العودة   مصر موتورز مجتمع السيارات > النادى الثقافى الاجتماعى > ثورة الحرية 25 يناير

ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول


مشاهدة نتائج الإستطلاع: ـــ*ــ هل ستشارك في الإستفتاء على الدستور وهل أنت موافق على دستور مصر 2014 ؟؟
سأشارك في الأستفتاء وأقول نعم للدستور 11 55.00%
سأشارك في الإستفتاء وأقول لا للدستور 0 0%
أنا مقاطع للإستفتاء 9 45.00%
المصوتون: 20. أنت لم تصوت في هذا الإستطلاع

إضافة رد
 
أدوات الموضوع
  #1  
قديم 01-06-2012, 04:29 PM
الصورة الرمزية ahmed1981
ahmed1981 ahmed1981 غير متواجد حالياً
التخصص العملى: مهندس ميكانيكا قوى
 
تاريخ التسجيل: Sep 2008
المشاركات: 1,052
ahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond repute
انذار **|||- الفصل الأخير من مسرحية الزعيم النائم -|||**

بسم الله الرحمن الرحيم




الفصل الأخير من مسرحية الزعيم النائم




إليكم مقتطف من نص المشهد الأخير من الفصل الأخير من مسرحية الزعيم النائم:ــ

-
-


الزعيم:


إيه الأخبار يا رجالة أنا زهقت من النومة دي وجالي قرح فراش بقالي 17 شهر.


-


قائد الفلول:ـ
تمام يا فندم
كله ماشي حسب الخطة ووصلنا للمرحلة الأخيرة
وزي ما إتفقنا قبل عمر ما يقول خطاب التنحي
الرئيس الجديد يا مدير مخابرات سيادتك يا وزير دفاع فخامتك يا رئيس وزراء بجاحتك وكله من شوال عسكر معاليك.

-

الزعيم:ـ
عال يا فلفولي هو ده الكلام.
وأخبار الإعلام إيه ؟؟؟؟؟؟؟؟؟؟؟؟؟؟؟؟

-

قائد الفلول:ـ
الإعلام ماشي حسب تعليمات وزير الإعلام صفوت الشريف بيك.
الخطة الجهنمية المعدة بدقة ماشية تمام
غسيل المخ شغال تمام على الشعب
لدرجة إننا قربنا نوصل لمرحلة إن الناس تصدق إن الثورة كانت بواسطة الحزب الوطني للقضاء على الإخوان المسلمين

-

الزعيم:ـ
بس كده كتير قوي يا فلفل الموضوع هيبقى مسخرة قدام العالم

-

قائد الفلول:ـ
يا باشا الإعلام العالمي إتفق معانا إنه هيتصرف بخصوص غسيل مخ الكرة الأرضية المهم مصر متخرجش من تحد إيد إسرائي.. آآآ قصدي إيد فخامتك

-

الزعيم:ـ
ونستوهم اللي حصل في بداية الثورة من سنة ونص

-

قائد الفلول:ـ
نسيوا جداً ياباشا
الإعلام طلع أقوى من الكراسي الكهربا والله
تخيل إن لجنة تقصي الحقائق أثبتت إن اللواء البطران إتقتل بواسطة رجال وزراة الداخلية لرفضه فتح السجون ومحدش سأل
ونشرنا الخبر في صفحة الوفيات ولا مين يدري
دا إنت لو سألت حد في الشارع عن موضوع اللوا البطران هيقولك مين البطريق ده ؟؟؟؟؟؟؟؟
وموضوع فتح السجون إتلم وإتعتم عليه ومحدش بيتكلم فيه
وحرق الأقسام كأنه كان في السودان
والرعب الأزلي اللي عملناه للناس لمدة أسبوع من جمعة الغضب 28 يناير لأسبوع بعدها كله إدفن بدري بدري
الناس مشغولة بحل فزورة الطرف الثالث الملمس
يا باشا دا اللي قتلوا سيد بلال إترقوا وخدوا مكافئة ومحدش قال حاجة

-

الزعيم:ـ
ومجلس الشعب عملتوا معاه إيه.

-

قائد الفلول:ـ
تمام يا باشا
حسب تعلمات توحة المسرور تم تجاهل مجلس الشعب في كل مرافق ونواحي البلد وكأنه مش موجود.
وطول النهار قنوات الحوار قاعدة تسأل مجلس الشعب عملنا إيه ؟؟؟؟؟؟؟
ونزلناها أغنية في إعلانات الزيت والسمنة والصابون (مجلس الشعب عملنا إيه) عشان الناس تحفظ
والحكومة بتتحرك براحتها مع كامل الإحتقار لمجلس الشعب حتى تقل قيمته عند المواطن ويحس إن مجلس الشعب عبارة عن قهوة بلدي.
وبنحاول نغطي على أي قوانين بتدرس في مجلس الشعب كأنه مدرسة إبتدائي بتذاكر عشان الإمتحان
لدرجة إن حضرتك لو نزلت الشارع وسألت أي حد عن الأعمال الهامة التي قدمها مجلس الشعب هيقولك مشفناش ومسمعناش غير حادثة المناخير.
يا باشا دا الناس اللي إنتخبوا مجلس الشعب بدؤا يضربوا نفسهم بالجزمة ومن غير ميعرفوا هما بيضربوا نفسهم ليه.
تخيل إننا مشغلين قناة صوت الشعب بتاعت مجلس الشعب أغاني وخلاص وقريب هنشغل فيها أغنية (قول يا مبارك قول)

-

الزعيم:ـ
ها ها ها ها ها قه قه قه قه قه
الله يخرب بيت عقل اللي خلفوك يا توحة يا مسرور
ها ها ها ها ها ها ها ها ها ها

-

الزعيم:ـ
البلطجة في الشوارع عاملة إيه يا فلافل ؟؟؟

-

قائد الفلول:ـ
الحقيقة البلطجية بدؤوا يزهقوا ويطلبوا رواتب أعلى
وبيهددوا إنهم هيريحوا خلاص ويقعدوا وبيقدموا إستقالات جماعية
وإحنا بنحاول معاهم وبنقلهم هانت كلها شهر والرئيس الجديد يطلع ويقول خلال 24 ساعة سأعيد الأمن وهتكون هي دي الإشارة
هيروحوا ويلبسوا البدل الميري بتاعتهم وينزلوا الشارع وياخدوا مكافئة 6 شهور
وأنا طبعاً قلت لحضرتك إن الرئيس هيكون شفيق لأن فكرة عمر سليمان كانت فاجرة شوية
فهنخللي شفيق الرئيس وعمر ممكن يمسك المخابرات لأن إسرائيل موصية إن عمر هو الأجدر بالمخابرات المصرية.

-

الزعيم:ـ
الإستعدادات للجولة التانية أخبارها إيه يا فلة ؟؟؟؟؟؟

-

قائد الفلول:ـ
فل الفل يا معلمي
الإعلام عمل شغل جبار سواء الحكومي أو الخاص لدرجة إني شخصياً إقتنعت إن الإخوان المسلمين كانوا معتقليني زمان لمدة ستين سنة وكهربوني لما الكهربا قطعت
وأي حد واقف في طابور سولار أو بنزين أو بوتاجاز بيلعن في الإخوان لأنهم السبب ليه ميعرفش
والتلفزيون الحكومي بيستضيف ناس تتكلم عن تهريب أسلحة وصواريخ وقنابل ذرية والمذيعين والمذيعات مطلوب منهم تلزيق تلك الأشياء بالإسلاميين عموماً.
وبندرس الوقتي نخللي الإعلام يثبت إن موقعة الجمل كانت بقيادة الإخوان والسلفيين وهما اللي أصروا على إستخدام الجمال والأحصنة فيها بحجة إنها من السنة النبوية زي الصحابة وطبعاً دي ممكن نمشيها على كام مليون جاهل ينفعونا في الإنتخابات

-

الزعيم:ـ
بلاش المبالغة يا فلفل هتكشفنا كده

-

قائد الفلول:ـ
يا باشا إحنا مش هنقول كده
إحنا بنجيب خبراء في مقابلات في قنوات خاصة هما اللي يقولوا الكلام ده
وإحنا نمصمص شفايفنا بس

-

الزعيم :ـ
وإيه الجديد في المجلس العسكري ؟؟

-

قائد الفلول :ـ
هما بيقترحوا على فخامتك يطلعوا طرف رابع لأن الطرف الثالث مش كفاية لأننا إكتشفنا إن الشعب المصري ثلاثة فاز (3ph)ــ
وبالتالي لازم يبقى في ثلاثة أطراف وطرف متعادل نيوترال
عشان ميضربوش ويفرقعوا مننا وإحنا بنبرمجهم

-

الزعيم :ـ
الله ينور دانتوا فاهمين في الميكانيكا كمان هي هي هي

الزعيم:ـ
ويا ترى شفيق ذاكر كلمتين بدل ما بيفضحنا في كل حوار ؟؟؟

-

فلفل:ـ
بنحاول معاه يا باشا وجايبنله مدرس عربي
وعموماً إحنا مانعينه من أي مناظرة عشان الفضايح
وبالنسبة للخطابات اللي كان بيكتب لفخامتك هيكتبله
وموضوع إنه قبل الثورة قال أنا مش شايفها ثورة وهوزع بنبوني على الفرافير يحطوها مكان عنيهم اللي طارت وشوية يطلع ويقول الثورة إنتهت وقعد يلبخ
فجبناله دكتور نفساني هينوموا طغطاطيسي ويحفظوا كلمتين مدح في الثورة عشان نكسب شوية ثورجية

-

الزعيم:ـ

آه يا ضهري زهقت من النوم زهقت
آه يا قرح فراشي

-

فلفل:ـ
يا باشا كلها شهرين وهتطلع مع إحتفالات أكتوبر
وشفيق في كل حوار بيقول إنك مثله الأعلى إلى أن يموت عشان التجهيز للمهمة دي
وكلها فترة واحدة واللي بعدها جمال يمسك أو سوزان تمسك وكلنا تحت أمرك
تخيل سيادتك بعد الحرب الإعلامية ضد الإسلاميين لو نزلنا فخامتك الإنتخابات هتنجح
متتخيلش سيادتك الرفيق والصديق نتنياهو وباراك بيقدموا إيه عشان شفيق هو اللي يفوز
دا إقترحوا إنهم يلبسوا بلوزات عليها صور شفيق ويعملوا مؤتمر تأييد في تل أبيب
لكن إحنا رفضنا عشان دا هيأثر على غسيل الدماغ المحلي وقلنالهم هاتوا الفلوس وإحنا هنتصرف ونبقا نرجعهالكم غاز أو سائل
وطبعاً إحنا وعدناهم إن شفيق والغاز هيرجعوا في يوم واحد
وبيتفاوضوا معانا الوقتي نحول مسار النيل عليهم من أول سفاجا كده من طريق شرم الشيخ وأديك فخامتك هتقعد في شرم الشيخ يبقى النيل أمامك والبحر ورائك.

-

الزعيم:ـ
كلموا الجماعة اليهود وخصوصاً إيهود باراك ونتنياهوا يخلوا الحب في القلب وبلاش دعايا لشفيق عشان هما كده هيضروه
وبلاش تصريحات التمجيد فيا عشان اللعبة تكمل على خير

-

فلفل:ـ
حاضر يا فندم
فهمناهم كده
لأن المواطن المصري اللي بينتخب شفيق لما بيحس إن هي دي مطالب المواطن الإسرائيلي ممكن غسيل الدماغ يفك
غير إننا كلمنا الجماعة الأمريكان عشان نطمنهم إن الخطة الثلاثية المشتركة (الإتحاد الإسرائيلي المصري الأمريكي) ماشية تمام ويجهزوا المعلوم عشان العملية ناشفة شوية
وقلنالهم متقلقوش يا شفيق يا شفيق مفيش غير شفيق

-

الزعيم:ـــــــــــ

أهم حاجة وآخر حاجة يا فلفل أو يا رئيس الفلول إنت وكل الفلول المفلفلين حبايبي إنكم تضغطوا في الفترة الجاية على غسيل دماغ الشعب في إتجاهين:ـ

الأول:ـ الشعب يختار شفيق

الثاني:ـ اللي مش ناوي يختار شفيق يقاطع الإنتخابات عشان خايف من الإخوان وبالتالي برضه يفوز شفيق

وفي النهاية يفوز حسني مبارك ونظامه الذي لم يتزحزح من مكانه قيد أنمله

-

الفلافل كلهم :ـ
يا سلام على الفكر يا زعيم
لا زعيم إلا الزعيم
نموت نموت ويحيا الزعيم
نحن فداؤك يا زعيم
أنت الشعب والشعب أنت

يسدل الستار

وحسبنا الله ونعم الوكيل

إلى كل مصري عاقل

هل سنهزم الفلول أم سنتحول لأضحوكة العالم
مصر رمانة ميزان العالم وليست هينة وعيون العالم عليها
فهل نتركها بعد عامين من الدماء تعود لما كانت عليه
نعود لعصر قتل سيد بلال وخالد سعيد وما خفي كان أعظم
نعود لعصر دخول أمن الدولة البيوت فجراً
نعود لعصر الوزير الذي يسرح المؤذنين ليشحتوا ويخترع نظام أذان إلكتروني
نعود لعصر الموافقة الأمنية على تعيين المعيد في الجامعة والموظف في المصلحة
نعود لعصر حكم العسكر بعد ستين عام سوداء من حكم العسكر
نعود لعصر حصار غزة لصالح إسرائيل
نعيد ما فعله عبد الناصر من ستين سنة بالحرف الواحد ولكن عن طريق الإنتخابات ويرجع العسكر للحكم

لالالالالالالالا
وألف لالالالالا

لن ينجح شفيق ولن يعود النظام السابق أبداً بقوة الله تعالى

وأنا لست من الإخوان المسلمين ولست من السلفيين بل أنا مسلم عادي

لكن أعتقد أن كلنا خلف الدكتور محمد مرسي ضد حكم العسكر وحكم الفلول

إذا كنت معي في هذا الرأي فلا تتردد لحظة في توعية الناس قبل فوات الأوان

وفي الختام يقول الله تعالى:ـ
( وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ ) سورة يوسف آية 21
صدق الله العظيم


-

التعديل الأخير تم بواسطة ahmed1981 ; 01-06-2012 الساعة 04:37 PM
رد مع اقتباس
  #2  
قديم 01-06-2012, 04:44 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: **|||- الفصل الأخير من مسرحية الزعيم النائم -|||**


وفي الختام يقول الله تعالى:ـ


( وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ ) سورة يوسف آية 21


صدق الله العظيم
هذا أفضل مافى المسرحيه

فلايوجد أفضل من كلام وقضاء الله

أى كلام يعتد به
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #3  
قديم 01-06-2012, 10:32 PM
تامر ديزل تامر ديزل غير متواجد حالياً
 
تاريخ التسجيل: Jul 2011
المشاركات: 1,725
تامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond repute
افتراضي رد: **|||- الفصل الأخير من مسرحية الزعيم النائم -|||**

:thn kr:
رد مع اقتباس
  #4  
قديم 01-06-2012, 11:23 PM
الصورة الرمزية tacker
tacker tacker غير متواجد حالياً
 
تاريخ التسجيل: Mar 2012
الموقع: المحله الكبرى
المشاركات: 288
tacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond reputetacker has a reputation beyond repute
افتراضي رد: **|||- الفصل الأخير من مسرحية الزعيم النائم -|||**

دىمش مسرحية خيالية ..ده هو الواقع فعلا
احييك على هذا الأسلوب الرائع المضحك المبكى..
وان قررت فعلا أكون ايجابى وهنتخب مرسى بإذن الله..والله المستعان
(اللهم لا تؤاخذنا بما فعل السفهاء منا).. (طبعا معروفين)
__________________

Tarek
رد مع اقتباس
  #5  
قديم 09-06-2012, 10:57 AM
الصورة الرمزية ahmed1981
ahmed1981 ahmed1981 غير متواجد حالياً
التخصص العملى: مهندس ميكانيكا قوى
 
تاريخ التسجيل: Sep 2008
المشاركات: 1,052
ahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond reputeahmed1981 has a reputation beyond repute
افتراضي رد: **|||- الفصل الأخير من مسرحية الزعيم النائم -|||**

شفيق مكدبش خبر
وبينفذ فصل المسرحية

شاهد الفيديو:_

المشاركة الأصلية كتبت بواسطة ahmed1981 مشاهدة المشاركة

الزعيم:ـ
الإستعدادات للجولة التانية أخبارها إيه يا فلة ؟؟؟؟؟؟
-
قائد الفلول:ـ
-
-
-

وبندرس الوقتي نخللي الإعلام يثبت إن موقعة الجمل كانت بقيادة الإخوان والسلفيين وهما اللي أصروا على إستخدام الجمال والأحصنة فيها بحجة إنها من السنة النبوية زي الصحابة وطبعاً دي ممكن نمشيها على كام مليون جاهل ينفعونا في الإنتخابات
-
الزعيم:ـ

بلاش المبالغة يا فلفل هتكشفنا كده
-
قائد الفلول:ـ

يا باشا إحنا مش هنقول كده
إحنا بنجيب خبراء في مقابلات في قنوات خاصة هما اللي يقولوا الكلام ده
وإحنا نمصمص شفايفنا بس
رد مع اقتباس
إضافة رد

الكلمات الدليلية
17 سنة, مصر, الأزهر, الصعيد, بحري, تصويت, تزوير, تفجير, خائن, رئاسة, شحن, عسكر, فلول, إخوان, إيقاف, إرهاب, إستفتاء, إنتخاب, إنتخابات, طلب شراء سيارة

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:06 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017