الدريك علشان نقدر ننقل السرعه من الأول للتانى وهكذا
هنا بقه بيجىء دور بلية الدبرياج ومنظومة التحكم فى حركة البليه
عملية الفصل بتبدأ من الضغط على الدواسه ثم نقل قوة الفصل الى وصلات الدبرياج ثم عمود الدبرياج العمودى المخترق مقدمة الفتيس ونازل لجوه حتى شوكة التحرير اللى راكبه بفكيها على نهاية بلية الدبرياج
حينما يتم الضغط على الدواسه ......الشوكه بتتحرك مفصليا للخارج وبتروح ساحبه البليه بالفكين بتوعها لبره
بكده بتتولد قوه من أصابع معينه بالديسك بتروح ناطره السوست للخلف
وبكده بيحصل أنفصال لمكونات الدبرياج
مع نطرة السوست للخلف بيحدث لطش لحافة البليه .....أذا البليه بتبقى شغاله والدبرياج معشق ....ومع اللطشه للخارج بتنفصل عن السوست وبتبدأ تبقى فى حالها ...بعد لطشة السوست تماما وقت الفصل
والموضوع ده اللى بيعرفنا كفاءة البليه
على أساس لما بيكون فيه خشونه فى الدبرياج وهو معشق وبتروح الخشونه أو الونه دى مع فصل الدبرياج بنقول البليه خلاص قربت على النهايه
ده تصور بسيط عن الوضع التقريبى لشغل البليه
أتمنى أن أكون وفقت فى تصور الوضع الحقيقى ....حينما أقتربت من الدبرياج


ده شكل منطقة الشوكه جوه بطن الفتيس من الأمام (البليه مش موجوده ولكن الشوكه والعمود المخترق الفتيس من الأمام باين ) ودلوقتى الميكانيكى بيطلع العمود المخترق للفتيس .....طبعا العمود بيركب داخل الفتحه اللى فى نهاية الشوكه وباينه قدامنا




ده منظر تانى والبليه موجوده على حافة مشرشر عمود الدريك



قدامك طقمين دبرياج
1- طقم جديد (ديسك وأسطوانه وبليه جديده )
2- طقم محروق .....ومفيهوش البليه ( الديسك بس والأسطوانه )
قارن بين الأثنين ...وأنت حتعرف البليه

[ابن فنان]

مشكوووووووووووور

[فادي مكرم]

تمام تمام
ربنا يعوضك عن المجهود
بس لو نقول اسعارها فى رينج كام و تركيبها بكام وكدة يبقى تمام تمام وفل

[samirayad]

طقم الدبرياج الفاليو

بيعمل حوالى 400 ج

( بليه + ديسك + أسطوانه + فورش )

_____________

المصنعيه

بكتيره

150 ج

___________

ناخد اللينك ده معانا فى هذا الموضوع

http://www.masrmotors.com/vb/showthr...d=1#post388879