#1
|
|||
|
|||
العربيه سخنت جدا برجاء المساعده
ماشي في امان الله عادي زي كل يوم و فجاه ببص علي مؤشر الحراره لقيته وصل لل H و التدريج الأحمر و عداه كمان !! يعني كان متشعلق في اخر العداد تحس انه عاوز يزصل لقرايه اعلي من كده كمان
وقفت علي طول بالعربيه و فتحت الكبوت مفيش أي ريحه او دخان او حاجه و المروحه مش شغاله و المايه بتاع الرادياتر فاضيه خالص جبت مايه و رشيتها علي فرن الشكمان بالراحه كده خالص لحد ما بردت للنص و الحمد لله اني كنت قريب من البيت شغلتها و روحت علي طول .. طبعا الحراره رفعت تاني للتدريج الأحمر ركنتها و صلحت المروحه و زودت المايه علي البارد و شغلتها تاني و مشيت مشوار مفيش أي مشاكل حصلت و التبريد كويس و مش بتسخن انا قلقان من الموقف ده هل ممكن يكون عمل ايه تاثير علي الوش او الشنابر او أي حاجه في الموتور ؟ ازاي اعرف ان فيه حاجه حصلت او محصلتش يعني ؟ و الف شكر ليكم |
#2
|
||||
|
||||
رد: العربيه سخنت جدا برجاء المساعده
الافضل توديها للميكانيكى بتاعك واللى انت بتثق فيه يبصلك على العربية ممكن يكون فيه تسريب لمياه الردياتير او اى حاجة تانية
وانا متابع معاك وقولى عملت ايه وكان ايه السبب |
#3
|
|||
|
|||
رد: العربيه سخنت جدا برجاء المساعده
كل يوم اطمن عل مياة الرداتير وشوفها بتنقص ولا لا لكن اطمن طالما العربية مسخنتش تاني يبقي مفيشش مشكلة
|
#4
|
|||
|
|||
رد: العربيه سخنت جدا برجاء المساعده
قدّر و لطف
الحمد لله
__________________
|
#5
|
||||
|
||||
رد: العربيه سخنت جدا برجاء المساعده
ان شاء الله مايكنش حاجة حصلت فى الموتور .... و على العموم ..
لو حصل حاجة فى وش السلندر .... المياه تتخلط بالزيت .. و يعمل حاجة شبه الطحينة ... و ممكن تلاقى بقايا زيت داخل الردياتير ... حضرتك لازم تتابع المياه داخل الردياتير و داخل القربة على فترات متقاربة
__________________
|
|
|