الفتيس بيعمل صوت

[midocatred2000]

انا جديد معاكو فى المنتدى هنا و روحت حجزت عربية نيو اكسنت مانيوال 2010 وان شاء الله هستلمها بكرة بس كان فى حاجة مضيقانى جدا وانا بجرب الفتيس على الواقف من غير ماتكون دايرة ودايس دبرياج عادى لقيته بيعمل صوت زى تكتين كده و زاى بيكون فيه عضة فلو حد حصل معاه نفس الكلام وبعد كده بينعم يطمنى بالله عيلكوا لحسن مش عارف افرح بالعربية خالص

[Injection]

أنا عندى بيعمل نفس الحكاية فى اللانوس, بصراحة هو مخلى العربية فيها لمسة سبور.

بس على حسب علمى ده علامة أولية أن الفتيس خلاص قرب يسلم نمر أو أن فيه جواه بلية أو ترس بايظ وده فيه حل فتيس وموال (لسه بدرى على الفتيس مايبوظ متخفش)

بس ده عامة بيحصل فى كل العربيات عاجلا أو أجلا.

[midocatred2000]

مشكور جدا على ردك بس المفروض العربية لسه جديدة يعنى الفتيس يكون تمام ازاى قرب يسلم نمر

[Injection]

لو لسه جديدة وفى الضمان ياريت حضرتك تروح تكشف عليها فى التوكيل.

أنا مش قصدى أنه خلاص باظ, تقريبا العربيات كلها بيحصل فيها كده عاجلا أو أجلا زى ماقلت سواء علشان عقربة الفتيس عايزة تتغير أو بلية, ومش شرط العربية جديدة أو قديمة لأن خلاص توكيلات العربيات بتدى العربيات للناس بايظة, ده فيه واحد كان عامل مشكلة فى الجرنان علشان غير طقم دبرياج لعربية زيرو فى الألف الأولى.

وبعدين حضرتك برضه ماقلتش نوع العربية ولا تاريخ الشراء ولا ماشية قد أيه.

والموضوع مافيهوش خطر ميكانيكى على العربية, وممكن زى ماقلت حضرتك تروح تكشف عليها فى التوكيل لو الصوت مضايق حضرتك.

وبصراحة التوكيلات عامة وتوكيلات الكورى خاصة بقى الجديد فيها زى المستعمل معظمه فيه مشاكل لردائة القطع المستخدمة فى الصناعة.
وربنا يديك خيرها ويكفيك شرها.

[hamdymsr]

انا رديت على رسالة حضرتك على الخاص وياريت اكون قدرت افيدك ... وزى ما قولتلك متقلقش نفسك