|
ركبت اللوجان و سوقت الالنترا و السيراتو و لكن
انا مش عارف اكتب الموضوع ده فين فقولت اكتبه هنا المهم
ركبت اللوجان امبارح مع واحد جاري و ده رأيي في العربيه :
- الخامات و التقفيل اكثر من ممتازين
- العربيه من جوه لا شكلها قديم و لا حاجه
- هي الفوانيس الورانيه شكلها من حلو
- العربيه واسعه من جوه بس
- السماعات صوتها جميل جدا و نقي
- لوحه العدادت شكلها تحفه
- الكلاكس صوته عجيب شويه و مكانه اعجب
و كنت رايح فرح واحد صاحبي و قدام القاعه الشباب شغال لعب بالعربيات فقولت اشمعني و قد كان و شديت هاندين بمشمشه و لا بتوع احمد كار ( تلميذك يا قرصان ) و العربيه لفت 360 درجه و الحمد لله و قابلت واحد صاحبي كان معاه جوليت زي بتاعتي قالي وحشتني من زمان و هو كان معاه النترا فقولت مبدهاش لازم اجرب الالنترا دي و دي رأيي في العربيه
- العربيه خرافه
- الخامات الداخليه ممتازه
- الاداء تحفه
- العفشه 100 % علي الجنط ال 15 الفبريكه
- التقفيل مش قد كده
و في نهايه الفرح اخو العريس ( صاحبي برضه ) كان مأجر سيراتو يلعب بيها ( مفيش افتري اكتر من كده ) قولتله انا عايز اجربها فقالي متلعبش بيها ( علي اساس انا اللي هبوظها ) قولت امين و ركبت و دي رأيي في العربيه :
- العربيه مفرقتش كتير عن الالنترا من جوه
- الاداء مقارب للالنترا
- التقفيل ممتاز
- الخامات مش قد كده
- العفشه ناشفه اكتر من الالنترا بسبب الجنط ال 16 الفبريكه
- في حدفه يمين عجيبه شويه بس العربيه لسه نوفي
و دي اضرار اللعب بالعربيات :
- تشييط الكاوتشات و خصوصا الورانيه
- تبويظ ظبط الوزايا
- انا بحس ان العفشه بتتفكك من بعضها
- اهتزازت في قواعد المكنه و الفتيس
يا رب تكونوا استفتدوا من التجارب دي و طبعا الموضوع مجرد اراء شخصيه بحته
التعديل الأخير تم بواسطة pro mada ; 14-12-2009 الساعة 08:54 PM
|
14-12-2009, 08:27 PM
رد: ركبت اللوجان و سوقت الالنترا و السيراتو و لكن
