التعليق الرياضى والعفشة الرياضية ده فعلا بيفرق

[ROLAND]

انا كنت نازل اشوف النيسان صنى وانا هاجيب الأوتوماتيك منها ومحتار بين النيسان صنى السوبر صالون وبين النيسان صنى ال EX Salon ورغم كل الفروق اللى بينهم واللى معظمها فروق فى الصالون والفرش والكماليات لكن السوبر صالون عفشتها رياضية او تعليق رياضى زى ماهما كاتبين عنها فى البورشور بتاع مودرن موتورز وزى ماشرح لى مندوب المبيعات هناك وبما انى مش فاهم اوى لا صيانة ولا ميكانيكا ممكن حد يفيدنى ويقولى موضوع العفشة الرياضية والتعليق الرياضى ده فعلا حاجة مهمة وهايفرق فى عفشة العربية ولا موضوع مش مستاهل بالمناسبة الفرق بين العربيتين 8.500 لكن نفس كل حاجة حتى ل ABS علشان كده اكتر حاجة تهمنى ان لو عفشة السوبر صالون بالتعليق الرياضى هاتبقى احسن هاشتريها فياريت حد يفيدنى وبسرعة ويكون فاهم علشان انا خلاص هاشترى هل التعليق الرياضى مهم وبيفرق فالعفشة ولا مش مهم او مش بيفرق كتير
ولكم جزيل الشكر

[فادى]

التعليق الرياضى يكون أقسى من التعليق العادى, بمعنى ان امتصاصه للصدمات يكون أقل.
و ميزته هى الثبات فى مختلف ظروف القيادة, عبر الحفاظ على توزيع الوزن لأقصى قدر ممكن.
مثلا عند الكبح تميل السيارة الى الأمام و تفقد العجلات الخلفية ثباتها بسبب انعدام الوزن عليها و بالتالى تكون عرضه للالتفاف حول نفسها.
عند الانحناء تميل السيارة عكس الملف و بالتالى تفقد العجلات الداخلية ثباتها.
عند الانطلاق تميل السيارة نحو الخلف و بالتالى تفقد العجلات الأمامية ثباتها و بتعوم لو كانت دفع امامى.
العفشة الرياضية تقاوم هذه الانحناءات أكثر من العفشة العادية المريحة.
لكن العفشة الرياضية ليست مريحة, لأنها تنقل ذبذبات الطريق الى السائق أكثر من العفشة العادية. و تتسبب غالبا فى اهلاك شاسيه السيارة و بقية نظام التعليق سريعا.

[kimocyc]

المشاركة الأصلية كتبت بواسطة فادى التعليق الرياضى يكون أقسى من التعليق العادى, بمعنى ان امتصاصه للصدمات يكون أقل. و ميزته هى الثبات فى مختلف ظروف القيادة, عبر الحفاظ على توزيع الوزن لأقصى قدر ممكن. مثلا عند الكبح تميل السيارة الى الأمام و تفقد العجلات الخلفية ثباتها بسبب انعدام الوزن عليها و بالتالى تكون عرضه للالتفاف حول نفسها. عند الانحناء تميل السيارة عكس الملف و بالتالى تفقد العجلات الداخلية ثباتها. عند الانطلاق تميل السيارة نحو الخلف و بالتالى تفقد العجلات الأمامية ثباتها و بتعوم لو كانت دفع امامى. العفشة الرياضية تقاوم هذه الانحناءات أكثر من العفشة العادية المريحة. لكن العفشة الرياضية ليست مريحة, لأنها تنقل ذبذبات الطريق الى السائق أكثر من العفشة العادية. و تتسبب غالبا فى اهلاك شاسيه السيارة و بقية نظام التعليق سريعا.

طب ايه سبب ان اي عربية بيها تعليق رياضي اغلى من العادية على الرغم من ان اهلاك الشاسية وباقي النظام اكتر من التعليق العادي ؟؟؟

[hazem_khidr]

ببساطه لان تكلفه اجهزه التعليق الرياضيه اغلي من اجهزه التعليق العاديه دا من الناحيه الانتاجيه
اما من الناحيه التسويقيه
فاغلب شركات التعديل تهدف لجذب شريحه معينه من السائقين
و تحاول ارضاء متطلباتهم في نفس الوقت الذي لا يبخل به السائقون باي نقود مقابل تحقيق هدفهم