هل يوجد رادار بنفق الازهر ؟

[المناور]

لى حوالى اربعة اشهر امر بنفق الأزهر ذهابا وايابا يومياً وسرعتى فى النفق ما بين 70 و 90 كيلو بالساعة ، مؤخرا انتبهت لعلامة لم ارها من قبل على أول النفق تقول ان السرعة مراقبة بالرادار ولا يجب ان اتعدى السرعة المقررة وهى 50 كيلو بالساعة .

الحقيقة بعد انتباهى لهذه العلامة اصبحت فى حالة قلق من ان يكون هناك رادار بالفعل .

أنا مقبل على تجديد رخصة السيارة واخشى ان اجد على العربة مخالفات تصل إلى الاف الجنيهات بسبب هذا الرادار .

هل يوجد بالفعل فى النفق رادار ؟ وهل سبق لأى منكم ان نال مخالفة بسبب رادار نفق الازهر ؟ اجيوبونى بارك الله فيكم فالقلق تملكنى .

[momadine]

لا مافيش رادرار فى أى نفق فى مصر

اللهم الا المتحرك و ده مستحيل يدخل نفق لأنه بيكون عربية بوليس

[يسري أبو الخير]

الله أعلم هل موجود ردار أم لا ؟؟ لكني أمر من نفق الأزهر يوميا .. و السرعات بالنفق خاصة صباحا تتجاوز 100 كيلو متر لو النفق فاضي أما لو كان عدد السيارات بالنفق كتير .. السرعة بتكون حوالي 50 أو 60 كيلو متر في الساعة .. و المكتوب على اللوحات الأرشادية عدم تجاوز سرعة 50 كيلو متر .. و عدم التخطي بين الحارات المرورية داخل النفق ... عموما لما تروح تستخرج شهادة المخالفات تبقى تقولنا عملت أيه ؟؟

تحياتي للجميع

[المناور]

اطمنت من المداخلة الأولى ورجعت قلقت من التانية !

أنا فيه عندى ملاحظتين الأولى هى انى من بعد ما لاحظت التنبيه بقيت ببص على الناحيتين فى النفق يمكن القط بعينى أى ردار بس الشكل التقليدى ما شوفتوش اللى شوفته حتة جهاز اسود وفيه لمبة بتنور احمر وأنا مش عارف ده جهاز ايه ولا يكونش هو ده الرادار مثلا

ثانيا فيه عربيات كتير بلاقيها بمجرد دخول النفق بتلتزم بالسرعة المقررة حتى انى كنت باستغرب من عربية بى ام ولا مرسيدس أو باسات ماشية ببطء شديد كل ده قبل ما اعرف بقصة الرادار ، واللى زود استغرابى انى مرة شوفت بوكس بوليس ماشى بالسرعة المحددة برضو وما بقيتش عارف ده التزام ولا العربية هيا اللى ظروفها كده ؟!

[hossamhussein0]

المشاركة الأصلية كتبت بواسطة المناور اطمنت من المداخلة الأولى ورجعت قلقت من التانية ! أنا فيه عندى ملاحظتين الأولى هى انى من بعد ما لاحظت التنبيه بقيت ببص على الناحيتين فى النفق يمكن القط بعينى أى ردار بس الشكل التقليدى ما شوفتوش اللى شوفته حتة جهاز اسود وفيه لمبة بتنور احمر وأنا مش عارف ده جهاز ايه ولا يكونش هو ده الرادار مثلا ثانيا فيه عربيات كتير بلاقيها بمجرد دخول النفق بتلتزم بالسرعة المقررة حتى انى كنت باستغرب من عربية بى ام ولا مرسيدس أو باسات ماشية ببطء شديد كل ده قبل ما اعرف بقصة الرادار ، واللى زود استغرابى انى مرة شوفت بوكس بوليس ماشى بالسرعة المحددة برضو وما بقيتش عارف ده التزام ولا العربية هيا اللى ظروفها كده ؟!

طبعا من كلام كده العربيات اللي انت قولت عليها مش ظروفها كده خالص وكمان الالتزام بالسرعة مش سلوك طبيعي في مجتمعنا برضه ،،، مش ممكن يكون صدفة و من كلامك ده اعتقد ان الجهاز الذي تشير اليه ربما يكون فعلا رادار بنسبة 70% بس المفترض أن الرادار يكون في نصف النفق مثلا مش عند الطرف !!! حاجة تلخبط ptmnlo123per111


ربنا يستر ،،،، علينا و عليك ptmnlo123per1147

و حاول انك تبقي تصوره بالمحمول و تعرض صورته علينا لعل و عسي حد يدنا في الموضوع