|
#1
16-11-2009, 09:00 PM
|
||||
|
||||
انا و الجنوط و هواك :) (حازم خضر)
كنت سهران مع اصدقائي من حوالي اسبوعين في كافيه علي الطريق و طلعت من الكافيه لقيت الفرده اللي ورا يمين نايمه علي الاخرptmnlo123per111
المهم طلعت الاستبن و كانت حالته كويسه و ركبته و طلع عيني في الفك و التركيب لاني بقالي يمكن حوالي 5 سنين ما نزلتش الاستبن نهائي الحمد لله وكمان مش معايا الكوريك التمساحه و كانت اول مره احس ان الواحد كبرptmnlo123per1106 فقولت الحمد لله انها عملتها و هيا واقفه مش ماشيه خصوصا اني كنت قلقان من كاوتش العربيه كله بسبب اني شاريها من واحد كان راكنها و كنت متاكد ان الكاوتش دا اكيد ناشف و حيعمل حركه من الحركات دي معايا المهم ركبت فرده في البيت عندي قديمه علي انها استبن و قولت امشي بيها شويه لحد ما اجيب طقم كاوتش جديد و تاني يوم لقيت فرده الاستبن علي الارض .فقولت مش حمشي من غير استبن بالمنظر دا و بصراحه الفردتين الاماميتين عندي كانو حلوين و بريدجستون و اللي ورا كانوا كونتننتال و انا بعش الماركه دي جدا بس مقاسهم كان 13 155 علي 80 و المقاس دا كنت مش عاوزه(مش بحب الكاوتش الرفيع اوي دا بيفكرني بال 128) فقولت لو اشتريت فردتين نفس المقاس يبقي حفضل طول ما العربيه معايا اركب نفس المقاس دا فمكنش عندي حل غير اني اجيب اربع فرد كاوتش جداد و انا قاعد في لحظه كده قولت لنفسي طب ما انا حغير الكاوتش كله طب ما اجيب مقاس 14 او 15 و اغير الجنوط بالمره و انا كان نفسي من زمان اركب طقم جنوط للعربيه. فالفكره لعبت في دماغي و اتصلت بناس صحابي معاهم لانسر كريستاله زي بتاعتي واحد منهم قالي ركب طقم جنوط 15 بوصه بس انا كنت مستكبره و خايف لا يبهدل عفشه العربيه كلها و اتنين او تلاته كمان من صحابي كانوا مركبين جنط 14 بوصه و قالوا ليا دا افضل و من ركوبي في كل العربيات الكريستاله لاحظت فعلا ان ال 15 بينشف العفشه اوي و عاوز حرص في التعامل مع المطبات و كمان خفت لا الدركسيون يبقي تقيل جدا خصوصا ان باور اللانسر الكريستاله تقيل شويه مش زي البومه مثلا. بالنسبه للكاوتش: توكلت علي الله و روحت لواحد صاحبي عنده محل كاوتش قولتله عاوز ابع فرد يكونوا 14 و يكونوا ماركه محترمه و يا سلام لو فيه عندك كونتننتال او تويو قالي ماعدش فيه الكلام دا خلاص  عندي بريدجستون بوتنزا او جوود يير ديوكارو اول ما سمعت اسم ديوكارو ما صدقتش ان الكاوتش دا هنا في مصر لانه مشهور جدا في الراليات و بتاع تأديه عاليه و لاني كنت بستعمل جوود يير ايام زمان اوي فكنت عارف الانواع دي كلها كان فيه جوود يير ايجل و دا كان رياضي جدا و جراند بري و ديوكارو المهم بصيت علي الفرده لقيت نقشتها كويسه و فيها اخاديد لتصريف المياه و بصيت علي تاريخ انتاجها لقيته في شهر يوليو 2009 و تايلاندي الصنع قولت مش مشكله المهم انه مصنع جووديير و خلاص و بالنسبه للمقاس فهو قالي ممكن نركب عندك 14 185 علي 70 او 14 185 علي 65 و دا حيبقي افضل ليك فقولتله خلاص حاخد ال 185 علي 65 علشان احافظ علي علو العربيه و مش عاوزها تعلي عن كده . و اتفقت علي الاربع فرد و لقيتهم سرعات و مكتوب عليهم H يعني يستحملوا لسرعه 220 تقريبا و نيجي للجنوط: بالطبع كنت عاوز طقم جنوط جديد لكني كنت متخوف من الجنوط الصيني اللي في السوق و في نفس الوقت مش عاوز اشتري جنوط استعمال لا اوريجنال بتاع العربيه استيراد خارج ولا جنوط سبور مستعمله . قمت روحت لواحد قريبي يعرف واحد عنده محل جنوط روحت اتفرجت علي الجنوط و قمت شاري طقم جنوط تايلاندي و اخدت معاهم المسامير النيكل و البلوف النيكل . اكتر حاجه عجبتني في الجنط ان كل فتحه مسمار كانت قدام ريشه من الريش بالضبط و الحركه دي بتدي قوه للجنط و بتخليه اكثر استحمالا و يمكن اخترته من وسط 10 اطقم علشان انه تايلاندي مش صيني و علشان الحركه دي بتاع المسامير و كمان شكله مش منتشر اوي و ركبت الاربع جنوط و الكاوتش و رصصت الجنوط و لسه عاوز اروح اعمل شويه حاجات بسيطه في العفشه عندي بيضه عاوزه تتغير و فيه صوت تخبيط جاي من ورا عاوز افك العفشه كلها فقولت اركب الكاوتش الاول علشان يبقي الشغل علي الحاجه الجديده ما ارجعش اعمل شغل تاني و اسيبكم مع الصور و قولوا بسم الله ما شاء الله  لاحظوا فكره الاخرام مع الريش !  اعذروني علشان الصور من كاميرا الموبايل و بالليل 
__________________
حـازم خـضـر
التعديل الأخير تم بواسطة hazem_khidr ; 16-11-2009 الساعة 09:03 PM 
|
|
#2
16-11-2009, 09:36 PM
|
|||
|
|||
|
رد: انا و الجنوط و هواك :) (حازم خضر)
مبروكين عليك ماشاء الله
حلوه وربنا يكفيك شرها تقبل مروري dr.amr
|
|
#3
16-11-2009, 09:40 PM
|
||||
|
||||
|
رد: انا و الجنوط و هواك :) (حازم خضر)
ياباشا مبروكين عليك وربنا يحرسهالك بس ممكن اسال عن حاجة الجنوط عملت كام فلوس؟
|
|
#4
16-11-2009, 09:44 PM
|
||||
|
||||
رد: انا و الجنوط و هواك :) (حازم خضر)
الجنوط عملوا 1300 جنيه بالضبط والكاوتش الفرده ب 300 يعني 1200 جنيه
__________________
حـازم خـضـر
|
|
#5
16-11-2009, 10:00 PM
|
||||
|
||||
|
رد: انا و الجنوط و هواك :) (حازم خضر)
مبروك عليك الكاوتش و الجنوط
و أسأل الله أن يحملوك الى الخير فقط ممكن بس أسأل حضرتك ازاى أتصل بأصحاب المحلات اللى حضرتك اتعاملت معاهم؟ باختصار .... عندى جنط اسبور اتسرق و عاوز واحد شكله أو لو أبيع التلاتة اللى معايا و أشترى أربعة جداد ..... كام الفرق تقريبا؟؟؟؟؟ اللى عند جنوط عظمة خماسى و ليست ألومنيوم 
|
 |
|
|
