ما الذي حققته حمله خليها تصدي وموديلها يعدي حتي الان ؟ ( نقد أتمني أن يكون بناء)

[Mr.Mamo]

أسئله الي ما يُدعي أنها ( حمله خليها تصدي وموديلها يعدي )

ما هو التأثير أو التغيير الذي حدث منذ بدايه اعلان الحملة حتي الان ؟


وحتي يتضح فهم السؤال أكثر .. وما الهدف منه 3

ما هي غايه الحمله بوجه عام ؟

ما هي الاهداف المرحلية للحملة ؟

ما هي الخطة الزمنيه لتحقيق الاهداف ؟

ما هي وسائل تحقيق كل هدف ؟


من هم الاشخاص المشاركين عددا ؟ وكم منهم فعال ؟


هل تم توزيع الادوار لتحقيق الوسائل ومن ثم تحقيق الاهداف ؟

متي نتوقع كجمهور يتمني أن تنجح الحملة و يتمني أن يجد طريقة يخدم بها الحملة أن تهبط اسعار السيارات
بعد عام ؟
بعد عشره أعوام ؟
حتي ولو بعد خمسين عام ؟
مش دي المشكلة لكن هل ممكن نتوقع ده ؟؟


عدد الاسئلة المجاب عنها = احترام المجتمع للحملة ( بلا شك )


قولولنا حققتوا ايه من اهدافكوا عشان لو ينفع نساعدكوا
ولا انتوا عايزين تبقوا لوحدكوا



انا لا انتقد لمجرد النقد
ولكن ليطمئن قلبي أنه ما زال هناك شباب يفكروا بعقولهم لا بشبابهم
لديهم غاية وهدف في حياتهم
وساعتها صاحب فكرة المنتدي و القائمين عليها مش هيعرفوا يعدوا الثواب اللي حيحصلوا عليها من ربنا من غير ما يشعروا ازاي


الرجاء الرد بموضوعيه و مش عيب لو في حاجه مكناش واخدين بالنا منها ناخد ونكمل ونفيد بعض

[data]

المشاركة الأصلية كتبت بواسطة Mr.Mamo أسئله الي ما يُدعي أنها ( حمله خليها تصدي وموديلها يعدي ) ما هو التأثير أو التغيير الذي حدث منذ بدايه اعلان الحملة حتي الان ؟ لا شى فقط زيادة عدد مشاركات موضوع فى قسم منتدى السيارات العام وحتي يتضح فهم السؤال أكثر .. وما الهدف منه 3 ما هي غايه الحمله بوجه عام ؟ محاولة تقليل اسعار السيارات ما هي الاهداف المرحلية للحملة ؟ مافيش اختيارات ؟ ما هي الخطة الزمنيه لتحقيق الاهداف ؟ سبها على الله ما هي وسائل تحقيق كل هدف ؟ المفروض كان فيه منسق بس تقريبا كده من هم الاشخاص المشاركين عددا ؟ وكم منهم فعال ؟ 5 .6 بالكتير هل تم توزيع الادوار لتحقيق الوسائل ومن ثم تحقيق الاهداف ؟ اكيد طبعا لاء متي نتوقع كجمهور يتمني أن تنجح الحملة و يتمني أن يجد طريقة يخدم بها الحملة أن تهبط اسعار السيارات بعد عام ؟ بعد عشره أعوام ؟ حتي ولو بعد خمسين عام ؟ مش دي المشكلة لكن هل ممكن نتوقع ده ؟؟ مش عاوز اجابوك عشان ماتوقفش عدد الاسئلة المجاب عنها = احترام المجتمع للحملة ( بلا شك ) قولولنا حققتوا ايه من اهدافكوا عشان لو ينفع نساعدكوا ولا انتوا عايزين تبقوا لوحدكوا انا لا انتقد لمجرد النقد ولكن ليطمئن قلبي أنه ما زال هناك شباب يفكروا بعقولهم لا بشبابهم لديهم غاية وهدف في حياتهم وساعتها صاحب فكرة المنتدي و القائمين عليها مش هيعرفوا يعدوا الثواب اللي حيحصلوا عليها من ربنا من غير ما يشعروا ازاي الرجاء الرد بموضوعيه و مش عيب لو في حاجه مكناش واخدين بالنا منها ناخد ونكمل ونفيد بعض

بص ياكبير هدف الحملة الاصلى مش عارف بصراحة يمكن يكون تقليد للحملة السعودية او ..... او .... الخ بس مش عارف بصراحة
عمر الحملة ما هتنجح ليه ؟؟؟؟ الحملة السعودية كان الكل مشارك فيها وجاءت اخبارها فى التلفزيون والراديو والعالم كله سمعها على طول فالكل عرف الحملة

عندك فى الحملة ديه واحد عملها وتقريبا هو الوحيد اللى بيرد والباقى يكتب رد او ردين وخلاص
عمر ما الاسعار هتنزل عارف ليه ؟ لان اصحاب الحملة ديه تقريبا من متوسطى الدخل يعنى اسعارهم اقل من 50 الف والاقصى 100 الف
وحتى على اقصى تقدير لو كل يوم اخبار الحملة هتنزل فى التلفزيون مش هتعمل نتيجة وخد عندك كمثال حملة الاستهلال العادل لخطوط الانترنت اللى ماجبتش اى نتيجة نهائى

[fares515]

في رد انا كتبته في موضوع الحمله الأصلي وهكتبهولك هنا كمان مره
مش عارف معلومه ان اصحاب الحمله دخولهم ضعيف جبتوها منين!!!
بالنسبه لي المبلغ اد الرنج اللى انت قلته 4مرات وكمان كان متوفر..
ومكنتش هخسر حاجه لان البوب هو اللى هيدفع
بس انا عجبتني اوي عزيمه واراده الشباب المشتركين في الحمله وخصوصا صاحب الموضوع وقررت اني اشترك مش هخسر حاجه لو اجلت تغيير العربيه لكام شهر..وارجع واقول مش مهم الحمله تعمل حاجه او تحقق حاجه كفايه احساس المسئوليه والمشاركه وبس..(مع العلم المشاركين في الحمله عشراااات راجع الموضوع وانت تعرف شكلكو انتو الاتنين مقريتوهوش اصلا!)
عموما انا مشاركتي في الحمله هتنتهي قريب بس انا من اشد المشجعين لها وبحيي الروح الجميله لاعضاءها

[fares515]

لو مكنتش الحمله حققت على الأقل جزء بسيط من أهدافها
يكفي ان حضرتك منسق لمبيعات هيونداي وداخل محموق من الحمله ونفسك انها تقف..
لا انكر ان عدد المشاركين قليل نسبيا لكن اصلا في ناس كتير مسمعوش عنها نفسهم مسدوده عالشراء ومأجلينه..
الكل دلوقتي يا أستاذ مبيشتريش غير اول كل سنه عشان ال4%تخفيض في الجمارك..
وفي ناس مأجلينها لسنين كمان..باختصار السوق بالحمله المتواضعه ده او بدونها واقف
وموضوع الاحلال هو اللى كان ماكلكو عيش الفترة اللى فاتت..دلوقتي بالحمله او بدونها السوق رااااااااكد ولسا كمان..
باختصار لو الحمله نجحت انها تخلى شخص واحد يمتنع عن الشراء فهي ناجحه جدا فما بالك بمئات الناس عرفوها واقتنعو بيها وامتنعو عن شراء سيارات بعشرات وربما مئات الملاييين!!!...
هتكلم عن نفسي انا واحد من الناس كنت على وشك شراء سياره فاخره ولكن قريت موضوع الحمله واعجبني وقلت وماله ااجلها كام شهر لغايه ديسمبر..دلوقتي السياره اللى كنت عايز اشتريها انخفضت 50ألف وانا والله مكنتش اتوقع انها تنزل ولو الف واحد بس!!عارف هتقولي سياره فارهه يعني ال50ألف دول بالنسبه لك ولاحاجه هقولك لو قرش واحد ممكن اوفره انا احق بيه...بس خلص الكلام

[ali farouk]

وانا معجب بالحملة وان كانت بدأت بخطى بطيئة ولكن بالدعاية اللى المفروض تبقى أكتر من كده ان شاء الله هتؤتى ثمارها وشكرا لكل من دعى الى الحملة وانا عن نفسى كنت هشترى عربية جديدة ولكنى أجلت الشراء تضامنا مع الحملة -خلينا بقى مرة واحدة يبقى لينا كلمة وموقف حازم-