الى كل اعضاء منتدى مصرموتورز ......... لحظة من فضلك !!!!

[BASSEM BESO]

السلام عليكم ورحمة الله وبركاتة وبعد لاحظت فى منذ ان سجلت عضويتى فى هذا المنتدى الرائع المليىء بأعضاء محترمين ان هناك عدة ظواهر سلبية اريد ان اطرحه لنتناقش فى كيفية علاجها حتى نحقق الأستفادة الكاملة من خلال منتدانا العزيز وهى :
اولا : ظاهرة سلبية جدا وهى اخذ المعلومة وعدم اعطاء معلومة بمعنى ان كثير من الأعضاء يشاهدون فقط ولا يشاركون مما يقلل من فرص الأستفادة لجميع الأعضاء .
ثانيا : هناك نوع من الهجوم الغير مبرر والذى لا اجد لة تفسير على بعض السيارات بعينها وتحديدا الصينى وتحديدا اكثر الأسبرانزا لدرجة انى رأيت نقاش حاد جدا وهجوم شرس على A516 فى موضوع كتبة احد الأعضاء بعنوان :

زيادة تأكيد ان 516 عربية منظر

من العنوان نفسة نجد الموضوع مستفز فلماذا؟؟؟ لأنة اشتكى من عيوب فردية حدثت لسيارتة مثل كل المشاكل التى تحدث فى مختلف السيارات والموديلات المختلفة

ثالثا : وهو ان كثير من الأعضاء لا ينقل لنا تجاربة التى اخذ النصيحة من المنتدى ليتتم هذة التجربة وبمجرد انة انتهى من مصلحتة نراة قد نسى ان يشكر حتى من اعطى لة النصيحة وارشدة

وبالمناسبة انا احب اشكر جدا الأستاذ احمد فاروق لأنه من الشخصيات المحترمة جدا و انا من ملاك 516 موديل 2010 والعربية فيها مشاكل بس ان شاء الله تتحل بمساعدة ومشورة من الأعضاء المحترميين الواعيين لما يكتبوة وينصحون بة مثل الأستاذ احمد فاروق الذى لايبخل على اى عضو بالنصائح التى تفيد جميع الأعضاء وانا متابع مواضيعة ومشاركاتة بأمانة شديدة جدا هو نموذج لعضو يريد ان يفيد ويساعد وانا عن تجربة شخصية كل اما احتاج انى احل اى مشكلة فى العربية استشيرة وهو يساعد ويقدم لى النصيحة التى تفيدنى ولا يفتى فى شىء لايعرفة لأنة انسان محترم وحببت من خلال موضوعى ان اشكرة واظهرة فقط لعل باقى الأعضاء وانا منهم ان نفعل مثلة .
واريد من كل واحد منكم ان يقول ماهى السلبيات التى يراها ولاتعجبة فى المنتدى والأعضاء حتى نستفيد جميعا
واخر كلمة اريد ان اقولها ان كل عربية فيها مشاكل حتى لو زيرو وانا مجرب فى النترا وكيا سيراتو .
واسف للأطالة

[محمد مصر]

شكرا أخي باسم علي اللفتة والعنوان الجذاب

شوف يا باشا أنا بكتبلك من الخليج ، وهقولك معلومه واحده بس

كل السيارات بيكون فيها مشاكل بداية من مرسيدس وحتي الصيني،

أنا ولله الحمد متخصص أستلم أي عربية جديدة للشركة وأستخدمها العشرة آلاف كيلو الأولي ، ومعي مهندس آخــر بردوا ،

بداية من التويوتا ، إستلمنا عربيتين واحدة طلع فيها مشاكل وكل يوم في التوكيل ،

والتانية زي الفل ولا بتشتكي من حاجة خالص ،

يعني الموضوع بإختصار شديد العربيات دي حظوظ ، يعني أنت وحظك لكن ملهاش دعوة بنوع السيارة أو قيمتها ،

لكن الإختلاف كلة بيرجع للوكيل وخدماته بعد البيع ،

يعني هضرب لك مثل بسيط جدا ، العربيات المتسوبيشي ملهاش سوق في السعوديه ، والناس بتشتري الصيني ولا يشتروا متسوبيشي ليه ؟؟؟

علشان وكيل المتسوبيشي معفن ، مش بيوفر قطع غيار وأسعارة نار ،
ممكن نقول مش مشكلة السعر علشان وكيل ، طيب القطعه نفسها مش موجوده ،

تخيل يعني السيارة لو عطلت منك تستني إسبوعين علي ما يوفرلك القطعة ،

كل السيارات كويسة ، لكن حظك بيلعب دور كبير جدا في الموضوع ده ،

طبعا جربت متسوبيشي ، وديهاتسوا ، وجي إم سي أمريكي ، وشيفورلية ، إيسوزو ، سوزوكي ، شيروكي ، فورد ، دودج

كل السيارات حظ ، والكلام ده عن تجربة ،

إنما في بعض الأشخاص اللي بتهاجم أي حاجة جديده سواء كانت صيني أو غيرها ،

لكن دا طبعا إسلوب مرفوض جدا لأنه ليس طرفا ، حتي لو طرف يبقا يدور علي حلول لمشاكله ، مش سب ولعن في السيارات ،

وفيه مثل مصري شهير بيقولك ، ( علي قد لحافك مد رجليك ) ، مش معاك فلوس كفاية ، ورحت إشتريت صيني ، يبقا تحمد ربنا علي كل اللي يجي وتحل مشكلتك ،

وهقول كلمة أخيره ،

لو تحدث كل منا في ما يعرفه فقط ، لســاد الهــدوؤ العالم

شكــرا لك أخي بيسوا ،

ودمت بخير

[حازم شاهين]

إسمحوا لى أن أنقل هذا الننوضوع من قسم اﻹسبيرانزا إلى المنتدى العام حيث أنه يناقش فى شقه اﻷول موضوع عام يهم جميع اﻷعضاء فضلا عن المهتمين بسيارات إسبيرانزا فقط

[BASSEM BESO]

المشاركة الأصلية كتبت بواسطة محمد مصر شكرا أخي باسم علي اللفتة والعنوان الجذاب شوف يا باشا أنا بكتبلك من الخليج ، وهقولك معلومه واحده بس كل السيارات بيكون فيها مشاكل بداية من مرسيدس وحتي الصيني، أنا ولله الحمد متخصص أستلم أي عربية جديدة للشركة وأستخدمها العشرة آلاف كيلو الأولي ، ومعي مهندس آخــر بردوا ، بداية من التويوتا ، إستلمنا عربيتين واحدة طلع فيها مشاكل وكل يوم في التوكيل ، والتانية زي الفل ولا بتشتكي من حاجة خالص ، يعني الموضوع بإختصار شديد العربيات دي حظوظ ، يعني أنت وحظك لكن ملهاش دعوة بنوع السيارة أو قيمتها ، لكن الإختلاف كلة بيرجع للوكيل وخدماته بعد البيع ، يعني هضرب لك مثل بسيط جدا ، العربيات المتسوبيشي ملهاش سوق في السعوديه ، والناس بتشتري الصيني ولا يشتروا متسوبيشي ليه ؟؟؟ علشان وكيل المتسوبيشي معفن ، مش بيوفر قطع غيار وأسعارة نار ، ممكن نقول مش مشكلة السعر علشان وكيل ، طيب القطعه نفسها مش موجوده ، تخيل يعني السيارة لو عطلت منك تستني إسبوعين علي ما يوفرلك القطعة ، كل السيارات كويسة ، لكن حظك بيلعب دور كبير جدا في الموضوع ده ، طبعا جربت متسوبيشي ، وديهاتسوا ، وجي إم سي أمريكي ، وشيفورلية ، إيسوزو ، سوزوكي ، شيروكي ، فورد ، دودج كل السيارات حظ ، والكلام ده عن تجربة ، إنما في بعض الأشخاص اللي بتهاجم أي حاجة جديده سواء كانت صيني أو غيرها ، لكن دا طبعا إسلوب مرفوض جدا لأنه ليس طرفا ، حتي لو طرف يبقا يدور علي حلول لمشاكله ، مش سب ولعن في السيارات ، وفيه مثل مصري شهير بيقولك ، ( علي قد لحافك مد رجليك ) ، مش معاك فلوس كفاية ، ورحت إشتريت صيني ، يبقا تحمد ربنا علي كل اللي يجي وتحل مشكلتك ، وهقول كلمة أخيره ، لو تحدث كل منا في ما يعرفه فقط ، لســاد الهــدوؤ العالم شكــرا لك أخي بيسوا ، ودمت بخير

شكرا على ردك انت يااستاذ محمد كلام يدل على واحد فاهم وعارف يأخذ كلامة ثقة فتمنياتى لك بالتوفيق ودوام الصحة وربنا يرجعك بالسلامة ومرة تانية شكرا على الرد العقلانى والمعلومات التى اشارت اليها وبالتوفيق .

[BASSEM BESO]

المشاركة الأصلية كتبت بواسطة حازم شاهين إسمحوا لى أن أنقل هذا الننوضوع من قسم اﻹسبيرانزا إلى المنتدى العام حيث أنه يناقش فى شقه اﻷول موضوع عام يهم جميع اﻷعضاء فضلا عن المهتمين بسيارات إسبيرانزا فقط

بعد اذنك يااستاذ حازم انا تعمدت انى اكتب هذا الموضوع فى قسم اسبرانزا لأرى ماردود الأفعال بالنسبة للأعضاء الذين يهجمون من باب الكلام فقط وتقبل منى فائق التقدير والأحترام ..........شكراا