العودة   مصر موتورز مجتمع وسوق السيارات العربى > النادى الثقافى الاجتماعى > تجارب اﻷعضاء

تجارب اﻷعضاء ساحة لعرض فيها اﻷعضاء تجاربهم فى شتوى مناحى الحياة


Auto Paint سمكرة ودهان نتعامل مع شركات التأمين

ابحث فى مصر موتورز ؟



إضافة رد
 
أدوات الموضوع
قديم 29-09-2009, 08:34 PM   #1
mostafa2000
 
الصورة الرمزية mostafa2000
 
رقم العضوية : 18270
تاريخ التسجيل : Sep 2009
مكان الإقامة : المقطم
عدد المشاركات : 437
عدد النقاط : 5060
هواياتي : القراءة وتنس الطاولة والسيارات
التخصص العملى : مهندس استشاري وصاحب مكتب هندسي
قوة التقييم : mostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond reputemostafa2000 has a reputation beyond repute
جهات الاتصال :

mostafa2000 غير متواجد حالياً


أوسمة العضو
لاتوجد أوسمة لـ mostafa2000
افتراضي الدليل المفيد في التشطيب


بنود أعمال تشطيب الشقة بالترتيب.
1- الكهرباء .
2- السباكه.
3- تجهيز و ترميم الحوائط و الأسقف و النجاره ( ابواب و شبابيك ).
4- الأرضيات .
5-- تشطيب الحوائط و الأسقف و النجاره .
6- تشطيب الحمام و المطبخ.
7- تشطيب الكهرباء و النجاره.

اولا الكهرباء:

اذا كان قد مر على آخر تغيير للأسلاك اكثر من 10 سنوات لابد من تغييرها بالكامل حيث تصبج جافة و تتقصف و لا تستطيع احتمال الأحمال و بالتالى تصبح مصدرا للحرائق و لابد من سحبها من داخل الخراطيم الموجوده داخل الحوائط و اعادة تدكيكها بالأقطار التاليه :
سلك السخان الكهربائى أو تكييف او غساله بها سخان او غسالة اطباق 4 مم
سلك البرايز الكهربائيه 3 مم
سلك الأناره و النجف 2 مم
السلك الصاعد للشقه من العداد لا يقل عن 10 مم.

- يتم تغيير التابلوه الرئيسى للشقه اذا كان من نوع المنصهرات القديمة و استبداله بأخر ذو مفاتيح اتوماتيك 16 و 20 و 24 امبير حسب الحمل بحيث يتم تجميع الأنارة مثلا على مفتاحين و البرايز على مقتاحين و كل جهاز كبير على مفتاح أو تقسم على الغرف كل غرفه مفتاح.
- يتم عمل مفتاحين كبيرين بعد عداد الأناره قوى 32 او 40 امبير.

فاذا كنتى تريد استخدام 3 تكييفات يجب تغيير العداد الى 3 فاز و هذا بسيط بالرجوع لشركة الكهرباء و سيكلفك حوالى 900 جنيه و السلوك الصاعدة للشقه تزيد سلك قطر 10 مم بحيث يكون عددهم 3 بدل 2.

- يتم زيادة عدد البرايز و مفاتيح الأناره و اماكن اباليك و مفاتيح التكييف و السخان ( اذا لم يستخدم الغاز ) و ذلك حسب الرغبه.

- يمكن شراء جميع المستلزمات من العتبه بعد تحديدها من قبل الكهربائى و يفضل اسلاك السويدى و مفاتيح بتشينو.

- مراحل العمل : الأولى عمل السابق و الأخيرة بعد الدهانات تركيب لقم المفاتيح و البرايز و اوجة المفاتيح.

- التكلفة الأجماليه تكون لشقه مساحة من 150 - 200 متر حوالى 3000 جنيه و يمكن ان تزيد حسب انواع المفاتيح التى ستختارها .

ثانيا السباكه:

يجب عليك الكشف جيدا على السباكه و ساقول لك طريقة سهلة لذلك لكن يجب عليك معاينة الشقه العلوية ( بمعاينة سقفك ) و السفليه ( بمعاينة سقف الحمامات و المطبخ ) لكى تطمئنى من عدم حدوث تسريب منهما. و طريقة الأختبار بسيطة بالنسبة لصرف البانيو الأحواض ( المطبخ و الحمام ) .

-اذهب للبلاعه و افتحى الغطاء ستجدى داخلها فتحات موصله للبانيو و الأحواض سدى هذه الفتحات جيدا بواسطه قطعة قماش او جزء من شيطارة اسمنت و غطيها بطبقه من الجبس المخلوط بقليل من الماء و تدعيها تجف .
افتحى الماء فى الأحواض و البانيو و املئيها حتى الحافه و راقبى هل ينخفض منسوب الماء . اذا انخفض فمعناه و جود تسرب فى مواسير الصرف و لابد من تكسيرها و استبدالها .

بالنسبه لاختبار مواسير الماء يقوم السباك باحضار طلمبة كبس و ايجارها ( اذا لم تكن عنده 20 - 30 جنيه ) ليقوم بكبس الماء داخل المواسير فاذا لاحظتى انخفاض فى ضغط الماء يكون هناك تسرب للماء داخل الحوائط و يمكن ملاحظته بالنظر للحوائط المحيطة بالحمام و المطبخ من الخارج ( آثار نشع ).

فى حالة تغيير المواسير يمكن شراؤها من نوع بولى اثيلين ( بلاستيك ) من محلات السيراميك الكبرى كا عبد العزيزالسلاب ( مدينة نصر ) أو مصطفى السلاب ( النزهة الجديده ) او اى محل آخر كبير و ابتعدى عن المحلات الصغيره علشان الغش. كذلك مراعاة عمل وصلة صرف للغساله و غسالة الأطباق فى المطبخ اذا سمحت الظروف.

اذ حدث تكسير فى احد الحوائط او اذا رغبت يمكنك استبدال السيراميك فى الحائط التالف بنوع اخر يسمى ازمالدو ( موزاييك تايلز ) وهو عباره عن سيرايك قطع صغيره حوالى 2 سم × 2 سم بألوان جذابه جدا و متعدده و لكنه غالى سعر المتر من 70 الى 130 جنيه فيمكن استخدامه فى مسطحات صغيره و يمكن ايضا استخدامه فيما بين قطعتى المطبخ العلويه و السفليه و متوافر عند السلاب و شركات اخرى.

اذا رغبت فى تغيير الطقم فيمكن شراء كومبنيشن و حوض ابيض غاطس من نوع كيلوباترا بمبلغ حوالى 800 جنيه و طقم خلاطات للمطبخ و الحمام ( من الفجاله ) و باقى الأكسسوارات ( شماعه - فواطه - صبانه ) بحوالى 600 جنيه .يمكن ايضا شراء رخامه بمبلغ 300 جنيه و اختيار الحوض غاطس فى الرخامه ( و هو ارخص من العادى )

مراحل العمل :
تغيير المواسير اذا لزم
معجنة و تجهيز السقف و الحوائط
تركيب السيراميك اذا حدث
تشطيب ( دهان ) السقف و الحوائط و النجاره .
تشطيب الطقم و الكهرباء.

التكلفه لحمام واحد و مطبخ فى حالة مواسير جديده
مصنعية 400-500 جنيه
خامات 800 - 900 جنيه
و اضافة تكاليف التشطيب السابق ذكرها
فى حالة تغيير السيراميك (حوائط و ارضيات )
التكلفة من 2500- 3500 حسب المساحة و النوع

ثالثا :تجهيز و ترميم الحوائط و الأسقف و النجاره ( ابواب و شبابيك )

اذا كانت الشقه قديمه فمعنى كده ان ارتفاع السقف عالى ( اكثر من 3 متر ) و لن تستطيع دهانه بنفسك منعا للأصابات و يفضل الأستعانه بنقاش متخصص.
بالنسبه للحوائط و الأسقف :
اذا كانت الحوائط زيت او ورق حائط فيجب ازالة الطبقة القديمة بسكينة معجون او ورق صنفره خشن ( تشترى من اى محل حدايد و بويات و يشترى معها فرشه مشط ( فرشه عريضه عرض 10 او 15 سم ) و عدد 2 روله قطن و عدة سكاكين معجون و عدد 2فرشاه 2 بوصه و عدد 2 فرشاه 1 بوصه . و اذا كانت الحوائط بلاستيك فيكتفى بالغسيل بالماء مع الدعك بليفة التشطيب بتاعة المطبخ مع ازالة الأجزاء المفككه ان وجدت مع فصل الكهرباء ان كانت ساريه للوقايه من الحوادث.

كذلك بالنسبة للأسقف مع صعوبتها و يمكن ربط الأدوات بعصاية المقشه للوصول الى الأرتفاع مع وجود سلم آمن ذو قطعتين .

الخطوه الثانيه معجنة الحوائط باستخدام معجون بلاستيك جاهز على شكل بودره من انتاج شركة سكيب للكيماويات ( أفضل نوع موجود ) و يمكن شراؤه من شارع جسر السويس او من الشركة الأم ويكون بوضع طبقة رقيقة على الحائط الغرض منها سد مسام الحائط و تجهيزه لدهان البلاستيك و ليس عمل طبقة سميكه - اى حولى من ثلث الى نصف مم - اى يدوبك مسح بالسكينة عدا الحفر و النقرفيتم ملؤها تماما .

يمكن الكشف على عيوب المعجون باستخدام لمبة او كشاف ووضعه على الحائط و النظر حوله فى اتجاعات مختلفه و ستكتشفين فورا عيوب الصنعه .

بالنسبة للدهان اخترت دهانات البلاستيك لعدة اسباب :
اقتصاديه - سهلة التشغيل - تدارى العيوب - سهلة الصيانه - سهلة الأعاده.

ينقسم الدهان لطبقتين بطانه ( تجهيز ) و ضهاره ( تشطيب ) :
- البطانه وجهين بلاستيك ابيض رخيص يمكن شراء البستله 15 كجم بسعر من 70 - 110 ج للواحده من نوع سايبس او كيماكوت او باكين او اى نوع فى حدود هذا السعرتخفف فى الوجه الأول بنسبة 1 بلاستيك : 2 ماء و الوجه الثانى 1 بلاستيك : 1 ماء
و تدهن بالفرشه العريضه ( تسمى الشياطه ) مع مراعاة خبط الفرشه بعد غمسها بالدهان لكى تزيلى فائض الدهان قبل الدهان لعدم حدوث ظاهرة تسييل الدهان و تكفى البستله لدهان من 10 - 15 متر مربع وجهين و يفضل ان تبدأى بحائط غير ظاهر حتى تكتسب يدك حساسية الفرشه ثم بحائط ظاهر و فى الآخر الأسقف

- التشطيب وجه واحد من نوع كيما تون او يوتن ( من جسر السويس ) سعر البستله 15 كجم من 170 - 220 ج و يدهن بالروله القطن بدون تخفيف اطلاقا ( ابدا حذار من التخفيف بالماء ) حيث ميزة هذان النوعان انهما نصف لامعين و قابليتهما للغسيل بالماء مع نصوع اللون الأبيض ( Shine white ) و طول العمر واضافة الماء تطفىء اللون فورا .

و ميزة استخدام الروله هى مداراة عيوب الحائط و المعجون حيث تشكل حبيبات صغيره على الحائط تشتت النظر مع الحرص على عدم التسييل و البدء فى حائط غير ظاهر للتمرين . تستهلك كل غرفه بستله و نصف او 2 بستله .
و يمكن تشطيب السقف بالفرشه مع استخدام البلاستيك الرخيص بدون تخفيفه بالماء.

تنقع الفرش فى الماء بعد نهاية كل يوم عمل.

لم اتكلم عن الألوان لأننى افترضت انه الأبيض لكن فى حالة الرغبه فى التلوين يمكن شراء البلاستيك من يوتن ملون و مخلوط بالكمبيوتر حسب اللون المطلوب تماما و يزيد سعر البستله حوالى 50 جنيه للتلوين و يجب ان تكون الماكينه قادره على خلط 12 لون فاكثر و هى موجوده عند كبار موزعى يوتن و اسعارهم اقل
و التلوين يتم على دهان التشطيب فقط و لايتم على دهانات البطانه.
الألوان السائده حاليا البيجات و بعض الرماديات ( درجات خاصه تقرب للموف الفاتح جدا ) و اللمونيات.
اذا كان السقف عالى يمكن تلوينه ايضا بنفس لون الحائط مع عمل فاصل ابيض بينهما .

بالنسبة لقطع النجاره .
- تصنفر بصنفرة الخشب جيدا جدا و تمرر اليد عليها حتى تكون كالحرير و الجهد كله فى الصنفره بحيث تزال البويه القديمة تماما و يمكن استخدام ماء الأكسجين للمناطق الصعبه و ان كنت لا افضل ذلك .
- يتم معجنة المناطق المتضرره من الخشب باستخدام معجون زيت جاهز .
- يدهن وجهين من لاكيهات سايبس مخفف بالزيت ( يشترى من جسر السويس ) بالفرشاه الصغيره 2 بوصه و 1 بوصه . و يترك بين الوجه الأول و الثانى الفتره الكافيه لتمام الجفاف ( يعضم )
- يدهن وجه نهائى من اللاكيه بدون زيت ( وهو صعب لان الفرشاه ستترك اثرفى الدهان ) لكن مع التدريب سيتحسن الوضع و هذا العيب موجود مع احسن الصنايعيه .

- يجب احضار نجار لترييح الأبواب و الشبابيك قبل دهان الوجه النهائى ( اى جعلهم يفتحون و يقفلون بسلاسه ) مع نزع اكسسوار النجاره من كوالين و مقابض لضمان عدم تلوثهم بالبويات.

يتكلف المتر من البلاستيك الابيض حوالى 10-12 جنيه و قطعة النجاره حوالى 20جنيه .و لعمل مقايسه سريعه اضربى مساحة الشقه × 3 يعطيك مسطح الدهان.
شقة 150م مسطح الدهان 450م التكلفه لا تقل عن 4500جنيه.


رابعا :الأرضيات :

و هى اكثر ما يتكلف فى الموضوع لان المساحات بتأخذ فلوس كثيره من أى مادة مستخدمه . و الأنواع المتوافره هى بترتيب التكلفه :
1- قنالتكس أو موكيت:
لا أنصح بالموكيت تحت أى ظروف فقد اثبت فشله مع ظروفنا فى الأتربه و الصيانة و النظافه و الصحه العامه و ما يصلح لأوروبا قد لا يصلح لنا و ان كان و لابد يستخدم القنالتكس ( و يدعى اليوم ريكيت حيث اغلقت شركة المحاريث و الهندسه منتجة القنالتكس ابوابها و تبقت الشركة الأسلاميه للأرضيات منتجة الريكيت ) و يلصق على بلاط سنجابى ( سطوحى ) جيد مع الأبتعاد عن الرسومات (ترتيب البلاطات على الأرض ) و الألوان التقليديه فيه و يتكلف المتر بدون البلاط حوالى 30 جنيه و البلاط حوالى 9 جنيه .

2- سيراميك :
وهى مادة جيده جدا و مناسبة لظروفنا و يوجد فيها اختيارات مختلفه و متنوعه افضل الأنواع كيلوباترا . و تتكون البلاطه من طبقتين . الفخار و هى الطبقة الحامله للبلاطه وهى خامه محليه متوافره فى أسوان و الصينى و هى الطبقه اللامعه و المسئوله عن المظهر الجميل وهى خامة مستورده من الصين . كلما زاد سمك البلاطه الأجمالى زادت قوة تحملها وكلما زاد سمك طبقة الصينى ازداد سعرها .معظم السمك الجمالى يتراوح بين 6 مم و 10 مم للأنواع الفاخره .
يوجد للأنواع الفاخره فرزان اول و ثانى و للأنواع العادية فرز اول و ثانى و تجارى. فى اغلب الأحوال يمكن شراء الفرز الثانى بأمان خاصة لو كانت الكميات كبيره ( 100 متر فأكثر ) و النوع ذو سعر مرتفع اما الفرز التجارى فلا انصح به .
تفضل البلاطات الصغيرة المقاس عن الكبيره و خصوصا للمسطحات الضيقه كالشقق حيث تقل عيوب التصنيع و عيوب اللصق و ان كانت غير متوافره بسهوله كالأنواع كبيرة المقاس.
تكلفة مصنعية اللصق من 5 جنيه حتى 12 جنيه للمتر حسب نوع الشغل ( مجرد رص للبلاط او عمل دورانات و اشكال داخل البلاط ) و يضاف تكلفة مونة اللصق و سقية اللحامات حوالى 3 جنيه للمتر بالأضافه طبعا لسعر المتر من البلاط و الذى يتراوح من 22 جنيه الى حوالى 45 جنيه.
فترة حياة السيراميك من 10 - 15 سنه كحد اقصى فى الأستخدام يبدأ بعدها فى التنقير ( تجريح فى الطبقة المزججه ) خاصة فى أماكن الحركه و يتغير منظره بشده و يلزم استبداله للحفاظ على المنظر.

3- باركيه لصق :
و يتكون من طبقة بلاط سنجابى ملصوق عليها طبقة من الواح الباركيه سمك 1.5 سم او 1 سم .
و تعطى منظرا جذابا و بتكلفة معقوله و ان كانت قصيرة العمر حيث ان الماده اللاصقه تتآكل و تتحلل بسبب الرطوبه الموجوده فى الجو و يمكن استعمال اللواصق السريعه مثل الشعله و الحصان للصق و هى تعطى عمرا أطول للصق و يعيبها عدم تمكن كل الصنايعيه خاصة قليلى الخبره من استعمالها .
ايضا من عيوبها احتياجها للصيانه المستمره لمتابعة ما يفك منها و اعادة لصقه و كذا التلميع المستمر بالورنيش .
يتكلف المتر حوالى 60 - 65 جنيه بدون البلاط .

4- خشب :
وهى ماده جيدة جدا و ان كانت تحتاج للمحافظه و التلميع بصوره دائمه بالورنيش و هى من المواد التى أطلق عليها المواد الدافئه التى تشعرك بالحميميه .تحتاج أن تشترى الخشب من اجود نوع من الخشب السويد قبل التركيب و التصنيع بفتره و تخزنه بطريقه صحيحه حتى يجف تماما و ذلك لردائة النواع الموجوده بالسوق المصرى و احتوائها على نسبه عاليه من الرطوبه .
يكون سمك اللوح الواحد 2.5 سم و طوله 4 متر و عرضه 10 او 15 سم و يتم فى الورشه مسحه من الجانبين و تفريزه ( أى عمل نتواءات ليدخل فى بعضه عاشق و معشوق ) و يركب على شاسيه من الخشب ( تسمى علفه ) مكونه من الواح موسكى ( نفس الخشب السابق و لكن بقطاع 5 سم × 10 سم ) تسمى مراين و عوارض و تدهن ببيتومين اسود سائل بعد التركيب للحفاظ عليها من الرطوبه ثم تثبت عليها الواح الخشب و تسمى ( التطبيق ) و تمسمر بمسامير مائله و غير ظاهره و تعمل على الحائط وزره بارتفاع 10 أو 15 سم ( تفضل )
يمكن استخدام الأرضيات الخشب فى كل الأماكن بالشقق و ان كان المعتاد استخدامها فى غرف النوم.
يتكلف المتر حوالى 80 جنيه.

5- بورسلين :
من الأرضيات الفاخره و هو عبارة عن طبقة من الصينى بكامل سمك البلاطة ( 10 مم ) و يوجد منه نوعان .عادى و قطع ليزر.
الأول يبلط بالطريقه العاديه و الثانى تلصق البلاطات ببعضها بحيث لا يكون بينها فواصل ظاهره يمكن شراء قطع الليزر من الفرز الثانى بسهوله
تكلفة المتر من البلاط 70 - 120 جنيه
تكلفة المتر من المصنعي 7 - 12 جنيه
تكلفة المتر من مونة اللصق حوالى 4 جنيه

6- باركيه مسمار و الرخام :
و هى افخر انواع الأرضيات و يمكن استخدام النوعين معا ( وهى موضه ) و يتكون الباركيه من علفه كالسابق ثم تطبيق الواح بينها فواصل كبيره بدون تفريز او مسح ثم طبقة الواح الباركيه من الزان او الأرو .
بالنسبة للرخام نفس خطوات لصق البورسلين قطع الليزر
يتكلف المتر من أيا من النوعين من 220 جنيه - 400 جنيه حسب نوع الباركيه او الرخام المستخدم
للمزيد من مواضيعي

 

الموضوع الأصلي : الدليل المفيد في التشطيب    
    المصدر : منتدى السيارات مصر موتورز    
    الكاتب : mostafa2000

من اشهر مواضيع mostafa2000 في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : mostafa2000


    رد مع اقتباس
قديم 09-10-2009, 10:04 PM   #2
محمد شهاب
 
رقم العضوية : 11618
تاريخ التسجيل : May 2009
مكان الإقامة :
عدد المشاركات : 422
عدد النقاط : 15205
قوة التقييم : محمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond repute
جهات الاتصال :

محمد شهاب غير متواجد حالياً


أوسمة العضو
لاتوجد أوسمة لـ محمد شهاب
افتراضي رد: الدليل المفيد في التشطيب


موضوع موسوعى جميل
ربنا يبارك فيك وفى امثالك




تحياتى للجميع

من اشهر مواضيع محمد شهاب في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 11-10-2009, 02:40 PM   #3
m_o_sakr
 
رقم العضوية : 19682
تاريخ التسجيل : Oct 2009
مكان الإقامة :
عدد المشاركات : 2,108
عدد النقاط : 200659
قوة التقييم : m_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond reputem_o_sakr has a reputation beyond repute
جهات الاتصال :

m_o_sakr غير متواجد حالياً


أوسمة العضو
لاتوجد أوسمة لـ m_o_sakr
افتراضي رد: الدليل المفيد في التشطيب


tslmo 3l m3lomat el gmda d

من اشهر مواضيع m_o_sakr في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 11-10-2009, 03:14 PM   #4
Dantes010
 
الصورة الرمزية Dantes010
 
رقم العضوية : 19090
تاريخ التسجيل : Oct 2009
مكان الإقامة :
عدد المشاركات : 349
عدد النقاط : 3030
قوة التقييم : Dantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond reputeDantes010 has a reputation beyond repute
جهات الاتصال :

Dantes010 غير متواجد حالياً


أوسمة العضو
لاتوجد أوسمة لـ Dantes010
افتراضي رد: الدليل المفيد في التشطيب


مشكووووور على المجهود الواضح والكم الكبير من المعلومات

من اشهر مواضيع Dantes010 في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : Dantes010

مهندس/ إيهاب الجندي

سبحان الله وبحمده سبحان الله العظيم
اللهم صلي وسلم على نبينا محمد


    رد مع اقتباس
قديم 11-10-2009, 03:40 PM   #5
Bendary
 
الصورة الرمزية Bendary
 
رقم العضوية : 3306
تاريخ التسجيل : Nov 2008
مكان الإقامة : دايما بين احبابى
عدد المشاركات : 1,066
عدد النقاط : 8747
هواياتي : طوابع - رسم - قراءة ، لكن بعد الشغل والجواز بقت الهوايه : أكل العيش
التخصص العملى : Trading - Buiness Development
قوة التقييم : Bendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond repute
جهات الاتصال :

Bendary غير متواجد حالياً


أوسمة العضو
لاتوجد أوسمة لـ Bendary
افتراضي رد: الدليل المفيد في التشطيب


الاخ مصطفى : شكرا جزيلا على الموضوع الهايل
واسمح لى ان اسالك : هل انت مهندس فى مجال المقاولات (واضح من الصورة المرفقة فى تعليقك ) ؟؟

ارجو الاجابة حيث ان عندى مشكله ترميمية وتحتاج علاج بشكل خاص
ولك خالص التحية على مجهودك

من اشهر مواضيع Bendary في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : Bendary

Mohamed Bendary
اللهم فرغنى لما خلقتنى له ولا تشغلنى بما خلقته لى
اللهم ولا تحرمنى وانا أسألك ولا تعذبنى وانا استغفرك
مصر هاتفضل غاليه عليا


    رد مع اقتباس
قديم 12-10-2009, 07:37 PM   #6
AbOnOrA
Aِِbo(Nora&Islam&Judy)
Wael Magdy Salah
 
الصورة الرمزية AbOnOrA
 
رقم العضوية : 3
تاريخ التسجيل : May 2008
مكان الإقامة : ام الدنيا مصر
عدد المشاركات : 16,470
عدد النقاط : 175941
هواياتي : Computers, Automotives
التخصص العملى : IT Consultant
الخبرات: اساسيات صيانة السيارات ، السمكرة واعمال الدهان الكمبيوتر الشبكات نظم المعلومات الإدارية والتسويق ا
قوة التقييم : AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
جهات الاتصال :

AbOnOrA غير متواجد حالياً


أوسمة العضو
لاتوجد أوسمة لـ AbOnOrA
افتراضي رد: الدليل المفيد في التشطيب


موضوع رائع فعلاً وخاصة انى غاوى الديكورات جدا وليه بعض التجارب فيها وخاصة فى الدهانات والحوائط

بالنسبة للبطانة ذكر الموضوع
- البطانه وجهين بلاستيك ابيض رخيص يمكن شراء البستله 15 كجم بسعر من 70 - 110 ج للواحده من نوع سايبس او كيماكوت او باكين او اى نوع فى حدود هذا السعرتخفف فى الوجه الأول بنسبة 1 بلاستيك : 2 ماء و الوجه الثانى 1 بلاستيك : 1 ماء
و تدهن بالفرشه العريضه ( تسمى الشياطه ) مع مراعاة خبط الفرشه بعد غمسها بالدهان لكى تزيلى فائض الدهان قبل الدهان لعدم حدوث ظاهرة تسييل الدهان و تكفى البستله لدهان من 10 - 15 متر مربع وجهين و يفضل ان تبدأى بحائط غير ظاهر حتى تكتسب يدك حساسية الفرشه ثم بحائط ظاهر و فى الآخر الأسقف

طبعا ديه كده بطانه هلامية
اولاً معروف ان مينفعش تتحط مادة قوية على مادة ضعيفة فالبلاسيتك النظيف او الزيت لو اتحط على بطانة البلاسيتك الضعيف هياخدة ويقع
لازم يكون فيه معجون علشان يشرب بوية التشطيب ويعالج عيوب الحيطة لان البطانة مش هتعالج عيوب الحيطة ديه يادوب هتسد مسام المحارة

فلازم البطانة لو كانت لاسطح معرضة لرطوبة او خارجية تتبطن بمادة مبدئية عازلة وبعدين المعجون وبعدين الفينش حسب اذا كانت زيت او باستيك برضو
لو بلاسيتك هيبقى معجون بلاسيتك
لو زيت يبقى معجون زيت والبطانة تكون بسنيتون
مع عدم اغفال مرحلة السنفرة لان لو المعجون متسنفرش يبقى معملناش حاجة
ولازم بعد ما يتسنفر يتنطف من تراب المعجون العالق عليه برضو
الحاجات ديه مش صعبة ومش لازم تعملها بايدك بس مهم تتاكد من انها اتعملت لان انا بشوف ناس كتير صحابى بيضحك عليهم من صنايعية على ما تفرج شغلتهم يدلقو بوية على الحيطة وبس من غير فائدة ويقعد يقولك عايزين مونة تانية يا بيه الحيطة اصلها وحشة

وبالتالى يمكن اختصار مراحل تشطيب الحوائط الى الاتى
1- معالجة السطح (ازالة اى بقايا للمصيص او اى زوائد او اتربة) فى حالة المحارة تتم تسوية الحوائط بسكينة المعجون مايسمى ب(المراشمة) حتى تصبح الحوائط ملساء نسبياً
2- يتم سد مسام المحارة اما بالمعجون مباشرة او بطبقة دهان مخففة او بعازل رطوبة حسب طبيعة السطح والاستخدام
3- يتم معجنة الاسطح (فى الغالب بيبقى وشين معجون) اما معجون بلاسيتك او زيت حسب التشطيب مع مراعاه سنفرة كل طبقة معجون ثم مسحها من اى بقايا اتربة حتى تصبح ملساء تماما
4- يتم التشطيب باستخدام مواد غير مخففة (وش او وشين)



من اشهر مواضيع AbOnOrA في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : AbOnOrA



اخر موضوعاتى
قريباً تقرير وتجربة اداء دايهاتسو تريوس * تويوتا راش


    رد مع اقتباس
قديم 13-10-2009, 02:18 AM   #7
Romeeoo
 
الصورة الرمزية Romeeoo
 
رقم العضوية : 5705
تاريخ التسجيل : Jan 2009
مكان الإقامة : دمياط
عدد المشاركات : 557
عدد النقاط : 56603
هواياتي : البرمجة
التخصص العملى : محاسب تكاليف
قوة التقييم : Romeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond reputeRomeeoo has a reputation beyond repute
جهات الاتصال :

Romeeoo غير متواجد حالياً


أوسمة العضو
لاتوجد أوسمة لـ Romeeoo
افتراضي رد: الدليل المفيد في التشطيب


معلش ياباشا انا عايز أجيب الأرضيات الباركيه ال اتش دى اف مش كده؟ اللى بتركب عاشق ومعشوق باللصق ع البلاط هيا تقريبا المانى؟ وسمكها 7 او 8 ملى
ياترى جيبها منين بأرخص سعر واعلى جوده انا من دمياط ع فكرة

من اشهر مواضيع Romeeoo في مصرموتورز
0 تغيير انوار العدادات و نور التابلوه فى كورسا مو 95 1200 سى سى
0 الأوبل كورسا من الإبرة للصاروخ (موضوع ارشيفى مجمع مش حاتلاقى زيه فى اى منتدى)
0 تظبيط فرش وتابلوه لأوبل كورسا 1995
0 مقارنة بين انواع الكورسا لعيون ابو نورا واحمد الكفراوى
0 ازاى تركب نيون فى التابلوه
0 موضوع يهتم بإستفسارات الأعضاء عن فواتير الكهرباءوشركات التوزيع
0 ازاى تركب مساعدين تفتح بيهم الكبود
0 شوية اسعار من بورسعيد استيراد
0 لأول مرة وحصريا خريطة أوبل كورسا مو 94و95و96و97والتيجرا
0 طريقة تغيير فلتر الوقود لأوبل كورسا مو 95 1200


MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 16-11-2009, 02:43 AM   #8
بوالينو
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
جهات الاتصال :


أوسمة العضو
لاتوجد أوسمة لـ بوالينو
افتراضي رد: الدليل المفيد في التشطيب


شكرا ياباشا ..............

من اشهر مواضيع بوالينو في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 04-02-2011, 10:27 AM   #9
amrc5
 
رقم العضوية : 45421
تاريخ التسجيل : Apr 2010
مكان الإقامة :
عدد المشاركات : 4
عدد النقاط : 10
قوة التقييم : amrc5 is on a distinguished road
جهات الاتصال :

amrc5 غير متواجد حالياً


أوسمة العضو
لاتوجد أوسمة لـ amrc5
افتراضي رد: الدليل المفيد في التشطيب


افادكم الله معلومات قيمة و شكرا لمجهودك يا اخ مصطفى جعلها الله فى ميزان حسناتك باذن الله



MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 15-02-2011, 10:49 PM   #10
acounter01
 
الصورة الرمزية acounter01
 
رقم العضوية : 28704
تاريخ التسجيل : Dec 2009
مكان الإقامة : مصر
عدد المشاركات : 1,252
عدد النقاط : 2540
هواياتي : التليفونات المحمولة
التخصص العملى : محاسب
قوة التقييم : acounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond reputeacounter01 has a reputation beyond repute
جهات الاتصال :

acounter01 غير متواجد حالياً


أوسمة العضو
لاتوجد أوسمة لـ acounter01
افتراضي رد: الدليل المفيد في التشطيب


موضوع مفيد لكل من يرغب في تشطيب شقته

من اشهر مواضيع acounter01 في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : acounter01

سبحان الله وبحمده

سبحان الله العظيم


    رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:23 AM.


Powered by vBulletin® Copyright ©2000 - 2015, Jelsoft Enterprises Ltd.
www.MasrMotors.com ™ Copyright ©2008 - 2015
Egyptian Automotive Community
جميع الحقوق محفوظة - مصرموتورز 2008 - 2015