|
#1
19-12-2009, 10:22 PM
|
||||
|
||||
|
التقرير السوبر لليوم السوبر في قسم السوبر
مبدايا و بناء علي طلب شخصي من محمد باشا كمال هذا الموضوع مهدي الي سامح بيك رمزي الشهير بسام رام
تاني حاجة ممنوع دخول كبار السن و مرضي القلب و السكر و الضغط بسم الله اتفقنا انا و محمد باشا كمال بعد ما سمعنا عن نزول جاجوار XJ الجديدة اننا نروح و نلقي نظرة و نتعرف عليها عن كثب و في تمام الساعة الرابعة نزلت من بيتنا و لمواكبة الحدث الجلل و بما ان والدي مسافر قررت اخذ عربيتة عشان نترسم بيها شوية و عديت علي محمد باشا و اتجهنا الي توكيل جاجوار. اول ما وصلنا دخلنا و لقيناها واقفة منورة في وسط المعرض فانقضينا عليها وعملنا حسابكم معانا       طبعا اخدنا لفة حوالين العربية و ملينا عيونا من شكلها و بعدين ابتدينا نتفحص دواخلها قعدنا ندردش مع مندوب المبيعات و سالناه عن الاختراعات الموجودة في العربية و اللي بتميزها عن المنافسين و من كلامة و من فحصنا لا يوجد العربية كلاسيكية صرفة و تعتمد علي عراقة و فخامة جاجوار و علي سلسة المحركات القوية اللي تحت تصرفها. العربية بتيجي ب3 محركات: الاولي 8 سلندر 5000 سي سي طبيعي بقوة 385 حصان التاني 8 سلندر 5000 سي سي سوبر شجارد 470 حصان التالت 8 سلندر 5000 سي سي سوبر شجارد 510 حصان و زي ما انتم شايفين كلها محركات قوية هتسبب قلق للمنافسين و الفئة الاعلي تمنها في حدود ال 40,000 دينار كويتي (800 الف بندق مصري) يعني ارخص بكتير من المنافسات بنفس القوة الانطباعات: العربية شكلها حلو جدا جدا و مميزة و تلفت الانظار الدواخل شيك و الخامات و التقفيل درجة اولي لكن العربية ضيقة من قدام و من وره خصوصا من ناحية المساحة المخصصة للارجل في الامام و الراس في للخلف مع العلم ان العربية المعروضة هي الفئة الطويلة و العربية من بره ضخمة و طويلة و لم نجد تفسير للضيق ده. و المنافسين بيتفوقوا عليها في الناحية دي و بشدة كما بيتفوقوا في التكنولوجيا و الافتكاسات. بعد كدة بصينا علي ال XF اللي برضوا حسينا انها ضيقة و بعد كدة بصينا علي قسم المستعمل اللي كان فيه حتة XF R و حتة فيراري F430 سكودريا و حتة بنتلي GTC كوبية و حتتين مازيراتي واحدة كواتروبوتي و التانية جراند تورزمو حاجات كدة اي كلام سيبكم انتم فمصورناش حاجة بعد ما خلصنا الهدف من النزولة و بما ان الوقت كان لسة بدري قلنا نطلع علي مرسيدس لان محمد باشا كان عايز يبص عي ال E الجديدة و بما اني كنت شفتها و اديت انطباعي عنها لمحمد باشا هو مكانش مصدقني قلت فرصة ابرهن ليه و طلعنا علي مرسيدس و اول ما دخلنا لقينا وحش كاسر بيقلنا رايحين فين ياد منك ليه تعالوا هنا خدوني صورة و بالفعل طلعت الموبايل و بعد كام صورة مهزوزة من الخضة اخدت الصورة دي  ايوا SLR 722 مكشوفة لسة بشيل الموبايل لقيت حاجة بتقولي بس و انا كمان و خلي اللي معاك ده يجي يقف جنبي  SLR مكشوفة بس العادية و دي ب 190,000 دينار بس (الدينار بحوالي 20 جنيه) احسبوها انتم سلمنا عليهم و دخلنا علي هدفنا    و اول ما محمد باشا ركب قالي دلوقتي بس عرفت قصدك انطباعي عن ال E الجديدة كان انها من برة جميلة و شكلها جديد لكن من جوة مش هي دي المرسيدس العربية ما فيهاش روح و فخامة و دلع المرسيدس و فيها من ال C كتير من الاخر اقل من التوقعات و ده كان راي محمد باشا برضة بعد كدة خدنا جولة سريعة علي عربيات مرسيدس المختلفة من ML و GL و C و G و قررنا نروح بي ام عشان تكمل. روحنا توكيل البي ام و اول ما دخلنا لقينا مااااااااارد اسود و معاه اخوه بيقولنا علي فين يا اساتذا فين صورتي و تطوع محمد باشا و راح وقف معاه و مخدناش صور للاخ الصغير  زي ما انتم شايفين الصور مخادتش المارد كله رولز رويس فانتوم و جنبها كانت الدروب هيد ضخامة و هيبة و الله المهم اخدنا جولة علي سيارات بي ام المختلفة من ال 7 لل X6 و ال X5 و ال Z4 الجديدة و بصينا علي الرنج روفر العادية و السبورت و ال LR4 الجديدة و مشينا بعد ما سلمنا علي المارد المهم و في طريق العودة الي المنزل قلت خلينا نحلي بحاجة حلوة كدة و مكنتش متاكد اذا كنت هلاقيها او هنلاقي المكان لسه فاتح و لحسن الحظ وفقنا و قضينا احلي 10 دقائق مع الامورة       هي هي صدقوا عنيكم استون مارتن رابيد طبعا الجمال الصارخ صعقنا و قعدنا نلف و ندور زي المجانين لدرجة اننا صعبنا علي الراجل و فتح لنا العربية و ركبناااااااااااها يا رجالة ايه ده. طبعا الكرسين اللي وره ما ياخدوش الا ناس رشيقة بس مش مهم. و مهما وصفت مش هعرف اوفي للعربية حقها لدرجة اني شايف انها احلي استون مارتن علي الاطلاق و مع ان كان في DBS جنبها لكن ملفتتش نظري زي الرابيد و جنبها البورش بانيميرا بقت في غاية القبح و لو اننا بنفضل الانتريور بتاعها و لكن انتريور الاستون مش وحش من الاخر انجليزي طبعا العربية 12 سلندر 6000 سي سي بتنفس طبيعي بقوة 470 حصان بالتمام و الكمال و الكويت اول بلد تستقبلها في الشرق الاوسط و العربية موديل 2011 و هي دلوقتي بالحجز و الاستلام شهر 5 2010 و سعرها 88,000 دينار كويتي و قلنا نخلي ده مسك الختام و نروح لان ساعتها كل العربيات اللي موجودة بقت لعب بلاستيك بالنسبه لينا في انتظار تعليق محمد باشا و بعدها تعليقاتكم و بعتذر عن ردائة بعض الصور لانها بالموبايل
__________________
Sharief Mansy
 Farewell my Cayenne, you were the best car i ever had and driven التعديل الأخير تم بواسطة horas3000 ; 19-12-2009 الساعة 11:01 PM 
|
|
#2
19-12-2009, 11:59 PM
|
||||
|
||||
رد: التقرير السوبر لليوم السوبر في قسم السوبر
رحله الي الفخامه بصراحه دا المفروض يكون عنوان الموضوع القوي دا
شكرا شريف و محمد باشا علي التغطيه الرائعه. بالنسبه للفئه Eانا شايف ان لوحه القياده واخده من موديلات البي ام شويه انا مركبتهاش بس دا اول احساس جالي لما شفت الصور.
__________________
حـازم خـضـر
|
|
#3
20-12-2009, 12:06 AM
|
||||
|
||||
رد: التقرير السوبر لليوم السوبر في قسم السوبر
العفو يا باشا بالنسبة لل E فعلا منطقة العدادات و الشاشة مقتبسة من موديلات بي ام بس المخيب للامال ان الطبلون بشكل عام لا يوحي بالفخامة و الموديل الاقدم احسن من حيث الموضوع ده و انا كمان كنت قريت ان ال CLS الجديدة هتاخد نفس التصميم و ده زعلني جدا اتمني كلام مندوب المبيعات يكون صحيح و نتعود
__________________
Sharief Mansy
Farewell my Cayenne, you were the best car i ever had and driven
|
|
#4
20-12-2009, 12:16 AM
|
||||
|
||||
|
رد: التقرير السوبر لليوم السوبر في قسم السوبر
هو مرسيدس دايما كده
بتعمل الحاجه و بيبقي شكلها في الاول مش تمام و بعد كده العين بتاخد عليها و تلاقيها جميله جدا
__________________
حـازم خـضـر
|
|
#5
20-12-2009, 12:36 AM
|
||||
|
||||
|
رد: التقرير السوبر لليوم السوبر في قسم السوبر
على فكرة احنا مفيش عندنا عربيات فى مصر
__________________
شعبنا قامت قيامته، اى حد يهين كرامته نقل قيمته ونبقى كلنا ايد فى ايد ام الدنيا بقت ابوها ، واللى يتطاول عليها ، جابه لنفسه و تانى نربيه من جديد
|
 |
|
|
