مشكلة مع المساعد الامامى

[michohat]

السلام عليكم ورحمه الله وبركاته
المساعد الامامى من ناحيه الشمال شاكك فيه والاسباب
العربية لما بتركن لفترة واسبها اجى اضغط واهز العربية من قدام الاقى فى صوت زى خشونه او صوت تزييق ( معدن بيحك فى معدن ) بسمعه وبحس فيه فى الصاج بس بيروح غالباً بعد الرجه الاولى او الثانيه وبيرجع تانى لما اركن العربية

رحت للعفشجى فك المساعد وطلعه بره وشافه قال لى سليم
معرفش الوضع ده عادى ولا اعمل ايه تانى

[فادى]

غالبا المساعد سليم لأن المساعد لا يسبب حكة معدنية, المساعد بيبقى يا اما "قافش" و ساعتها بيبقى من الصعب الضغط على السيارة و يرتد مرة واحدة, أو بيكون "خفيف" و فى الحالة دى العربية بترد على الضغطة أكثر من مرتين. أى شىء غير ذلك المساعد سليم.
الحكة غالبا بسبب مشكلة ما فى العفشة أو الشاسيه, و غالبا هتكون مشكلة بسيطة فلا تقلق.
الاحتمالات عديدة طبعا منها :
- كاوتشة المساعد.
- علبة الدركسيون (مستبعدة لو العربية حديثة).
- لحام فى الشاسيه (مستبعدة).
- الصاجة التى تحمى المحرك و الشاسيه من المياه مفكوكة, تحتك مع السيارة عند الضغط عليها (دى حصلت معايا من قبل).
- المقصات (هتحس بيها فى السواقة لو العربية معومة).

[michohat]

عربيتى فيات 131
والعفشجى فك المساعد بال ياي بتاعه و شاف المساعد وجربه
علبه الدركسيون كنت عامل ليها طقم صيانه واصلاح قبل كده
الشاسية الحمد لله سليم
عندى صاجه فعلا تحت المحرك ( مدرعه)
المقصات معرفش حالتها

بس فيه ملاحظه ممكن تساعد كل مده بحتاج انى اغير مسمار من المسامير اللى بتمسك المساعد (فى المساعد الحالى وايضا فى المساعد السابق )فى العجله لانه بيكون بيربط على الفاضى

[فادى]

بص هو لو صوت يشبه ال"طقة" يبقى فيه احتمال كبير انو مقصات أو علبة دركسيون, و هتبان لو العربية بتعوم.
مادام دول بحالة جيدة, يبقى غالبا فيه صاجه بتخبط فى جسم السيارة. بص برضو على الكاوتش بتاع ال"طبق" اللى فوق المساعد, لو كان بحالة سيئة ممكن يعمل خشونة و هتحس بتخبيط فى المطبات.

[michohat]

طب دلوقتى علشان اطمن اعمل ايه
1- اروح لعفشجي يفك المساعد تانى ويشوف ال ياي و كاوتشة المساعد والمقصات
2-اشوف علبه الدركسيون ( معرفش مين اللى بيشوفها سمكرى ولا عفشجى ولا ميكانيكى )
3- اروح لسمكرى يبص على الشاسية ( واحد صاحبى وقع قلبى وقال ممكن شرخ معرفش صح ولا لا)

معرفش معنى العربية تعوم يعنى ايه بس اللى كان فيها انى بعد ما اعدى ال 100 الاقى نص العربية بيتهز اكنى ماشى فوق عيون قط بتبدء رجه فى الدركسيون وبتزيد لحد انها تهز التابلوه يعنى رجه فى النص الامامى