بالصور أروع يخت عرفه العالم

ذكر موقع gulf news اليوم الاثنين، أن شركة فرنسية شهيرة أنتجت يختاً كبيراً بأبعاد ضخمة ليس له مثيل حتى الآن، فيبلغ طوله 58 متراً وعرضه 38 متراً، وتبلغ مساحته الكلية 3400 متر، ويستطيع حمل 12 راكباً و20 شخصاً من طاقم الخدمة فيه.

يستخدم اليخت الجديد الطاقة الخضراء المخفضة للوقود بنسبة 30%، والمخفضة لاستهلاك الكهرباء بنسبة 50% ، وبه 900 متر من الألواح الشمسية المولدة للكهرباء والتى يبلغ إنتاجها اليومى 500 كيلو واط.

يحتوى اليخت على ثلاثة طوابق مكونة من حمام سباحة مساحته 25 مترا، ومنتجع صحى مساحته 100 متر تشمل ساونا وجمنازيوم وغرفة تدليك، ومنطقة تنزه تصل لـ 130 متراً بها غرفة موسيقى وغرفة طعام وسينما، وترتبط الطوابق بواسطة سلالم عادية، لكن هناك أيضا مصعداً داخل اليخت.

وفى الطابق الأخير، غرفة النوم التى تبلغ مساحتها 200 متر، وتغطى تماما سطح اليخت يشبه من أعلى حدوة حصان، يدخل له الضوء من كل جانب، ويشمل أيضا صالة فخمة للطعام تسع 12 فردا.

يذكر أن بعض المواقع والمنتديات أشارت إلى أن هذا اليخت الرائع هو اليخت الجديد للأمير السعودى الوليد بن طلال، لكن لم يؤكد الأمير ذلك فى أى تصريح رسمى.

[احمد بدر1978]

لية الصور اللى تعقد دى

[TELEBK]

الله ينور عليك ، صور جميلة ، ومعلومات حلوه أوي ، بس برضة مفيش أحسن من اليخت إللي بيقف أدام ماسبيرو بتاع الساعة بخمسة جنيه ، وبرضة فيه دورين ، ولو عايز تشرب وعطشان مفيش مشكلة مد أيدك ودلدلها وإشرب لحد ماتشبع ، ويجعله عامر .
د / خالد

المشاركة الأصلية كتبت بواسطة احمد بدر1978 لية الصور اللى تعقد دى

ما عاش ولا كان اللي يعقدك يا باشا بكره الصبح يكون عندك واحد احسن منه بس انتا بس حاول تظبطله مكان يركن فيه وشفلو غطا حلو كدا وتربرووف علشان انتا عارف المصريين بيحبوا يعلموا علي اي حاجه واقفه في الشارع

المشاركة الأصلية كتبت بواسطة TELEBK الله ينور عليك ، صور جميلة ، ومعلومات حلوه أوي ، بس برضة مفيش أحسن من اليخت إللي بيقف أدام ماسبيرو بتاع الساعة بخمسة جنيه ، وبرضة فيه دورين ، ولو عايز تشرب وعطشان مفيش مشكلة مد أيدك ودلدلها وإشرب لحد ماتشبع ، ويجعله عامر . د / خالد

طبعا هشبع في الاخره من مية المجاري اللي الواحد هيمد اديه فيها ديه