تعديل لانسر 2001 شراء ماتور استيراد وفتيس اوتو

[sherif4004]

انا عندي لانسر 2001 مانوال 1300 cc
المكنه خفت جدا ونفسى فى الاتوماتيك .. فا المكانيكى ثالى تعالى نروح بورسعيد نجيب ماتور بالفتيس اتوماتيك وقالى انه افضل من العمره

طيب رحنا بورسعد واختار ماتور كرستاله ميراج 2 كامه 1500 cc وطبعا دى كانت المشكله بس مكنش اعرف اصلا حاجه انا ماشى معاه ثقه المهم السعر كان 3500 + 100 ج ورق فى المرور هناك + 150 تمن السياره اللى وصلتنا من المنصورة وشالت الماتور ورجعتنا تانى كانت بيجو 7 راكب وكان معانا اخ تانى دفع للبيجو السبعه راكب 190 واشترى ماتور سوزوكي سويفت جاب ماتوره ب 2500 واشترى قطمه ادام عباره عن اكصدام وفوانييس وصدر ب 850 ج

جيت لمرحله التركيب والتسقيط المكانيكى جاب عفشجى واشتغلو 3 ايام وتم عمل تعديل فى الكرسى الجمل علشان اختلاف الماتور وتم اخد مصناعيه للمكانيكى 450 والعفشجى اخد 250

وبعدين قالى العربيه مش هتدور الا اما اغير ضفيره كهرباء ورشحلى كهربائى اشتغل فى العربيه 5 ايام واخدت مصناعيه 800 ج واشترالى عصايه فتيس ب 600 وعداد اوتو ب 700 واخد القديم وطرمبه بنزين ب 600 بس فيه مشكله فى العداد ان مؤشر السرعه مش شغال وطلب انه اعدل فى العفشه واركب حساس abs وبروده معرفش يشغله وانا اشتريت كنسوله للعصايه ب 250 وجبت عفشه ادام كامله ب 2800 والتركيب وشراء بعض حاجات الحوار دخل فى 3500

ورحت لبتاع شكمانات اخد 200 جنيه علشان يلحم الماتور فى الشكمان ويعمل تعديل

بعدين رحت لمكانيكى تانى ضبط شويه حاجات فى الماتور لان كان فيه اختلاف فى معدل نقل الماتور وكان الا ار بى ام فوق 1.5 وكان فيه حاساس بايظ

الراجل صاحب السوزوكى كان حظه حلو تم عمل سمكره لسيارته ب 500 على الرغم ان فيه ناس طلبت 2000 وتم الرش على 1200 ج وتقريبا المكانيكى اخدت منه 400
وتم تسقيط ماتوره من غير تعديل اى ضفيره او شى بس عربيته فضلت على كاربراتير وعدم استخدام الانشجن اللى فى الماتور اللى جه من بورسعيد

عموما خلاصه الخبره الهم دي ان اللى عايز يجب ماتور لازم يجيب نفس نوع الماتور ويبعد عن اى تعديل كبير وعدم تعديل الكهرباء لانه هم ووقت طويل ومصاريف عاليه

ايه رايكم بقى وهل بعد كده الواحد يعمل الحوار دا فى بورسعيد ولا الحرفيين ولا يعمل عمره وخلاص

اخر حاجه انا بحسد الناس اللى فى القاهره لان فيه هناك توكيلات ورش متكامله وبتسلم تسليم مفتاح وبتتفق على وقت وتكلقه محسوبه وتعامل راقى فيه مهندسين ميكانيكا ناس فاهمه مش حافظه .. بعيد عن هم الصناعيه اللى يقول مش هشتغل غير اما اصتبح واخد فرص ترمادول ..

وايه رايكم احاول ابيع العربيه واجيب جديد ولا افضل بيها سنه او اتنين وابقى اجيب ماتور 1300 او 1600 حاجه استور غير ملعوب فيها واعمل كده فى الحرفيين ولا بورسعيد لانى اتعقدت من صناعيه المنصورة

[hazem_khidr]

سوري اللي حصل دا عك بكل ما تحمله الكلمة من معنى. ..عرربيك يركب عليها موتور البومه سواء ال1300 او ال1600 او حتي ال2000 مستريح....من غير تعديل في قواعد الموتور..للاسف مش عاوز ازعلك لكن الحقيقه اي حد يجي يركب العربيه علشان يشتريها حيهرب...لو تعرف ترجع الموتور و تاخد واحد بتاع بومه بالضفيره و الكنترول يبقي افضل و تستعوض ربنا في الخساير الباقيه

[Hisham.Elgazzar]

قدر الله وماشاء فعل انت دفعت كتييييييير فى النثريات وغالبا ملهاش لازمة
يعنى لحام الشكمان 100 وشغل الكهربا 400 والباقى معقول بس لازم موضوع الكمبيوتر زى ماقلتلك

موتور البوما يا أستاز حازم النهردا ب 10 الاف جنيه عشان بيركبوه فى التكاسى البى واى دى والاسبرانزا ال516

لازم تروح لحد متخصص كنترولات يلغى الاى بى اس او يظبطه ويظبطلك العربية حساسات والذى منه
وعموما لو التعديل ده كلفت أقل من 7 الاف بالموتور والشغل اللى اتعمل من الألف للياء اللى انت كتبت عنه تبقى كسبان


تعديل موتور البوما بيتكلف 10000 جنيه الكلام ده من مصدر موثوق منه
وماتبيعش العربية طبعا خسارة ربنا يباركلك فيها ويكفيك شرها

[hazem_khidr]

يا هشام بيه احنا مسقطين لعربيتين بومه مانيوال من قريب مكن بومه 2000 و الراجل اخد الحاجات القديمه و دفعنا 70000 او 6000 للعربية الواحدة. ..انا معاك ان المواتير غاليه بس هو كده صرف كتير و للاسف من غير فايده و العربيه لا هتتباع و لاتتشري
اهو صرف اكتر من تمن موتور البومه!!!!!!

[sherif4004]

شكرا ليكم ولمشاركتم القيمه بس فعلا انا استاهل انى مسالتش كويس وعملت تعديل كبير وانا جاهل بيه
عموما انا ناوى خلال سنتين اما اخلص على الماتور دا اغير الماتور واجيب 1600 استوك بمشتملاته