اسخن اد ايه قبل ما اتحرك بالعربية؟

[phen0m]

انا عارف ان السؤال شكله سخيف شوية بالموضوع ده محيرني
يعين واان نازل الصبح بسخن تقريبا 5 دقائق بيكون المؤشر قرب يوصل للنص و بتحرك فهل المفروض استني اكتر من كدا؟

طيب اان روحت الجامعة ورجعت ركبت العربية تاني المفروض اقعد شوية اسخنها ولا امشي علي طول؟

و شكرا علي الردود مقدما

[فادى]

5 دقايق ده انت صبور جدا.
هو الأفضل طبعا تسخين السيارة حتى تصل لحرارتها الطبيعية :
- حتى يصعد الزيت و يقوم بتزييت جميع اجزاء المحرك.
- حتى لا يكون هناك حمل حرارى على المحرك نتيجة للفارق بين حرارة مياه التبريد و حرارته الداخلية.
- حتى تعمل التاكيهات فى حرارتها الطبيعية بدون انكماش و بالتالى يسير المحرك بشكل طبيعى هادىء مع التحميل.
لكن انا معنديش الصبر ده! اخرى نص دقيقة و بكون عايز انطلق. بس طالما انت عندك هذا الصبر يبقى شىء جيد لا يضر. لكنه ليس بالضرورة القصوى. دقيقة واحدة تسخين جيدة جدا حتى اتمام دورة التزييت على الاقل.

[حازم شاهين]

السيارات الحديثة كلها لا تحتاج أكتر من دقيقة واحدة للتسخين
ثم استكمال باقى العملية أثناء السير
بمعنى قبل الوصول للحرارة المثالية يجب السير بهدوء و عدم الضغط على الموتور كثيرا

[mansoub504]

هو الصح انك تسخن السيارة لحد ما امبير الشحن للبطارية يوصل إلي النصف
بذالك يكون الموتور اصبح جاهز وتطمأئن علي الدينمو بيشحن كويس ولو السيارة فيها ار بي ام يكون نزل لأقصي درجة وتحس ان السيارة خلاص صوتها اصبح منتظم.........

[hesham mansour]

أنا بسخن لغيت لما صوت الموتور يهدي بس بصراحه مخدش بالي من موضوع الحرارة
هل ده صح و لا غلط؟؟؟؟؟؟؟؟؟؟؟؟؟؟